Ore i mexü̃ ga Cuáü̃ ümatüxü̃ 5:3 - Tupanaarü Ore

³ Rü yema ücuchicagügu nacagü ga muxü̃ma ga duü̃xü̃gü ga ida̱xaweexü̃. Rü nümaxü̃ rü nangexetügü, rü togü rü nachixeparagü, rü togü rü nanawãĩxãchigü. Rü yema ida̱xaweexü̃ rü yéma nananguxẽẽgü ga gumá puchu rü nax naxĩã̱xãchichíüxü̃.

Ore i mexü̃ ga Cuáü̃ ümatüxü̃ 5:3 Referans Kwoze

Ore i mexü̃ ga Luca ümatüxü̃ 7:22

Rü yemaca̱x Ngechuchu nanangãxü̃ rü ñanagürü: —¡Pewoegu rü Cuáü̃maxã nüxü̃ peyarüxu i ngẽma pematama nüxü̃ pedauxü̃ rü nüxü̃ pexĩnüexü̃! ¡Rü namaxã nüxü̃ pixu i ngẽma ingexetüxü̃ rü marü nidauuchigü, rü ngẽma ichixeparaxü̃ rü marü inachigü, rü ngẽma chaxüneã̱xgüxü̃ rü marü naxca̱x nitaanegü, rü ngẽma ngauchi̱xẽgüxü̃ rü marü ningo̱xnamachixẽgü, rü ngẽma yuexü̃ rü wenaxarü namaxẽ, rü ngẽma ingearü diẽruã̱xgüxü̃maxã marü nüxü̃ tixu i Tupanaarü ore i mexü̃!

Ore i mexü̃ ga Matéu ümatüxü̃ 15:30

Rü muxü̃ma ga duü̃xü̃gü naxü̃tawa nangugü. Rü yéma naxü̃tawa nanagagü ga duü̃xü̃gü ga ichixeparagüxü̃, rü ngexetügüxü̃, rü chixechacüügüxü̃, rü tama idexagüxü̃, rü muxü̃ma ga togü ga ida̱xaweexü̃. Rü Ngechuchupe̱xegu nayamugü. Rü nüma ga Ngechuchu rü nanameexẽxẽ.

Chacaría 11:17

¡Rü nügümaxã nangechaü̃ i ngẽma carnéruarü dauruxü̃ i tama mea norü carnérugüna dauxü̃ rü tüxü̃ ngéma wogümarexü̃! Rü norü poxcu tá nixĩ nax tara i taxrewa ãmaguxü̃maxã nacachacüüxü̃ rü nacaxetüxü̃ i norü tügünexetüwa! Rü tá ninachacüxü rü norü tügünexetüwa rü tá nangexetü. ¡Rü ngẽmaãcü ya nachacüxü rü tá nipamare rü tá nangexetü i norü tügünexetüwa! —ñanagürü.

Auxexü̃chiga 3:26

Rü name nixĩ i bexma ítanangu̱xẽẽgü ya Cori ya Tupanaarü ngü̃xẽxẽ.

Popera ga Chantiágu ümatüxü̃ 5:7

Rü ñu̱xma Pa Chauenexẽgüx, rü name nixĩ i mea ípenangu̱xẽxẽ ñu̱xmatata ínangu ya tórü Cori. Rü yíxema naanewa puracüxe rü mea ítanangu̱xẽxẽ ya pucü nax naxügüxü̃ca̱x i tümanetü. Rü ñu̱xũchi ítanangu̱xẽxẽ nax nayaxü̃ i tümanetüarü o, rü ngẽxguma rü tá tayabuxgü.

Romanos 8:25

Natürü ngẽxguma tauta nüxü̃ idaugügu i ngẽma írüngu̱xẽẽgüxü̃, rü name nax mea ínangu̱xẽẽgüxü̃ ñu̱xmata nüxü̃ idaugü woo ngúxü̃ ingegügu.

Ucu̱xẽgüchiga 8:34

Tataãxẽ ya yíxema choxü̃́ irüxĩnüxe rü guxü̃ i ngunexü̃gügu chopataarü ĩã̱xwa dauxü̃taexe.

Nüxíraxü̃xü̃ ga popera ga ãẽ̱xgacügüchiga 13:4

Rü yexguma nüma ga ãẽ̱xgacü ga Yeruboáü̃ nüxü̃ ĩnügu ga yema ore ga Tupanaarü orearü uruxü̃ nüxü̃ ixuxü̃ nachiga ga yema ãmarearü guruxü̃ ga Betéwa yexmaxü̃, rü nüma ga Yeruboáü̃ rü nanu rü naxunagüme̱xẽ rü norü purichíagüxü̃ namu rü ñanagürü: —¡Peyayaxux! —ñanagürü. Natürü guma naxme̱x ga naxunagüne rü namaxã nüxü̃ naxunetane rü yéma nayataitü rü marü taxuacüma narüxue.

Ore i mexü̃ ga Matéu ümatüxü̃ 4:24

Rü duü̃xü̃gü rü Ngechuchuchigaxü̃ nixugügü ga guxü̃ma ga Chíriaanewa. Rü naxü̃tawa nanagagü ga naguxü̃raü̃xü̃ ga da̱xaweanemaxã idaaweexü̃. Rü nayexma ga duü̃xü̃gü ga ngúanemaxã idaaweexü̃, rü duü̃xü̃gü ga poraãcü naxü̃newa nangúexü̃, rü duü̃xü̃gü ga ngo̱xo nawa yexmaxü̃, rü duü̃xü̃gü ga óxwaa̱xgüxü̃, rü duü̃xü̃gü ga nawãĩxãchigüxü̃. Rü Ngechuchu nanameexẽxẽ ga guxü̃ma ga yema.

Ore i mexü̃ ga Cuáü̃ ümatüxü̃ 5:2

Rü guma ĩanearü poxeguxü̃arü ĩã̱x ga Carnéruarü Choxü̃chicagu ãégaxü̃arü ngaicamana nayexma ga wüxi ga puchu ga Yudíugügawa Bechatágu ãégacü. Rü gumá puchuanacüwa nayexma ga wüxime̱e̱xpü̱x ga norü ücuchicagü ga ãxpataü̃étügüxü̃.

Ore i mexü̃ ga Cuáü̃ ümatüxü̃ 5:4

Yerü ñuxguacü rü gumá puchugu ínarüxĩĩxü̃ ga wüxi ga daxũcüã̱x ga Tupanaarü orearü ngeruxü̃, rü nayaxĩã̱xchíücüüxẽẽxü̃. Rü guxema tüxíra tügü yéma táexe nachiü̃wa ga gumá puchu ga yexguma yaxĩã̱xchíücüügu, rü tümaca̱x nitaane woo ga ngexü̃rüüxü̃mare ga da̱xawe tüxü̃́ yexmaxẽ.