Ore i mexü̃ ga Cuáü̃ ümatüxü̃ 5:20 - Tupanaarü Ore

²⁰ Nüma ya Nanatü ya Tupana rü Nanexü̃ nangechaü̃, rü ngẽmaca̱x nüxü̃ nüxü̃ nadauxẽxẽ i guxü̃ma i ta̱xacü i nüma naxüxü̃. Rü ngẽma ñu̱xma nüxü̃ nüxü̃ nadauxẽẽxü̃arü yexera tá yixcüra nüxü̃ nüxü̃ nadauxẽxẽ. Rü ngẽxguma ngẽmaxü̃ pedaugügu, rü tá namaxã peba̱i̱xãchie.

Ore i mexü̃ ga Cuáü̃ ümatüxü̃ 5:20 Referans Kwoze

Ore i mexü̃ ga Cuáü̃ ümatüxü̃ 3:35

Rü Tanatü ya Tupana rü Nanexü̃ nangechaü̃, rü marü naxme̱xwa nanangẽxmaxẽxẽ i guxü̃ma.

Ore i mexü̃ ga Matéu ümatüxü̃ 3:17

Rü daxũwa inanaxũ ga wüxi ga naga ga ñaxü̃: “Daa nixĩ ya Chaune ya nüxü̃ changechaü̃xü̃chicü, rü poraãcü namaxã chataãẽxü̃chicü”, ñaxü̃.

Norü taxre ga popera ga Pedru ümatüxü̃ 1:17

Rü nüxü̃ tadau ga yexguma Tanatü ya Tupana nüxü̃ icua̱xüxü̃gu. Rü nüxü̃ taxĩnüe ga yexguma gumátama Tanatü ya Tupana ya Üünecü ñaxgu: “Daa nixĩ ya Chaune ya nüxü̃ changechaü̃xü̃chicü. Rü choma rü poraãcü namaxã chataãẽxü̃chi”, ñaxgu.

Ore i mexü̃ ga Cuáü̃ ümatüxü̃ 17:26

Rü ngẽma choxna cumugüxü̃maxã marü cuxü̃ chixu nax texé quixĩxü̃. Rü guxü̃gutáma namaxã cuxü̃ chixuecha nax ngẽma ngechaü̃ i namaxã choxü̃ cungechaxü̃xü̃ rü nawa nangẽxmaxü̃ca̱x rü choma rü nawa nax changexmaxü̃ca̱x —ñanagürü ga Ngechuchu.

Ore i mexü̃ ga Cuáü̃ ümatüxü̃ 15:15

Choma rü marü tama chorü mugüruü̃ãcü pexü̃ chaxu. Erü wüxi i mugüruxü̃ rü tama nüxü̃ nacua̱x i ngẽma norü cori üxü̃. Natürü ñu̱xma rü chomücügümaxã pexü̃ chaxu, yerü pexü̃ nüxü̃ chacua̱xẽxẽ ga guxü̃ma ga ore ga Chaunatü chomaxã nüxü̃ ixuxü̃.

Ore i mexü̃ ga Cuáü̃ ümatüxü̃ 14:12

Aixcüma pemaxã nüxü̃ chixu rü yíxema choxü̃́ yaxṍxe rü tá tanaxü i ngẽma choma chaxüxü̃. Rü ngẽma chaxüxü̃arü yexera tá taxü, erü choma rü tá Chaunatüxü̃tawa chaxũ.

Ore i mexü̃ ga Cuáü̃ ümatüxü̃ 10:32

Natürü ga Ngechuchu rü ñanagürü nüxü̃: —Pepe̱xewa chanaxü i muxü̃ma i mexü̃gü i Chaunatüarü poramaxã chaxüxü̃. ¿Rü ngexü̃rüüxü̃ i ngẽma mexü̃ i chaxüxü̃ca̱x nixĩ i choxü̃ nutamaxã ípemuxũchichaü̃xü̃? —ñanagürü.

