Ore i mexü̃ ga Cuáü̃ ümatüxü̃ 5:39 - Tupanaarü Ore

^39-40 Pema meama nawa pengúe i Tupanaarü ore i ümatüxü̃, erü nagu perüxĩnüe rü ngẽmawa tá nüxü̃ ipeyangau i perü maxü̃ i taguma gúxü̃. Natürü woo ngẽmatama Tupanaarü ore i ümatüxü̃wa rü chauchiga mea nax yadexaxü̃, natürü i pemax, rü tama choxü̃́ peyaxõgüchaü̃ nax ngẽmaãcü penayauxgüxü̃ca̱x i ngẽma maxü̃.

Ore i mexü̃ ga Cuáü̃ ümatüxü̃ 5:39 Referans Kwoze

Ore i mexü̃ ga Luca ümatüxü̃ 24:27

Rü yexguma inanaxügü ga namaxã nax nango̱xẽẽãxü̃ ga guxü̃ma ga Tupanaarü ore ga nachiga ümatüxü̃. Rü yema Tupanaarü ore ga Moiché ümatüxü̃maxã inanaxügü. Rü ñu̱xũchi namaxã nüxü̃ nixu ga guxü̃ma ga yema Tupanaarü ore ga nũxcümaü̃güxü̃ ga Tupanaarü orearü uruü̃gü ümatügüxü̃.

Ore i mexü̃ ga Luca ümatüxü̃ 24:44

Rü ñu̱xũchi ñanagürü nüxü̃: —Rü yema choxü̃ ngupetüxü̃ rü yema nixĩ ga pemaxã nüxü̃ chixuxü̃ ga yexguma tauta chayu̱xgu rü petanüwa chayexmagu. Yerü yexguma rü pemaxã nüxü̃ chixu rü ñacharügü: “Aixcüma tá ningu i guxü̃ma i Tupanaarü ore i chauchiga ümatüxü̃ i wiyaegüarü poperawa, rü Moiché ümatüxü̃ i mugüwa, rü ore i nũxcümaü̃güxü̃ ga Tupanaarü orearü uruü̃gü ümatüxü̃wa” —ñacharügüchire̱x pexü̃.

Ngechuchuarü ngúexü̃gü ga yamugüxü̃arü puracüchiga 17:11

Rü yema togü ga Yudíugü ga Techarónicawa yexmagüxü̃arü yexera narümemaegü ga yema Yudíugü ga Beréacüã̱x. Rü norü ngúchaü̃maxã meama nanayauxgü ga yema ore. Rü guxü̃ ga ngunexü̃gu rü Tupanaarü ore ga ümatüxü̃wa nangúe nax mea nüxü̃ nacua̱xgüxü̃ca̱x rü aixcüma yixĩ ga yema ore ga Pauru rü Chíra namaxã nüxü̃ ixugüxü̃.

Ore i mexü̃ ga Matéu ümatüxü̃ 22:29

Rü yexguma ga Ngechuchu rü nanangãxü̃, rü ñanagürü: —Pema rü ípetüe erü tama nüxü̃ pecua̱x i Tupanaarü ore i ümatüxü̃, rü tama nüxü̃ pecua̱x i ñuxãcü nax yixĩxü̃ i Tupanaarü pora.

Ichaía 34:16

¡Rü ngẽma Cori ya Tupanaarü orewa pengúe! Rü taxũtáma wüxi i ngẽma naeü̃gü rü ngéma nangeéga, rü taxuxü̃táma nayangemücü i ngexewa. Erü nümatama ya Cori ya Tupana rü ngẽmaãcü nanaxwa̱xe, rü wüxi cue ñaxü̃maxã tá nixĩ i wüxiwa nagagüãxü̃.

Ngechuchuarü ngúexü̃gü ga yamugüxü̃arü puracüchiga 13:27

Rü aixcüma yema Yerucharéü̃cüã̱xgü ga duü̃xü̃gü rü yema norü ãẽ̱xgacügü rü tama nüxü̃ nacua̱xgü nax Tupana Nane yixĩxü̃ ga Ngechuchu. Rü tama mea nüxü̃ nacua̱xgü nax ta̱xacüchiga yixĩxü̃ ga yema ore ga nũxcümaü̃güxü̃ ga Tupanaarü orearü uruü̃gü ümatüxü̃ i ñu̱xma perü ngutaque̱xepataü̃wa nüxü̃ pedaumatügüxü̃ i wüxichigü i ngü̃xchigaarü ngunexü̃gu. Rü yema duü̃xü̃gü ga Ngechuchuxü̃ ima̱xgüxü̃ rü nawa ningu ga yema ore ga nũxcüma ümatüxü̃.

