Ore i mexü̃ ga Cuáü̃ ümatüxü̃ 5:2 - Tupanaarü Ore

² Rü guma ĩanearü poxeguxü̃arü ĩã̱x ga Carnéruarü Choxü̃chicagu ãégaxü̃arü ngaicamana nayexma ga wüxi ga puchu ga Yudíugügawa Bechatágu ãégacü. Rü gumá puchuanacüwa nayexma ga wüxime̱e̱xpü̱x ga norü ücuchicagü ga ãxpataü̃étügüxü̃.

Ore i mexü̃ ga Cuáü̃ ümatüxü̃ 5:2 Referans Kwoze

Neemía 12:39

Rü nüxü̃ tachopetü ga yema ĩã̱x ga Efraíü̃gu ãégaxü̃ rü yema ĩã̱x ga Yechanágu ãégaxü̃ rü yema ĩã̱x ga Choxnigügu ãégaxü̃ rü yema daxũtaechica ga Ananégu ãégaxü̃ rü yema daxũtaechica ga 100gu ãégaxü̃ rü ñu̱xmata nawa tangugü ga yema ĩã̱x ga Carnérugügu ãégaxü̃. Rü nawa tayachaxãchitanü ga yema ĩã̱x ga Dauxü̃taeruü̃gu ãégaxü̃.

Neemía 3:1

Rü nüma ga chacherdóte ga Eriachí rü ñu̱xũchi yema namücügü ga chacherdótegü nixĩ ga namexẽẽgüxü̃ ga yema ĩã̱x ga Carnérugügu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü. Rü ñu̱xũchi yema 100arü Daxũtaechicawa inanaxügüe nax namexẽẽgüaxü̃́ ga yema naxtapü̱x rü ñu̱xmata yema Ananéarü Daxũtaechicagu yacuáx.

Neemía 3:32

Rü yema úiruwa puracüexü̃ rü yema taxetanüxü̃ nixĩ ga namexẽẽgüxü̃ ga naxtapü̱xarü üye ga ínapoxü̃wa ixügüxü̃ rü ñu̱xmata yema ĩã̱x ga Carnérugügu ãégaxü̃wa nangu.

Ichaía 22:11

Rü ngẽma taxre i ĩanearü poxeguxü̃tapü̱xarü ngãxü̃gu nanaxügü i wüxi i dexápáxü̃ nax ngẽxma nabagüãxü̃ca̱x i ngẽma dexá i nüxíraxü̃xü̃ i dexápaxü̃wa ngẽxmaxü̃. Rü ngẽmaãcü nügü namexẽẽgü norü uanücha̱xwa. Natürü tama nüxna nacua̱xãchie nax Tupana yixĩxü̃ ga nũxcüma nagu rüxĩnücü i ngẽma poxcu i ñu̱xma ínguxü̃.

Ngechuchuarü ngúexü̃gü ga yamugüxü̃arü puracüchiga 21:40

Rü yexguma ga gumá ãẽ̱xgacü rü: —Ngü̃ —ñanagürü. Rü nüma ga Pauru, rü churaragüpataarü toxṍõnegu nachinagü, rü naxunagüme̱xẽ nax nachiãchixü̃ca̱x ga duü̃xü̃gü. Rü yexguma nachiãchiegu, rü Yudíugawa nidexa, rü ñanagürü nüxü̃:

Ore i mexü̃ ga Cuáü̃ ümatüxü̃ 20:16

Rü yexguma ga Ngechuchu rü ñanagürü ngĩxü̃: —Pa Maríax —ñanagürü. Rü ngĩma rü naxca̱x idaueguãchi, rü Yudíugügawa ngĩgürügü nüxü̃: —Pa Rabúnix —ngĩgürügü. Rü ngẽma rü “Pa Ngúexẽẽruxü̃”, ñaxü̃chiga nixĩ.

Ore i mexü̃ ga Cuáü̃ ümatüxü̃ 19:17

Rü ínaxũxü̃ ga Ngechuchu, rü norü curucha ngĩxü̃ ininge. Rü nachica ga “Duẽxẽerugu”, ãégaxü̃wa naxũ. Rü yema nachica rü Górguta nixĩ ga naéga ga Yudíugügawa.

Ore i mexü̃ ga Cuáü̃ ümatüxü̃ 19:13

Rü yexguma yemaxü̃ naxĩnügu ga Pirátu, rü churaragüxü̃ namu nax Ngechuchuxü̃ ínagaxüchigüxü̃. Rü nüma ga Pirátu rü norü toruxü̃wa narüto ga ngextá duü̃xü̃gü ga poxcuexü̃na naca̱xaxü̃. Rü yema nachica rü Yudíugügawa rü Gabatágu nixĩ ga naéga. Rü yema naéga rü “Nutagümaxã tüétüxü̃”, ñaxü̃chiga nixĩ.

Ichaía 22:9

Rü nüxü̃ nadaugü nax muxü̃wama nawüxtexü̃ i Dabíarü Ĩanearü poxeguxü̃tápü̱x. Rü ngẽma dexáchiü̃ i ñaxtügu üxü̃ rü dexámaxã nanaxüãcu.

Ore i mexü̃ ga Cuáü̃ ümatüxü̃ 19:20

Rü yema nachica ga Ngechuchuxü̃ curuchawa íyanapotagüxü̃, rü ĩanearü ngaicamana nayexma. Rü yemaca̱x muxü̃ma ga yema Yudíugü nüxü̃ nadaumatü ga yema namatü ga mürapewaxacügu üxü̃ ga Yudíugügawa rü Griégugügawa rü Rómacüã̱xgügawa.

Ore i mexü̃ ga Cuáü̃ ümatüxü̃ 5:3

Rü yema ücuchicagügu nacagü ga muxü̃ma ga duü̃xü̃gü ga ida̱xaweexü̃. Rü nümaxü̃ rü nangexetügü, rü togü rü nachixeparagü, rü togü rü nanawãĩxãchigü. Rü yema ida̱xaweexü̃ rü yéma nananguxẽẽgü ga gumá puchu rü nax naxĩã̱xãchichíüxü̃.

Ore i mexü̃ ga Cuáü̃ ümatüxü̃ 7:21

Natürü ga Ngechuchu rü ñanagürü nüxü̃: —Choma rü ngü̃xchigaarü ngunexü̃gu chanamexẽxẽ ga wüxi ga yatü. Rü guxãma i pemax rü penuãẽgü naxca̱x ga yema wüxitama ga mexü̃ ga ngü̃xchigaarü ngunexü̃gu chaxüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:11

Rü yema munügüarü ãẽ̱xgacü, rü yema ãxmaxü̃ ga taguma iyacuáxü̃arü dauruxü̃ nixĩ. Rü Yudíugügawa rü yema munügüarü ãẽ̱xgacü, rü Abadóü̃ nixĩ. Rü Griégugügawa rü Apirióü̃ nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:16

Rü yema ngo̱xoãẽgü, rü nanangutaque̱xexẽxẽ ga guxü̃ma ga ñoma ga naanewa yexmagüxü̃ ga nachixü̃anecüã̱xgüarü ãẽ̱xgacügü. Rü yema nachica ga nawa nangutaque̱xegüxü̃, rü Armaguedóü̃ nixĩ i naéga i Yudíugügawa.