Ore i mexü̃ ga Cuáü̃ ümatüxü̃ 6:2 - Tupanaarü Ore

² Rü muxü̃ma ga duü̃xü̃gü rü Ngechuchuwe narüxĩ. Yerü marü nüxü̃ nadaugü ga yema cua̱xruü̃gü ga Tupanaarü poramaxã naxüxü̃ ga yexguma duü̃xü̃gü ga ida̱xaweegüxü̃ca̱x yataanexẽẽgüãgu.

Ore i mexü̃ ga Cuáü̃ ümatüxü̃ 6:2 Referans Kwoze

Ore i mexü̃ ga Matéu ümatüxü̃ 12:15

Rü yexguma Ngechuchu nüxü̃ cuáchigagu nax Parichéugü yama̱xgüchaxü̃xü̃, rü ínaxũxũ ga guma ĩanewa. Rü muxü̃ma ga duü̃xü̃gü nawe narüxĩ. Rü nüma ga Ngechuchu rü nanameexẽxẽ ga guxü̃ma ga yema duü̃xü̃gü ga ida̱xaweexü̃.

Ore i mexü̃ ga Cuáü̃ ümatüxü̃ 2:11

Rü guma Gariréaanewa yexmane ga ĩane ga Canáwa nixĩ ga yema naxüxü̃ ga Ngechuchu. Rü yema nixĩ ga nüxíraxü̃xü̃ ga cua̱xruxü̃ ga Tupanaarü poramaxã üxü̃ ga nawa nügü inawéxü̃ ga Tupana Nane nax yixĩxü̃. Rü nüma ga norü ngúexü̃gü rü nüxü̃́ nayaxõgü.

Ore i mexü̃ ga Márcu ümatüxü̃ 6:33

Natürü muxü̃ma ga duü̃xü̃gü nüxü̃ nadaugü ga yexguma inaxĩãchigu, rü nüxü̃ nacua̱xgü ga texégü nax yixĩxü̃. Rü yemaca̱x guxü̃ne ga gumá ĩanegücüã̱x ga duü̃xü̃gü, rü dauxchitagu nibuxmü rü nape̱xegu nayayi.

Ore i mexü̃ ga Matéu ümatüxü̃ 14:14

Rü yexguma nguewa ínaxüegu ga Ngechuchu rü nüxü̃ nadau ga yema muxü̃ma ga duü̃xü̃gü. Rü nüxü̃́ nangechaü̃tümüü̃gü. Rü nanameexẽxẽ ga yema duü̃xü̃gü ga ida̱xaweexü̃ ga naxca̱x yéma nagagüxü̃.

Ore i mexü̃ ga Matéu ümatüxü̃ 8:1

Rü yexguma guma ma̱xpǘnewa yanaxüegu ga Ngechuchu, rü muxü̃ma ga duü̃xü̃gü nawe narüxĩ.

Ore i mexü̃ ga Matéu ümatüxü̃ 13:2

Rü muxü̃ma ga duü̃xü̃gü rü yéma naxca̱x nangutaque̱xegü. Rü yemaca̱x düxwa wüxi ga nguegu nixüe ga Ngechuchu, rü gumá nguewa narüto. Rü guxü̃ma ga duü̃xü̃gü rü yexma naxnücüte̱xegu nachigü.

Ore i mexü̃ ga Márcu ümatüxü̃ 1:45

Natürü nüma ga gumá yatü rü ínixũ rü inanaxügü nax guxãmaama nüxü̃ yaxuxü̃ ga yema nüxü̃ ngupetüxü̃. Rü yemaca̱x ga Ngechuchu rü marü taxucürüwa ngóxü̃wama duü̃xü̃güpe̱xewa ĩanegügu naxücu. Natürü chianexü̃gu i duü̃xü̃gü ítaxuxü̃gu narüxã̱ũ̱x. Rü woo chianexü̃gu nax naxã́ũxü̃ natürü yéma naxca̱x naxĩĩxü̃ãma ga duü̃xü̃gü ga guxü̃anewa ne ĩxü̃.

Ore i mexü̃ ga Cuáü̃ ümatüxü̃ 2:23

Rü yexguma Ngechuchu Üpetüchigaarü petaca̱x Yerucharéü̃wa yexmagu, rü muxü̃ma ga duü̃xü̃gü rü nüxü̃́ nayaxõgü, yerü nüxü̃ nadaugü ga yema taxü̃ ga mexü̃gü ga Tupanaarü poramaxã naxüxü̃.