Ore i mexü̃ ga Cuáü̃ ümatüxü̃ 5:46

Natürü ngẽxguma chi peyaxõgügu i ngẽma ore ga Moiché ümatüxü̃, rü choxü̃́ rü chi ta peyaxõgü. Yerü ga Moiché rü chauchiga nixĩ ga norü poperagu naxümatüxü̃.

Yeremía 8:9

Natürü ngẽma nüxü̃ icuáxü̃ rü tá naxãnee, rü tá namuü̃e ñoma naeü̃ i yütagu nguxü̃rüxü̃. ¿Rü ngexü̃ i perü cua̱x i ñu̱xma nax tama penayauxgüxü̃ i ngẽma chorü ore?

Romanos 3:2

Rü poraãcüxüchima tüxü̃́ name nax Yudíugü ixĩgüxü̃. Yerü nüma ga Tupana rü tüxnaxíra nixĩ ga naxããxü̃ ga norü ore.

Ore i mexü̃ ga Márcu ümatüxü̃ 12:10

¿Taguma ẽ̱xna nawa pengúe i Tupanaarü ore i ümatüxü̃? Erü ngẽmawa rü ñanagürü: “Yimá nuta ya ĩpataarü üruü̃gü nüxü̃ oecü, rü ñu̱xma rü yimátama nixĩ ya nüxíra ixücuchicü nax namaxã inaxügüãxü̃ca̱x ya ĩpata.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:10

Rü choma rü yema orearü ngeruü̃pe̱xegu chacaxã́pü̱xü nax nüxü̃ chicua̱xüü̃xü̃ca̱x. Natürü ga nüma rü ñanagürü choxü̃: “¡Taxṹ i ngẽma cuxüxü̃! Erü choma rü ta Tupanaarü duü̃xü̃ chixĩ, ngẽxgumarüxü̃ i cuma rü cuenexẽgü i mea Ngechuchuarü ore ixõgüxü̃rüxü̃ chixĩ. Rü ngẽma Ngechuchuarü ore rü yematama ore nixĩ ga Tupanaarü orearü uruü̃gü nüxü̃ ixugüexü̃ ga yexguma Tupanaãxẽ ya Üünecü nawa idexaxgu. Rü name nixĩ i Tupanaxü̃ quicua̱xüxü̃”, ñanagürü.

Romanos 1:2

Rü Tupana rü nũxcümaü̃güxü̃ ga norü orearü uruü̃gü ümatüxü̃ i ore i üünexü̃wa inaxuneta nax nua tá namuaxü̃ ya Nane ya Cristu.

Ngechuchuarü ngúexü̃gü ga yamugüxü̃arü puracüchiga 26:27

¿Cuyaxõxü̃, Pa Agrípax, i ngẽma Tupanaarü orearü uruü̃gü nüxü̃ ixuxü̃? Choma nüxü̃ chacua̱x rü cuyaxõ —ñanagürü ga Pauru.

Ore i mexü̃ ga Cuáü̃ ümatüxü̃ 7:52

Rü yexguma ga natanüxü̃ rü nanangãxü̃gü, rü ñanagürügü nüxü̃: —¿Ẽ̱xna cuma rü ta Gariréaanecüã̱x quixĩ? ¡Nawa nangu̱x i Tupanaarü ore i ümatüxü̃ rü ngéma tá nüxü̃ cudau rü taxuxü̃táma i Tupanaarü orearü uruxü̃ i Gariréaanewa ne ũxü̃! —ñanagürügü.

Ore i mexü̃ ga Cuáü̃ ümatüxü̃ 5:32

Natürü nangẽxma i to i chauchigaxü̃ ixuxü̃. Rü nüxü̃ chacua̱x rü ngẽma ore i chauchiga nüxü̃ yaxuxü̃ rü aixcüma nixĩ.

Wiyaegü 36:9

Rü cuma nixĩ i maxü̃arü yora quixĩxü̃. Rü cuma nixĩ i toxca̱x cunangóonexẽẽxü̃.

Wenaxarü naxümatü ga Tupanaarü mugü 18:18

Rü choma rü tá ngẽma Iraétanüxü̃tanüwa chanango̱xẽxẽ ya wüxi ya curüxü̃ orearü uruxü̃. Rü nüma rü wüxi ya natanüxü̃ ixĩxcü tá nixĩ. Rü nüma rü tá mea duü̃xü̃gümaxã nüxü̃ nixu i ngẽma choma namaxã nüxü̃ chixuxü̃, rü tá namaxã nüxü̃ nixu i ngẽma choma chanamuxü̃.

Wenaxarü naxümatü ga Tupanaarü mugü 18:15

Rü nüma ya Cori ya perü Tupana rü tá petanüwa nanango̱xẽxẽ ya wüxi ya chauxrüxü̃ orearü uruxü̃. Rü pema rü name nixĩ i naga pexĩnüe.

