Ore i mexü̃ ga Cuáü̃ ümatüxü̃ 7:12 - Tupanaarü Ore

¹² Rü yema duü̃xü̃gü ga yéma yexmagüxü̃, rü nügütanüwa poraãcü Ngechuchuchiga nidexagü. Rü ñuxre ga yema duü̃xü̃gü rü ñanagürügü: —Yimá rü wüxi ya yatü ya mecü nixĩ —ñanagürügü. Natürü ga togü rü ñanagürügü: —Ngẽma yatü rü tama name erü duü̃xü̃güxü̃ nawomüxẽxẽ —ñanagürügü.

Ore i mexü̃ ga Cuáü̃ ümatüxü̃ 7:12 Referans Kwoze

Ore i mexü̃ ga Cuáü̃ ümatüxü̃ 9:16

Rü yexguma ga ñuxre ga Parichéugü rü ñanagürügü: —Yema yatü ga cuxü̃ rümexẽẽxü̃ rü tama Tupanaarü duü̃xü̃ nixĩ, erü tama nanaxaure i ngü̃xchigaarü ngunexü̃ —ñanagürügü. Natürü togü ga Parichéugü rü ñanagürügü: —¿Ñuxãcü nanaxü i ngẽma cua̱xruxü̃ i mexü̃ ega wüxi i pecaduã́xü̃ yixĩxgux? —ñanagürügü. Rü yemaacü nügü nitoye ga nagu naxĩnüexü̃wa ga yema Parichéugü.

Ore i mexü̃ ga Cuáü̃ ümatüxü̃ 7:47

Rü yexguma ga Parichéugü rü ñanagürügü nüxü̃: —¿Ẽ̱xna pema rü ta pexü̃ nawomüxẽxẽ i nümax?

Ore i mexü̃ ga Cuáü̃ ümatüxü̃ 7:32

Rü yema Parichéugü rü duü̃xü̃güxü̃ naxĩnüe nax Ngechuchuchiga yadexagüxü̃. Rü yemaca̱x ga yema Parichéugü rü yema chacherdótegüarü ãẽ̱xgacügü rü nanamugü ga ñuxre ga Tupanapata ga taxü̃nearü purichíagü nax Ngechuchuxü̃ yanayauxgüxü̃ca̱x.

Filipenses 2:14

Rü guxü̃ma i ngẽma Tupanaca̱x pexüxü̃wa rü tama name i oõcü penaxü rü tama name nax pegü naxca̱x pechoxü̃gagüxü̃.

Romanos 5:7

Rü tama natauxcha nax wüxíe rü to i duü̃xü̃ca̱x tayuxü̃, woo wüxi i duü̃xü̃ i mexü̃ca̱x yixĩxgu. Rü woo tangexmagu ya texé ya naxca̱x yuchaü̃chiréxe i wüxi i duü̃xü̃ i aixcüma mexẽchixü̃, natürü tama tüxü̃́ natauxcha i ngẽma.

Ngechuchuarü ngúexü̃gü ga yamugüxü̃arü puracüchiga 11:24

Yerü nüma ga Bernabé rü wüxi ga yatü ga mecü nixĩ. Rü aixcüma Tupanaãxẽ ya Üünecü rü nawa nayexma. Rü nüma rü napora ga norü õwa. Rü muxũchixü̃ma ga duü̃xü̃gü rü Cori ya Ngechuchuca̱x naxĩ rü nüxü̃́ nayaxõgü.

Ore i mexü̃ ga Cuáü̃ ümatüxü̃ 7:52

Rü yexguma ga natanüxü̃ rü nanangãxü̃gü, rü ñanagürügü nüxü̃: —¿Ẽ̱xna cuma rü ta Gariréaanecüã̱x quixĩ? ¡Nawa nangu̱x i Tupanaarü ore i ümatüxü̃ rü ngéma tá nüxü̃ cudau rü taxuxü̃táma i Tupanaarü orearü uruxü̃ i Gariréaanewa ne ũxü̃! —ñanagürügü.

Ore i mexü̃ ga Cuáü̃ ümatüxü̃ 6:14

Rü yexguma yema duü̃xü̃gü nüxü̃ daugügu ga yema cua̱xruxü̃ ga Tupanaarü poramaxã naxüxü̃ ga Ngechuchu, rü ñanagürügü: —Aixcümaxü̃chi daa nixĩ ya Tupanaarü orearü uruxü̃ ga gumá ínanguxẽẽcü —ñanagürügü.