Ore i mexü̃ ga Cuáü̃ ümatüxü̃ 3:2

Rü gumá Nicodému rü Ngechuchuxü̃tagu nanaxũane ga chütacü. Rü ñanagürü nüxü̃: —Pa Ngúexẽxẽruxü̃, toma nüxü̃ tacua̱x nax aixcüma Tupana núma cuxü̃ muxü̃ nax toxü̃ cungúexẽẽxü̃ca̱x. Erü taxucürüwa texé cuxrüxü̃ tanaxü i ngẽma taxü̃ i mexü̃gü i Tupanaarü poramaxã üxü̃, ega tama Tupana tümaxü̃tawa ngẽxmagu —ñanagürü.

Ore i mexü̃ ga Cuáü̃ ümatüxü̃ 6:14

Rü yexguma yema duü̃xü̃gü nüxü̃ daugügu ga yema cua̱xruxü̃ ga Tupanaarü poramaxã naxüxü̃ ga Ngechuchu, rü ñanagürügü: —Aixcümaxü̃chi daa nixĩ ya Tupanaarü orearü uruxü̃ ga gumá ínanguxẽẽcü —ñanagürügü.

Ore i mexü̃ ga Cuáü̃ ümatüxü̃ 6:22

Rü moxü̃ãcü ga yema duü̃xü̃gü ga naxtaxaarü tocutügu rüchoxü̃, rü nüxü̃ nicua̱xãchitanü nax Ngechuchuarü ngúexü̃gü rü nagu naxĩxü̃ ga guma ngue ga taxü̃ne ga nügümaxã wüxicane. Rü nüxü̃ nacua̱xgü ta nax Ngechuchu rü tama nawe naxũxü̃.

Ore i mexü̃ ga Cuáü̃ ümatüxü̃ 6:26

Rü Ngechuchu nanangãxü̃, rü ñanagürü nüxü̃: —Aixcüma pemaxã nüxü̃ chixu rü cha̱u̱xca̱x pedaugü yerü meama pechibüe nawa ga yema õna ga pexna chaxãxü̃. Rü tama yema cua̱xruxü̃gü ga nüxü̃ pedauxü̃ ga Tupanaarü poramaxã chaxüxü̃xü̃ca̱x nixĩ i cha̱u̱xca̱x pedaugüxü̃.

Ore i mexü̃ ga Cuáü̃ ümatüxü̃ 6:30

Rü yexguma ga nümagü rü nüxna nacagü, rü ñanagürügü nüxü̃: —¿Ta̱xacürü cua̱xruxü̃xü̃ tá toxü̃ cudauxẽxẽ nax cuxü̃́ tayaxõgüxü̃ca̱x nax aixcüma Cristu quixĩxü̃? ¿Rü ta̱xacü i to i mexü̃ tá toxca̱x cuxü i ñu̱xmax?

Ore i mexü̃ ga Cuáü̃ ümatüxü̃ 11:47

Rü yexguma ga yema Parichéugü rü chacherdótegüarü ãẽ̱xgacügü rü nangutaque̱xegü namaxã ga guxü̃ma ga yema yatügü ga ãẽ̱xgacügütücumüwa ügüxü̃. Rü ñanagürügü: —¿Ta̱xacü tá taxüe? Erü ñaa yatü i Ngechuchu rü nanaxü i muxü̃ma i mexü̃ i cua̱xruü̃gü.

Ore i mexü̃ ga Cuáü̃ ümatüxü̃ 12:18

Rü yemaca̱x nixĩ ga duü̃xü̃gü ga Ngechuchuxü̃ yatüxãchitanüxü̃ nax nayauxgüãxü̃ca̱x, yerü nüxü̃ nacuáchigagü ga yema taxü̃ ga mexü̃ ga Tupanaarü poramaxã naxüxü̃.

Ore i mexü̃ ga Cuáü̃ ümatüxü̃ 12:37

Rü woo ga Ngechuchu rü duü̃xü̃güpe̱xewa nanaxü ga muxü̃ma ga taxü̃ ga mexü̃ ga cua̱xruü̃gü ga Tupanaarü poramaxã naxüxü̃, natürü yexguma rü ta tama nüxü̃́ nayaxõgü ga duü̃xü̃gü.

Ore i mexü̃ ga Cuáü̃ ümatüxü̃ 20:30

Rü Ngechuchu rü norü ngúexü̃güpe̱xewa nanaxü ga muxü̃ma ga to ga cua̱xruü̃gü i Tupanaarü poramaxã naxüxü̃ i tama ñaa poperagu ümatüxü̃.