Ore i mexü̃ ga Cuáü̃ ümatüxü̃ 5:36

Natürü nangẽxma i ta̱xacü i Cuáü̃arü orearü yexera chauétüwa íchogüxü̃. Rü ngẽma nixĩ ga yema cua̱xruü̃gü ga Chaunatü choxü̃ muxü̃ nax norü poramaxã chanaxüxü̃ca̱x. Rü yemawa pexü̃ nüxü̃ chadauxẽxẽ nax aixcüma Chaunatü ya Tupana yixĩxü̃ ga núma choxü̃ mucü.

Wiyaegü 119:11

Rü chauãẽgu namaxã changuxü̃ i curü ore nax tama cupe̱xewa chixexü̃ chaxüxü̃ca̱x.

Wiyaegü 16:11

Rü cuma rü choxü̃ cunawe̱x i ngẽma nama i maxü̃wa nadaxü̃. Rü cuxü̃tawa nangẽxma i taxüchixü̃ i taãxẽ. Rü ngẽma curü tügünecüwawa nangẽxma i taãxẽ i taguma iyacuáxü̃.

Ore i mexü̃ ga Luca ümatüxü̃ 16:31

Natürü Abraáü̃, rü ñanagürü nüxü̃: “Ngẽxguma tama naga naxĩnüegu ga yema ore ga Moiché ümatüxü̃ rü yema ore ga nũxcümaü̃güxü̃ ga Tupanaarü orearü uruü̃gü ümatüxü̃, rü woo chi wüxi i marü yuwa írüdaxü̃ i duü̃xü̃ ngéma ũxgu, rü namaxã nüxü̃ yanaxuxgu i ore, rü taxũchima nüxü̃́ nayaxõgü” —ñanagürü.

Ucu̱xẽgüchiga 6:23

Ngẽma mugü rü ngu̱xẽẽtaegü rü ñoma wüxi i omü i naixü̃rüxü̃ tá cuxca̱x nanangóonexẽxẽ. Rü ngẽma ucu̱xẽgü rü tá cuxü̃ inayarüwe̱xãchixẽxẽ nax nawe̱xguxü̃ca̱x i curü maxü̃.

Yochué 1:8

¡Rü guxü̃gutáma nawa cungu̱x i ngẽma nüxü̃ chixuxü̃ i chorü mugüpanewa! Rü name nixĩ i cuma rü chütacü rü ngunecü rü nagu curüxĩnü i ngẽma chorü ore nax ngẽmaãcü mea cunaxüxü̃ca̱x i ngẽma cumaxã nüxü̃ chixuxü̃, rü mea cuxü̃́ ínanguxuchixü̃ca̱x i guxü̃ma i ta̱xacü ícuxüxü̃wa.

Wenaxarü naxümatü ga Tupanaarü mugü 32:47

Erü ñaa ore i pemaxã nüxü̃ chixuxü̃ rü tama wüxi i ore i natüca̱xmamare ixĩxü̃ nixĩ. Rü ngẽxguma tá aixcüma mea peyanguxẽẽgu, rü mucütáma ya taunecü nawa pemaxẽ i ngẽma naane i ñu̱xma tá nagu pichocuxü̃ i natü i Yudáü̃arü tocutüwa ngẽxmaxü̃ —ñanagürü ga Moiché.

Popera ga Yudíugü ga yaxõgüxü̃ca̱x ümatüxü̃ 11:16

Natürü nümagü rü nüxü̃́ nangúchaü̃ i ngẽma naane i yexera rümemaexü̃ i daxũwa ngẽxmaxü̃ i Tupanaxü̃tawa. Rü yemaca̱x nixĩ ga Tupana ga tama naxãnexü̃ nax nügü yaxuxü̃ nax norü Tupana yixĩxü̃ rü marü naxca̱x nanamexẽxẽ ga wüxi ga ĩane ya daxũguxü̃ i naanewa ngẽxmane.

Colosenses 3:16

Rü name nixĩ i guxü̃guma peãẽwa nangẽxma i Cristuarü ore i taãxẽ pexna ãxü̃. Rü name nixĩ i nüxü̃ pecuáãcüma ngẽma oremaxã pegü pengúexẽxẽ rü pegü pixucu̱xẽgü. Rü name nixĩ i Tupanana moxẽ pexãgüãcüma nagu pewiyaegü i naguxü̃raü̃xü̃ i norü wiyaegü.

