Ore i mexü̃ ga Cuáü̃ ümatüxü̃ 5:44 - Tupanaarü Ore

⁴⁴ ¿Rü ñuxãcü chi choxü̃́ peyaxõgü ega naxca̱x pedaugügu nax duü̃xü̃gü pemaxã taãxẽxü̃ rü tama naxca̱x pedaugügu nax Tupana ya nügümaxã wüxicacü pemaxã taãxẽxü̃?

Ore i mexü̃ ga Cuáü̃ ümatüxü̃ 5:44 Referans Kwoze

Ore i mexü̃ ga Cuáü̃ ümatüxü̃ 12:43

Rü yemaacü tama nügü nixugüchaü̃, yerü norü me nixĩ nax duü̃xü̃gü namaxã taãẽgüxü̃ rü tama aixcüma naxca̱x nadaugü nax Tupana namaxã taãẽxü̃.

Romanos 2:29

Erü yíxema aixcüma tümaãxẽwa Tupanaga ĩnüxe tixĩ ya aixcüma Tupanaxacü ixĩxẽ. Rü ngẽxguma aixcüma taãẽwa yaxõ̱xgu nixĩ i aixcüma Tupanaarü duü̃xü̃gü ixĩxü̃. Rü Tupanaãxẽ ya Üünecü nixĩ i tüxü̃ rüngü̃xẽẽxü̃ nax yaxõxü̃ca̱x, rü tama ngẽma mugü ga Moiché ümatüxü̃. Rü yíxema aixcüma Tupanaarü ixĩxẽ, rü Tupana rü tümamaxã nataãxẽ woo duü̃xü̃gü tama tümamaxã taãẽgügu.

Filipenses 2:3

Rü tama name nax togüarü yexera pegü pixĩgüxẽẽxü̃ rü pegü picua̱xüü̃güxü̃. Rü narümemae nixĩ i wüxichigü nagu perüxĩnüe nax ngẽma togü rü perü yexera yixĩgüxü̃.

Ore i mexü̃ ga Matéu ümatüxü̃ 23:5

Rü nümagü rü mea namaeneta, rü guxü̃ma i ngẽma naxügüxü̃, rü nanaxügü nax duü̃xü̃gü nüxü̃ daugüxü̃ca̱x. Rü nacatüwa rü nachacüügüwa nayana̱i̱xcuchigü i Tupanaarü ore i ãxchiü̃xü̃. Rü naxchirupechinüwa nanapaicu i bopü̱xüxü̃ i ngã̱xãẽruü̃gü.

Nüxíraxü̃xü̃ ga popera ga Pedru ümatüxü̃ 1:7

Rü ngẽma perü õ rü ñoma úirurüxü̃ nixĩ. Rü ngẽma úiru rü üxümaxã nüxü̃ taxü nax nüxü̃ icuáxü̃ca̱x rü aixcüma úiruxüchi yixĩxü̃. Rü ngẽxguma peyaxõgüamagu ega woo guxchaxü̃gü pexca̱x ínguxgu, rü ngẽma perü õ rü wüxi i úiruarü yexera nixĩ nax namexü̃. Rü ngẽma úiru rü woo namexẽchi natürü düxwa nangau. Natürü ngẽxguma peyaxõgüamagu ega guxchaxü̃gü pexca̱x ínguxgu rü tá Tupanape̱xewa pime rü tá pexü̃ nicua̱xüxü̃ rü tá pemaxã nataãxẽ rü mexü̃ i pechica tá pexna naxã i ngẽxguma wena núma naxũxgu ya Ngechuchu ya Cristu.

1 Chamué 2:30

Rü choma ya Cori i Iraétanüxü̃arü Tupana rü marü ü̃pa nüxü̃ chixu rü cuma rü cutanüxü̃ rü guxü̃gutáma choxü̃́ pepuracüe. Natürü i ñu̱xma rü ngẽma chixexü̃ i cunegü ügüxü̃gagu rü chanaxuegu rü tagutáma chanangexrü i ngẽma ñu̱xma ngupetüxü̃. Erü tüxü̃ chicua̱xü̃xü̃ ya yíxema choxü̃ icua̱xüxü̃güxe rü yíxema choxü̃ oexe rü choma rü tá tüxü̃ chaxãneexẽxẽ.

1 Corintios 4:5

Rü ngẽmaca̱x tama name nax yaxtacüma texéxü̃ pengugüarü maxü̃ã́xü̃. Natürü name nixĩ i ípenangu̱xẽxẽ nax núma naxũxü̃ ya tórü Cori. Rü nüma tá nixĩ i nango̱xẽẽãxü̃ i guxü̃ma i ngẽma ñu̱xma icúxü̃ rü guxü̃ma i ngẽma duü̃xü̃gü naãẽwa nagu rüxĩnüexü̃. Rü ngẽxguma tá nixĩ ya Tupana i tüxü̃ yacua̱xüxü̃ ya wüxichigü ya yíxema aixcüma mexü̃ ügüxe.

Romanos 2:10

Natürü ngẽma duü̃xü̃gü i mexü̃ ügüxü̃ rü Tupana tá nanatachigaxẽxẽ, rü tá nüxü̃ nicua̱xüxü̃, rü tá nanataãẽgüxẽxẽ. Rü ngẽma Yudíugüxíra tá nixĩ i nüxü̃ yacua̱xüü̃güxü̃. Rü ngẽxgumarüxü̃ tá ta nüxü̃ nicua̱xüü̃gü i ngẽma tama Yudíugü ixĩgüxü̃ i mexü̃ ügüxü̃.