Ore i mexü̃ ga Cuáü̃ ümatüxü̃ 5:29

Rü naxmaü̃güwa tá ínachoxü̃ i ngẽma yuexü̃. Rü ngẽma mea maxẽxü̃, rü tá ínarüdagü nax nayauxgüãxü̃ca̱x i maxü̃ i taguma gúxü̃. Natürü ngẽma chixexü̃ ügüxü̃, rü tá ínarüdagü nax napoxcuexü̃ca̱x.

Ore i mexü̃ ga Cuáü̃ ümatüxü̃ 5:25

Rü aixcüma pemaxã nüxü̃ chixu rü nawa tá nangu i ora rü ñu̱xmatama nixĩ nax Tupana Nanega tá naxĩnüexü̃ i ngẽma duü̃xü̃gü i yuexü̃. Rü yíxema Tupana Nanega ĩnüexe rü tá tamaxẽ.

Ore i mexü̃ ga Cuáü̃ ümatüxü̃ 5:21

Rü Nanatü rü ínanadagüxẽxẽ i yuexü̃ rü wena nanamaxẽxẽxẽ. Rü ngẽxgumarüxü̃ ta i Nane rü tüxna nanaxã i maxü̃ ya yíxema natümawa̱xéxe nax tüxna naxãxü̃.

Ore i mexü̃ ga Cuáü̃ ümatüxü̃ 1:18

Taguma texé ñuxgu nüxü̃ tadau ga Tupana. Natürü Nane ya nügümaxã wüxicacü nixĩ ya tüxü̃ nüxü̃ cua̱xẽẽcü. Rü yimá Nane rü Tupanaxü̃chi nixĩ, rü Nanatümaxã wüxiwa nangẽxmagü.

Ore i mexü̃ ga Luca ümatüxü̃ 10:22

Rü ñanagürü ga Ngechuchu: —Chaunatü rü marü choxna nanaxã ga guxü̃ma. Rü taxúema ya toguxe nüxü̃ tacua̱x nax texe yixĩxü̃ ya Tupana Nane rü Nanatüxicatama nixĩ i aixcüma nüxü̃ cuácü. Rü taxúema ya toguxe nüxü̃ tacua̱x nax texe yixĩxü̃ ya Nanatü, rü nüma ya Nanexicatama nixĩ ya nüxü̃ cuácü. Rü ngẽxgumarüxü̃ ta yíxema Nane tüxü̃ nüxü̃ nacua̱xẽẽchaü̃güxe nixĩ i aixcüma Nanatüxü̃ cua̱xgüxe —ñanagürü.

Ore i mexü̃ ga Matéu ümatüxü̃ 17:5

Rü yexguma íyadexayane ga Pedru rü wüxi ga caixanexü̃ ga nangóonexẽẽxü̃ rü natanügu nayanga̱i̱xema. Rü yema caixanexü̃wa inanaxũ ga wüxi ga naga ga ñaxü̃: —Daa nixĩ ya Chaune ya nüxü̃ changechaü̃xü̃chicü rü namaxã chataãẽxü̃chicü. ¡Rü naga pexĩnüe! —ñanagürü.

Ore i mexü̃ ga Matéu ümatüxü̃ 11:27

Rü ñanagürü ta ga Ngechuchu: “Chaunatü choxna nanaxã i guxü̃ma i ta̱xacü i nüxü̃́ ngẽxmaxü̃. Rü Chaunatüxicatama choxü̃ nacua̱x nax texé chixĩxü̃ i choma i Nane. Rü tama guxü̃ma i duü̃xü̃gü aixcüma nüxü̃ nacua̱x ya Chaunatü. Rü choma ya Nane, rü ñu̱xũchi ngẽma duü̃xü̃gü i Chaunatüxü̃ nüxü̃ chacua̱xẽẽchaü̃xü̃xicatama nixĩ i aixcüma Chaunatüxü̃ cua̱xgüxü̃.

Ore i mexü̃ ga Matéu ümatüxü̃ 4:8

Rü yexguma ga nüma ga ngo̱xo ga Chataná rü wüxi ga ma̱xpǘne ga máchanexü̃chinewa nanaga. Rü yéma Ngechuchuxü̃ nanawe̱x ga guxü̃nema ga ñoma ga naanecüã̱x ga nachixü̃anegü nax ñuxãcü yamexẽchixü̃.