Ore i mexü̃ ga Cuáü̃ ümatüxü̃ 7:26 - Tupanaarü Ore

²⁶ ¡Dücax! Gua nixĩ rü yea guxü̃ i duü̃xü̃güpe̱xewa nidexa rü taxúema ñuxũ ñatarügü nüxü̃. ¿Taux ẽ̱xna i tórü ãẽ̱xgacügü i marü nüxü̃́ yaxõgüãxü̃ nax aixcüma Cristu yixĩxü̃ i nümax?

Ore i mexü̃ ga Cuáü̃ ümatüxü̃ 7:26 Referans Kwoze

Ore i mexü̃ ga Cuáü̃ ümatüxü̃ 7:48

Dücax, rü taxúema i tomax i Parichéugü rü taxuxü̃ma i tórü ãẽ̱xgacügü rü nüxü̃́ nayaxõgü i ngẽma Ngechuchu.

Filipenses 1:14

Rü ñu̱xma nax chapoxcuxü̃ rü ngẽma rümumaexü̃ i taenexẽgü i yaxõgüxü̃ rü nüxü̃́ nangúchaü̃ nax tama namuü̃eãcüma nüxü̃ yaxugüxü̃ i Tupanaarü ore.

Ngechuchuarü ngúexü̃gü ga yamugüxü̃arü puracüchiga 4:13

Rü yexguma yema ãẽ̱xgacügü nüxü̃ daugügu ga ñuxãcü tama muü̃ẽãcüma nax yadexagüxü̃ ga Pedru rü Cuáü̃, rü naba̱i̱xãchie, yerü nüxü̃ nicua̱xãchitanü ga tama mea poperaxü̃ nax yacuáxü̃ rü puracütanüxü̃mare yixĩgüxü̃. Rü nüxü̃ nicua̱xãchitanü nax Ngechuchuarü ngúexü̃gü yixĩgüxü̃.

Ore i mexü̃ ga Cuáü̃ ümatüxü̃ 12:42

Natürü muxü̃ma ga yema Yudíugü rü Ngechuchuaxü̃́ nayaxõgü, rü woo ga ñuxre ga ãẽ̱xgacügü rü ta nayaxõgü, natürü tama nügü nixugüchaü̃ ga duü̃xü̃güpe̱xewa, yerü Parichéugüxü̃ namuü̃e nax tama ngutaque̱xepataü̃wa ínawoxü̃xü̃ca̱x.

Ore i mexü̃ ga Cuáü̃ ümatüxü̃ 9:22

Rü yema ñatarügügü ga nanatü rü naé, yerü tamuü̃e. Yerü ga Yudíugü rü marü nügümaxã nanamexẽxẽgü nax tüxü̃ ínata̱xüchigüxü̃ca̱x ga ngutaque̱xepataü̃wa ga texé ga Ngechuchuaxü̃́ yaxṍxe nax Cristu yixĩxü̃.

Ore i mexü̃ ga Luca ümatüxü̃ 7:30

Natürü yema Parichéugü rü yema ngúexẽẽruü̃gü ga Moichéarü mugüwa ngu̱xẽẽtaegüxü̃ rü tama nanaxwa̱xegü nax Cuáü̃ ínabaiü̃xẽẽxü̃. Rü yemaacü nüxü̃ naxoe ga yema mexü̃ ga Tupana naxca̱x nagu rüxĩnüxü̃.

Ore i mexü̃ ga Matéu ümatüxü̃ 22:16

Rü yemaca̱x Ngechuchuxü̃tawa nanamugü ga ñuxre ga norü duü̃xü̃gü wüxigu namaxã ga ñuxre ga Eródearü duü̃xü̃gü nax Ngechuchumaxã nüxü̃ yanaxugüexü̃ca̱x ga ore, rü ñanagürügü: —Pa Ngúexẽxẽruxü̃x, nüxü̃ tacua̱x rü aixcüma nixĩ i ngẽma nüxü̃ quixuxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x. Rü tama duü̃xü̃gügamare cuxĩnü, erü tama norü düxétüxü̃negu cudawenü, natürü nacüma nixĩ i cungugüxü̃.

Ichaía 42:4

Rü nüma rü tagutáma inarüngü̃. Rü tagutáma nüxü̃ narüchau ñu̱xmatáta ñoma i naanewa maxẽxü̃ i duü̃xü̃gü mea nügümaxã inacuáxe. Rü woo ngẽma nachixü̃anegü i yáxü̃wa ngẽxmagüxü̃ i már arü tocutüwa rü tá mea nanayauxgü i norü ngu̱xẽẽtae —ñanagürü.

Ucu̱xẽgüchiga 28:1

Ngẽma chixexü̃ üxü̃, rü niña ega woo taxúema nawe ingẽchigügu. Natürü ngẽma aixcüma mexü̃gu maxü̃xü̃ rü ñoma wüxi ya leóü̃rüxü̃ taxuca̱xma namuü̃.

Ore i mexü̃ ga Luca ümatüxü̃ 23:13

Rü yexguma ga Pirátu rü nanangutaque̱xexẽxẽ ga yema chacherdótegüarü ãẽ̱xgacügü, rü yema Yudíugüarü ãẽ̱xgacügü, rü guxü̃ma ga duü̃xü̃gü ga yéma yexmagüxü̃.

Ore i mexü̃ ga Cuáü̃ ümatüxü̃ 3:1

Nayexma ga wüxi ga Parichéu ga Nicodémugu ãégacü. Rü nüma rü wüxi ga ãẽ̱xgacü ga tachigacü nixĩ ga Yudíugütanüwa.

Ore i mexü̃ ga Cuáü̃ ümatüxü̃ 4:29

Rü ngĩgürügü: —¡Ngĩxã rü ítayadaugü i wüxi i yatü i chomaxã nüxü̃ ixuxü̃ ga guxü̃ma ga yema chaxüxü̃! ¿Taux ẽ̱xna yimá yixĩxü̃ ya Cristu? —ngĩgürügü.

Ore i mexü̃ ga Cuáü̃ ümatüxü̃ 7:25

Rü ñuxre ga yema duü̃xü̃gü ga Yerucharéü̃gu ãchiü̃güxü̃ rü nügüna nacagüe, rü ñanagürügü: —¿Taux ẽ̱xna daa yixĩxü̃ ya yimá yatü ya ãẽ̱xgacügü naxca̱x daugücü nax yama̱xgüãxü̃ca̱x?

Ore i mexü̃ ga Cuáü̃ ümatüxü̃ 7:31

Natürü muxü̃ma ga duü̃xü̃gü rü nüxü̃́ nayaxõgü. Rü ñanagürügü: —¿Ngẽxguma ínanguxgu ya Cristu rü ta̱xacürü cua̱xruxü̃ i daa yatü üxü̃arü yexera tá naxü? —ñanagürügü.

Ore i mexü̃ ga Cuáü̃ ümatüxü̃ 18:20

Rü Ngechuchu ñanagürü nüxü̃: —Choma rü guxü̃ ga duü̃xü̃güpe̱xewa nüxü̃ chixu ga chorü ore. Rü ngutaque̱xepataü̃güwa rü Tupanapata ya taxü̃newa i ngextá guxü̃ma i Yudíugü íngutaque̱xegüxü̃wa chanangúexẽxẽ ga duü̃xü̃gü. Rü yemaacü taxuxü̃ma ichicu̱x ga chorü ore.