Romanos 2:7

Rü maxü̃ i taguma guxü̃maxã Tupana tá tüxü̃́ nanaxütanü ya yíxema guxü̃guma mexü̃ taxügüãcüma naxca̱x daugüxe nax Tupana tümamaxã taãẽxü̃ rü naxca̱x daugüxe nax Tupanaxü̃tawa tangugüxü̃.

Ore i mexü̃ ga Luca ümatüxü̃ 19:17

Rü gumá yatü ga yexwacax ãẽ̱xgacüxü̃ ingucuchicü rü nanangãxü̃, rü ñanagürü: “Wüxi i mexü̃ i chorü duü̃xü̃ quixĩ. Aixcüma meama namaxã cupuracü i ngẽma íxraxü̃ i diẽru i cuxna chaxãxü̃. Rü ñu̱xma rü 10 ya ĩanegüarü ãẽ̱xgacüxü̃ tá cuxü̃ chixĩxẽxẽ”, ñanagürü.

Norü taxre ga to ga popera ga ãẽ̱xgacügüchiga ümatüxü̃ 6:8

Natürü nüma ga Cori ya Tupana rü ñanagürü nüxü̃: “Wüxi i mexü̃ nixĩ nax nagu curüxĩnüxü̃ nax cha̱u̱xca̱x cunaxüxü̃ ya wüxi ya chopata ya taxü̃ne.

Popera ga Chantiágu ümatüxü̃ 2:1

Pa Chauenexẽgüx, pema rü nüxü̃́ peyaxõgü ya tórü Cori ya Ngechuchu ya Cristu ya üünecü. Rü ngẽmaca̱x tama name nax chixri penayaxuxü̃ i wüxi i duü̃xü̃ rü mea penayaxuxü̃ i to.

Popera ga Yudíugü ga yaxõgüxü̃ca̱x ümatüxü̃ 3:12

Rü ñu̱xma Pa Chauenexẽgüx, rü name nixĩ i pegüna pedaugü nax tama ngürüãchi pechixearü maxü̃ã́xü̃ca̱x, rü ngẽmagagu nax nüxü̃ perüxoexü̃ nax Tupana ya Maxü̃cüaxü̃́ peyaxõgüxü̃.

2 Corintios 10:18

Rü tama yíxema tügütama icua̱xüxü̃xe tixĩ ya Tupanape̱xewa mexe, natürü yíxema tórü Cori tüxü̃ icua̱xüxü̃xe tixĩ ya aixcüma Tupanape̱xewa mexe.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Ore i mexü̃ ga Cuáü̃ ümatüxü̃ 8:43

¿Tü̱xcüü̃ tama nüxü̃ pecua̱xéga i ngẽma pemaxã nüxü̃ chixuxü̃? Pexü̃́ naguxcha erü woetama tama iperüxĩnüechaü̃ i ngẽma pemaxã nüxü̃ chixuxü̃ i ore.

Ore i mexü̃ ga Cuáü̃ ümatüxü̃ 3:20

Guxãma ya yíxema chixexü̃ ügüxe rü naxchi taxaixe i ngóonexü̃. Rü tama nüxna tangaicamagüchaü̃ erü tama tanaxwa̱xe nax nangóxü̃ i ngẽma chixexü̃ i ítaxügüxü̃.

Yeremía 13:23

¿Rü nüxü̃́ natauxchaxü̃ i wüxi i waxüxü̃ i duü̃xü̃ nax nügü nacho̱xẽxẽxü̃? ¿Rü nüxü̃́ natauxchaxü̃ i wüxi i ai nax iyanaxoxẽẽãxü̃ i namatü? Rü ngẽxgumarüxü̃ ta i pema nax chixexü̃gu pemaxẽxü̃, rü taxucürüwama mexü̃ pexü.

1 Chamué 15:30

Rü Chaú rü Chamuéxü̃ ñanagürü: —Nüxü̃ chacua̱x nax choma rü chixexü̃ chaxüxü̃, natürü cuxü̃ chachixewe nax ngẽma Iraéanearü ãẽ̱xgacügüpe̱xewa rü ñu̱xũchi guxü̃ma i duü̃xü̃güpe̱xewa choxü̃ cucuáxü̃ nax Iraéanearü ãẽ̱xgacü chixĩxü̃. ¡Rü ngẽmaca̱x chowe rüxũ nax nüxü̃ yarücua̱xüü̃güxü̃ca̱x i curü Cori ya Tupana! —ñanagürü.

Ore i mexü̃ ga Cuáü̃ ümatüxü̃ 5:41

Rü choma rü tama chanaxwa̱xe nax choxü̃ picua̱xüü̃güxü̃ erü meama pexü̃ chacua̱x, rü nüxü̃ chacua̱x nax tama aixcüma Tupanaxü̃ pengechaü̃güxü̃.

1 Tesalonicenses 2:6

Rü taguma naxca̱x tadaugü nax texé toxü̃ icua̱xüü̃güxü̃, rü woo i pema rü bai i togü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:17

Rü ñu̱xma tanaxwa̱xe i guxü̃gutáma nüxü̃ ticua̱xüü̃gü rü tanataxẽẽgü ya yimá nüxicatama Tupana ixĩcü. Rü woo tama nüxü̃ tadaugü i ñu̱xma, natürü nüma rü guxü̃guma Tupana nixĩ. Rü ngẽmaãcü yixĩ.