Ore i mexü̃ ga Cuáü̃ ümatüxü̃ 7:22 - Tupanaarü Ore

²² Natürü i pemax, rü tama nagu pexĩ ga Moichéarü mugü, erü ngü̃xchigaarü ngunexü̃gu pepuracüe. Rü Moiché pemaxã nüxü̃ nixu nax tüxü̃ ípewíecha̱xmüü̃pe̱xechiraü̃xü̃ ya guxãma ya yatüxe ya buxe. (Natürü tama Moiché nixĩ ga inaxügücü ga yema, yerü nũxcümaü̃güxü̃ ga perü o̱xigüwa nixĩ ga ne naxũxü̃.) Rü ñu̱xmax i pemax, rü tüxü̃ ípewiecha̱xmüü̃pe̱xechiraü̃ ya guxãma ya buxe ya yatüxe woo ngü̃xchigaarü ngunexü̃ yixĩxgu.

Ore i mexü̃ ga Cuáü̃ ümatüxü̃ 7:22 Referans Kwoze

Lebítanüxü̃arü puracüchiga 12:3

Rü ngẽxguma marü 8 i ngunexü̃ nüxü̃́ inguxgu ya ngĩne rü tá ínawiecha̱xmüü̃pe̱xechiraü̃.

Gálatas 3:17

Rü ngẽmaãcü pemaxã chanango̱xẽxẽ nax Tupana rü Abraáü̃maxã namexẽẽãxü̃ rü namaxã inaxunetaxü̃ nax Cristugagu tá yixĩxü̃ i duü̃xü̃güxü̃ nangü̃xẽẽxü̃. Rü ngẽmaca̱x i ñu̱xma rü yema Moiché ümatüxü̃ ga mugü ga 430 ga taunecü yema unetawena ínguxü̃, rü taxucürüwama inayanaxoxẽxẽ ga yema Tupanaarü uneta ga Abraáü̃maxã nüxü̃ yaxuxü̃.

Naanearü ügüchiga 21:4

Rü yexguma 8 ga ngunexü̃ nüxü̃́ yexmagu ga nax naxíraxü̃, rü Abraáü̃ ínanawíecha̱xmüü̃pe̱xechiraü̃ yema Tupana namuxü̃rüxü̃.

Ngechuchuarü ngúexü̃gü ga yamugüxü̃arü puracüchiga 7:8

Rü nüma ga Tupana rü Abraáü̃maxã wüxi ga cua̱xruxü̃ inaxǘ, rü ñanagürü nüxü̃: “Choma rü tá cuxü̃ charüngü̃xẽxẽxü̃ ega cuma rü guxü̃ma i cutanüxü̃ ípewiü̃cha̱xmüü̃pe̱xechiraü̃gu. Rü ngẽma tá nixĩ i cua̱xruxü̃ i yigümaxã imexẽxẽxü̃”, ñanagürü ga Tupana. Rü yemaca̱x ga yexguma nabuxgu ga nane ga Ichaá, rü yexguma 8 ga norü ngunexü̃wa nanguxgu, rü nüma ga Abraáü̃ rü ínanawíecha̱xmüpe̱xechiraü̃. Rü yexguma marü naya̱xgu ga Ichaá rü nabu ga nane ga Acóbu, rü nüma ga Ichaá rü ínanawíecha̱xmüpe̱xechiraü̃. Rü yixcama marü naya̱xgu ga Acóbu rü nüxü̃́ nayexma ga 12 ga nanegü. Rü nüma ga Acóbu rü ínanawíü̃cha̱xmüü̃pe̱xechiraü̃ ga guxü̃ma ga yema 12 ga nanegü. Rü yema 12 ga nanegü nixĩ ga norü o̱xigü ga yema 12 ga natücumü ga Iraétanüxü̃.