Ore i mexü̃ ga Luca ümatüxü̃ 23:50

Rü nayexma ga wüxi ga yatü ga Yudéaanewa yexmane ga ĩane ga Arimatéacüã̱x, rü Yúche nixĩ ga naéga. Rü nüma rü natanüxü̃ nixĩ ga yema Yudíugüarü Ãẽ̱xgacügütücumü, natürü tama norü me nixĩ ga yema Ngechuchumaxã naxügüxü̃ ga yema togü ga namücügü ga ãẽ̱xgacügü. Rü nüma rü poraãcü ínanangu̱xẽxẽ nax ínanguxü̃ ga Tupana nax ãẽ̱xgacü yixĩxü̃ca̱x.

Ore i mexü̃ ga Luca ümatüxü̃ 23:47

Rü yexguma yema churaragüarü ãẽ̱xgacü ga Rómacüã̱x nüxü̃ da̱u̱xgu ga yema ngupetüxü̃, rü Tupanaxü̃ nicua̱xüxü̃, rü ñanagürü: —Aixcüma ñaa yatü rü taxuxü̃ma i chixexü̃ naxü —ñanagürü.

Ore i mexü̃ ga Luca ümatüxü̃ 18:19

Rü Ngechuchu nanangãxü̃ rü ñanagürü nüxü̃: —¿Tü̱xcüü̃ “Mecü”, ñacurügü choxü̃? Erü Tupanaxicatama nixĩ ya mecü ixĩcü, rü nataxuma i to.

Ore i mexü̃ ga Luca ümatüxü̃ 7:16

Rü yexguma yemaxü̃ nadaugügu ga duü̃xü̃gü, rü guxü̃ma namuü̃e. Rü inanaxügüe ga Tupanaxü̃ nax yacua̱xüü̃güxü̃. Rü ñanagürügü: —Wüxi i Tupanaarü orearü uruxü̃ i poraxü̃ tatanüwa nango̱x —ñanagürügü. Rü ñanagürügü ta: —Tupana nua naxũ nax norü duü̃xü̃güxü̃ yanangü̃xẽẽxü̃ca̱x —ñanagürügü.

Ore i mexü̃ ga Luca ümatüxü̃ 6:45

Rü wüxi ya mecü ya yatü rü mexü̃ i orexü̃ nixu, erü naãxẽwa rü aixcüma mexü̃gu narüxĩnü. Natürü wüxi i yatü i chixecümaxü̃ rü chixexü̃ i orexü̃ nixu, erü chixexü̃gu narüxĩnü. Rü ngẽma naãxẽwa ngẽxmaxü̃ i chixexü̃ nixĩ i nüxü̃ yaxuxü̃.

Ore i mexü̃ ga Matéu ümatüxü̃ 27:63

Rü ñanagürügü nüxü̃: —Pa Corix, nüxna tacua̱xãchie ga yema yatü ga Ngechuchu ga idorata̱xáxü̃ rü yexguma namaxü̃gu rü ñanagürü tomaxã: “Ngẽxguma chayu̱xgu rü tomaepü̱x i ngunexü̃guwena rü wena táxarü ícharüda”, ñanagürü tomaxã.

Ore i mexü̃ ga Matéu ümatüxü̃ 21:46

Rü yexguma ga yema ãẽ̱xgacügü rü Ngechuchuxü̃ niyauxgüchaü̃. Natürü taxucürüwama nayayauxgü yerü duü̃xü̃güxü̃ namuü̃e, yerü ga duü̃xü̃gü rü nayaxõgü ga aixcüma Tupanaarü orearü uruxü̃ nax yixĩxü̃ ga Ngechuchu.

Ore i mexü̃ ga Matéu ümatüxü̃ 10:25

Rü ngẽma norü ngúexẽẽruü̃xü̃ üpetüxü̃rüxü̃ tátama nüxü̃ naxüpetü i ngẽma norü ngúexü̃. Rü ngẽma norü corixü̃ üpetüxü̃rüxü̃ tátama nüxü̃ naxüpetü i ngẽma norü duü̃xü̃. Rü ngẽxguma duü̃xü̃gü rü ngo̱xo i Beechebú choxü̃ wogügu, ¿rü ñuxãcü tá pexü̃ naxu i pemax?