Ore i mexü̃ ga Cuáü̃ ümatüxü̃ 5:5 - Tupanaarü Ore

⁵ Rü yéma natanüwa nayexma ga wüxi ga yatü ga marü 38 ga taunecü ida̱xawecü.

Ore i mexü̃ ga Cuáü̃ ümatüxü̃ 5:5 Referans Kwoze

Ngechuchuarü ngúexü̃gü ga yamugüxü̃arü puracüchiga 3:2

Rü yéma gumá Tupanapatawa nayexma ga wüxi ga yatü ga norü bucümatama chixeparacü. Rü guxü̃ ga ngunexü̃gu rü natanüxü̃ rü gumá Tupanapataarü ĩã̱x ga Mexẽchixü̃gu ãégaxü̃gu nayamugüxü̃, nax yéma diẽruca̱x ínaca̱xaxü̃ca̱x nüxna ga duü̃xü̃gü ga gumá Tupanapata ga taxü̃negu chocuxü̃.

Ore i mexü̃ ga Luca ümatüxü̃ 8:43

Rü yema duü̃xü̃gütanüwa iyexma ga wüxi ga ngecü ga 12 ga taunecü ãgüechacü. Rü yemamaxã iyada̱xaweecha. Rü dutúrugüxü̃tagu ngĩxü̃ igu̱xẽxẽ ga guxcü ga ngĩrü diẽru, natürü taxuxü̃ma ngĩxca̱x nayataanexẽxẽ.

Ore i mexü̃ ga Márcu ümatüxü̃ 9:21

Rü Ngechuchu rü gumá bucünatüna naca, rü ñanagürü: —¿Rü ñuxgumama nixĩ ga naxca̱x inaxügüxü̃ ga yema? —ñanagürü. Rü gumá bucünatü nanangãxü̃ rü ñanagürü: —Nabuxgumamatama.

Ngechuchuarü ngúexü̃gü ga yamugüxü̃arü puracüchiga 14:8

Rü yéma Lístrawa nayexma ga wüxi ga yatü ga norü bucüma ínapogücutücü. Rü yéma narüto rü inarüxĩnü ga yema Pauru nüxü̃ ixuxü̃ ga ore. Rü Pauru rü meama nüxü̃ nadawenü, rü nüxü̃ nadau nax yaxõõxü̃ nax naxca̱x yataanexü̃ca̱x.

Ore i mexü̃ ga Luca ümatüxü̃ 13:16

Rü ñaa ngecü i Abraáü̃tanüxü̃ iyicü, rü Chataná rü 18 ya taunecü ngĩxü̃ ninai namaxã i ñaa da̱xawe. ¿Rü taux ẽ̱xna i namexü̃ i ngü̃xchigaarü ngunexü̃gu nax nawa ngĩxü̃ íchanguxuchixẽẽxü̃ i ngĩrü da̱xawe? —ñanagürü.

Ngechuchuarü ngúexü̃gü ga yamugüxü̃arü puracüchiga 9:33

Rü yexma nüxü̃ nayangau ga wüxi ga yatü ga Eneãgu ãégacü ga 8 ga taunecü norü pechicagu cacü, yerü nanawãĩxãchi.

Ore i mexü̃ ga Cuáü̃ ümatüxü̃ 9:1

Rü yexguma namagu yaxũxgu ga Ngechuchu, rü yéma nüxü̃ nadau ga wüxi ga yatü ga woetama norü bucüma ngexetücü.

Ore i mexü̃ ga Cuáü̃ ümatüxü̃ 5:14

Natürü yixcama ga Ngechuchu rü Tupanapata ga taxü̃negu nüxü̃ nayangau ga gumá yatü, rü ñanagürü nüxü̃: —¡Dücax i ñu̱xma marü cuxca̱x nax yataanexü̃, rü taxũtáma wena chixexü̃ cuxü nax tama namaxã quida̱xawexü̃ca̱x i wüxi i da̱xawe i ngẽma marü cuxü̃ ngupetüxü̃arü yexera ixĩxü̃! —ñanagürü.

Ngechuchuarü ngúexü̃gü ga yamugüxü̃arü puracüchiga 4:22

Rü gumá yatü ga Tupanaarü poramaxã naxca̱x itaanecü, rü 40 arü yexera nixĩ ga norü taunecü.

Ore i mexü̃ ga Cuáü̃ ümatüxü̃ 9:21

Natürü tama nüxü̃ tacua̱x ga ñuxãcü nax yadauuchixü̃ i ñu̱xmax. Rü tama nüxü̃ tacua̱x nax texé namexetüxẽẽxü̃. ¡Ẽcü nüxnatama pecagü! Erü nüma rü marü naya, rü nümatama pemaxã nüxü̃ nax yaxuxü̃ca̱x —ñatarügügü.

Ore i mexü̃ ga Cuáü̃ ümatüxü̃ 5:4

Yerü ñuxguacü rü gumá puchugu ínarüxĩĩxü̃ ga wüxi ga daxũcüã̱x ga Tupanaarü orearü ngeruxü̃, rü nayaxĩã̱xchíücüüxẽẽxü̃. Rü guxema tüxíra tügü yéma táexe nachiü̃wa ga gumá puchu ga yexguma yaxĩã̱xchíücüügu, rü tümaca̱x nitaane woo ga ngexü̃rüüxü̃mare ga da̱xawe tüxü̃́ yexmaxẽ.

Ore i mexü̃ ga Cuáü̃ ümatüxü̃ 5:6

Rü yexguma Ngechuchu nüxü̃ da̱u̱xgu ga gumá yatü ga yexma nax naca̱xaxü̃, rü nüxü̃ nacua̱x nax marü mucüma ga taunecü nax yada̱xawexü̃. Rü yemaca̱x nüxna naca rü ñanagürü nüxü̃: —¿Cunaxwa̱xexü̃ i cuxca̱x nax yataanexü̃? —ñanagürü.