Ore i mexü̃ ga Cuáü̃ ümatüxü̃ 7:24 - Tupanaarü Ore

²⁴ Rü ngẽmaca̱x tama name i tama nüxü̃ pecua̱xãcüma penangugümare i ngẽma chaxüxü̃. Rü penaxwa̱xe i mea nagu perüxĩnüeãcü aixcüma mea penangugü —ñanagürü ga Ngechuchu.

Ore i mexü̃ ga Cuáü̃ ümatüxü̃ 7:24 Referans Kwoze

Popera ga Chantiágu ümatüxü̃ 2:9

Natürü ngẽxguma mea penayauxgu i wüxi i yatü i mexchiruxü̃ rü chixri penayauxgu i ngẽma wexachiruxü̃, rü pecadu pexü. Rü Tupanaarü mugüpe̱xewa pegagutama chixexü̃ pexü.

Ore i mexü̃ ga Cuáü̃ ümatüxü̃ 8:15

Pema rü ñoma i naanecüã̱x i duü̃xü̃gü nagu rüxĩnüexü̃ãcüma choxü̃ pengugü. Natürü i choma rü taxúexü̃ma changugü.

Popera ga Chantiágu ümatüxü̃ 2:1

Pa Chauenexẽgüx, pema rü nüxü̃́ peyaxõgü ya tórü Cori ya Ngechuchu ya Cristu ya üünecü. Rü ngẽmaca̱x tama name nax chixri penayaxuxü̃ i wüxi i duü̃xü̃ rü mea penayaxuxü̃ i to.

Ucu̱xẽgüchiga 24:23

Ñaagü nixĩ i norü ucu̱xẽgü i ngẽma nüxü̃ icua̱xüchigüxü̃, rü ñanagürügü: —Ngẽma ãẽ̱xgacügü i guxchaxü̃güarü mexẽẽruü̃gü rü ngẽxguma guxchaxü̃ namexẽẽgügu rü tama name nax tama guxãga naxĩnüexü̃.

Ucu̱xẽgüchiga 17:15

Nangexma i taxre i nacüma ya Tupana tama namaxã taãẽxü̃: Wüxi nixĩ nax tama napoxcuxü̃ i ngẽma duü̃xü̃ i chixexü̃ üchiréxü̃, rü to nixĩ nax tüxü̃ ipoxcuxü̃ ya yíxema tama chixexü̃ üchiréxe.

Popera ga Chantiágu ümatüxü̃ 2:4

Rü ngẽxguma tama wüxigu mea penayauxgu i ngẽma taxre, rü pewatama nango̱x nax tama guxãmaxã pemecümaxü̃ rü chixexü̃ i duü̃xü̃gü nax pixĩgüxü̃.

Lebítanüxü̃arü puracüchiga 19:15

Rü cumax, Pa Ãẽ̱xgacüx, ¡rü ngẽxguma poxcu cuxuegu̱xgu rü taxũtáma chixri cunaxü i ngẽma! ¡Rü taxũtáma naétüwa cuxü i ngẽma ngearü diẽruã́xü̃ ega aixcüma chixexü̃ naxü̱xgu! ¡Rü taxũtáma naga cuxĩnü i ngẽma diẽruã́xü̃! Rü cumax, Pa Ãẽ̱xgacüx, rü ngẽxguma poxcu cuxuegu rü name i ngẽma aixcüma guxchaxü̃ üxü̃maxã cunaxuegu i poxcu.

Ichaía 5:23

Pema rü naétüwa pexü i ngẽma duü̃xü̃ i chixexü̃ üxü̃ erü pexü̃́ nanaxütanü. Natürü tama tümaxétüwa pexü ya yixema taxuxü̃ma i chixexü̃ üxe.

Wiyaegü 82:2

—¿Ñuxguratáta i nüxü̃ perüchauxü̃ nax chixri duü̃xü̃gümaxã ipecuáxü̃ rü ngẽma chixri maxẽxü̃étüwaama nax pexügüxü̃?

Ore i mexü̃ ga Cuáü̃ ümatüxü̃ 7:25

Rü ñuxre ga yema duü̃xü̃gü ga Yerucharéü̃gu ãchiü̃güxü̃ rü nügüna nacagüe, rü ñanagürügü: —¿Taux ẽ̱xna daa yixĩxü̃ ya yimá yatü ya ãẽ̱xgacügü naxca̱x daugücü nax yama̱xgüãxü̃ca̱x?

2 Corintios 10:7

¡Mea penangugü i ngẽma nüxü̃ pedauxü̃! Rü ngẽxguma texé tügü cua̱xgu nax Cristuarü duü̃xü̃ tixĩxü̃, rü name nixĩ i nüxü̃ tacua̱x nax toma rü ta Cristuarü duü̃xü̃gü tixĩgüxü̃.