Ore i mexü̃ ga Luca ümatüxü̃ 16:29

Natürü ga Abraáü̃ rü ñanagürü nüxü̃: “Cuenexẽgü nüxü̃́ nangẽxma i Tupanaarü mugü ga Moiché ümatüxü̃ rü yema ore ga nũxcümaü̃güxü̃ ga Tupanaarü orearü uruü̃gü ümatüxü̃. Rü name nixĩ i ngẽma orega nax naxĩnüexü̃”, ñanagürü.

Danié 12:2

Rü guxü̃ma i marü yuexü̃ rü tá ínarüdagü. Rü nümaxü̃ rü maxü̃ i taguma gúxü̃ca̱x tá ínarüdagü, rü togü rü ãneca̱x rü poxcuca̱x tá ínarüdagü.

Ore i mexü̃ ga Cuáü̃ ümatüxü̃ 1:45

Rü Ferípe rü Natanaéca̱x nayadau, rü ñanagürü nüxü̃: —Marü nüxü̃ itayangau ya yimá Cristu ga Moiché nachiga naxümatücü ga mugüarü poperawa, rü nũxcümaü̃güxü̃ ga Tupanaarü Orearü uruü̃gü ta nachiga naxümatügücü. Yimá nixĩ ya Yúche nane ya Ngechuchu ya Nacharétucüã̱x —ñanagürü.

Ichaía 8:20

Rü ngẽmaãcü tá tanayaxu i wüxi i ucu̱xẽ rüe̱xna wüxi i ore i tüxü̃́ mexü̃ —ñanagürügü tá. Natürü woo ngẽma ñaxgu pexü̃, ¡rü taxṹ i naga pexĩnüexü̃ i ngẽma pemaxã nüxü̃ yaxuxü̃! Erü ngẽma nagu naxĩnüxü̃ rü wüxi i doramare nixĩ.

Wiyaegü 21:4

Rü cuxna naca nax cunamáarü maxü̃ã̱xẽẽxü̃ca̱x, rü cuma rü cunama̱xẽxẽ i norü maxü̃.

Wiyaegü 1:2

Natürü tümaarü taãxẽ nixĩ nax nagu tamaxü̃xü̃ i Tupanaarü mugü rü guxü̃guma chütacü rü ngunecü ngẽmagu tarüxĩnü.

Wiyaegü 133:3

Rü ñoma cherena ya ma̱xpǘne ya Ermóü̃étügu nguxü̃rüxü̃ rü ma̱xpǘne ya Chióü̃étügu nguxü̃rüxü̃ tüxü̃ nataãẽxẽxẽ. Rü Chióü̃wa nixĩ i ne naxũxü̃ i Tupanaarü ngü̃xẽxẽ nax namáxü̃ca̱x i norü maxü̃ i norü duü̃xü̃gü.

Popera ga Yudíugü ga yaxõgüxü̃ca̱x ümatüxü̃ 11:35

Rü nayexma ga ngexü̃gü ga yuexacüxü̃, natürü yema naxacügü rü wenaxarü namaxẽ yerü Tupanaaxü̃́ nayaxõgü. Rü nayexma ga togü ga poraãcü ngúxü̃ ingegüxü̃ yerü norü uanügü ngúxü̃ nüxü̃ ningegüxẽxẽ nax Tupanaxü̃ ínata̱xgüxü̃ca̱x. Natürü nümagü rü tama Tupanaxü̃ ínata̱xgü rü nayue, yerü naxca̱x rü narümemae nixĩ nax wena namaxẽxü̃ rü nayauxgüãxü̃ca̱x i maxü̃ i taguma gúxü̃.

Wenaxarü naxümatü ga Tupanaarü mugü 29:29

Rü nangẽxma i ta̱xacü i tama nüxü̃ icuáxü̃ i yixema, rü Cori ya Tupanaxicatama nixĩ ya nüxü̃ cuácü. Natürü nangẽxma i ta̱xacü marü tüxü̃ rü taxacügüxü̃ nüxü̃ nacua̱xẽẽxü̃ nax guxü̃gutáma nagu imaxẽxü̃ca̱x i guxü̃ma i ngẽma ucu̱xẽgü i ñaa mugüwa ngẽxmagüxü̃ —ñanagürü ga Moiché.

Ore i mexü̃ ga Luca ümatüxü̃ 24:25

Rü yexguma ga Ngechuchu rü ñanagürü nüxü̃: —Pema rü petaieru nax nüxü̃ pecuáxü̃ rü peyaxõgüxü̃ i ngẽma ore ga nũxcümaü̃güxü̃ ga Tupanaarü orearü uruü̃gü nüxü̃ ixugüexü̃.

Ore i mexü̃ ga Márcu ümatüxü̃ 10:3

Rü nüma nanangãxü̃, rü ñanagürü nüxü̃: —¿Rü ta̱xacü yixĩxü̃ ga Moiché pexü̃ muxü̃? —ñanagürü.