Ore i mexü̃ ga Cuáü̃ ümatüxü̃ 5:9 - Tupanaarü Ore

^9-10 Rü yexgumatama naxca̱x nitaane ga gumá yatü. Rü nanayaxu ga norü caruxü̃, rü ínixũ. Natürü ga yema ngunexü̃ rü ngü̃xchigaarü ngunexü̃ nixĩ. Rü yemaca̱x ga Yudíugüarü ãẽ̱xgacügü rü ñanagürügü nüxü̃ ga gumá yatü ga naxca̱x itaanecü: —Ñoma nixĩ i ngü̃xchigaarü ngunexü̃, rü ngẽmaca̱x nachu̱xu nax cuyangexü̃ i curü caruxü̃ —ñanagürügü.

Ore i mexü̃ ga Cuáü̃ ümatüxü̃ 5:9 Referans Kwoze

Ore i mexü̃ ga Márcu ümatüxü̃ 10:52

Rü yexguma ga Ngechuchu, rü ñanagürü nüxü̃: —¡Ẽcü, nataegu! Rü marü cuxca̱x nitaane erü cuyaxõ —ñanagürü. Rü yexgumatama ga gumá ngexetücü rü nidauuchi, rü Ngechuchuwe narüxũ ga namawa.

Ore i mexü̃ ga Márcu ümatüxü̃ 5:29

Rü yexgumatama ínayachaxãchi ga ngĩgü, rü nüxü̃ iyacua̱xãchi ga ngĩxĩnewa nax marü ngĩxca̱x yataanexü̃.

Ore i mexü̃ ga Márcu ümatüxü̃ 1:42

Rü yexgumatama nüxü̃́ inayarüxo ga nax nachaxü̃nexü̃ ga gumá yatü. Rü meama naxca̱x nitaane.

Ore i mexü̃ ga Márcu ümatüxü̃ 1:31

Rü ngĩxca̱x nixũ, rü ngĩxme̱xgu nayayauxãchi, rü ngĩxü̃ ínarüdaxẽxẽ. Rü yexgumatama iga̱u̱xãchi ga nax yaxaxünexü̃. Rü íirüda, rü inaxügü ga naxca̱x nax namexẽẽãxü̃ ga õna.

Ore i mexü̃ ga Cuáü̃ ümatüxü̃ 7:23

Rü ngẽmaãcü i pemax rü ngü̃xchigaarü ngunexü̃gu buxexü̃ ípewiecha̱xmüü̃pe̱xechiraü̃ erü naga pexĩnüechaü̃ i Moichéarü mugü. ¿Rü ñu̱xma rü tü̱xcüü̃ yixĩxü̃ i chomaxã penuexü̃ naxca̱x nax ngü̃xchigaarü ngunexü̃gu chanamexẽẽxü̃ i wüxi ya yatü ya ida̱xawecü?

Ore i mexü̃ ga Cuáü̃ ümatüxü̃ 5:14

Natürü yixcama ga Ngechuchu rü Tupanapata ga taxü̃negu nüxü̃ nayangau ga gumá yatü, rü ñanagürü nüxü̃: —¡Dücax i ñu̱xma marü cuxca̱x nax yataanexü̃, rü taxũtáma wena chixexü̃ cuxü nax tama namaxã quida̱xawexü̃ca̱x i wüxi i da̱xawe i ngẽma marü cuxü̃ ngupetüxü̃arü yexera ixĩxü̃! —ñanagürü.

Ichaía 35:6

Rü ngẽma ibüyeparagüxü̃ rü ñoma cowü iyayuxnegüxü̃rüxü̃ tá nayayuxnegü. Rü ngẽma tama idexagüxü̃ rü aita tá naxüe. Rü ngextá taxúema íxãpataxü̃wa i íyapaanexü̃wa rü taxü̃ i dexá tá narüyuxü̃chíxü.

Yeremía 17:21

Erü Cori ya Tupana rü ñanagürü: —¡Pexuãxẽ nax tama ngü̃xchigaarü ngunexü̃gu peyangexü̃ i pexweta rü tama nua Yerucharéü̃arü ĩã̱xgüwa namaxã pichocuxü̃!