Ore i mexü̃ ga Cuáü̃ ümatüxü̃ 5:16 - Tupanaarü Ore

¹⁶ Rü yemaca̱x ga yema ãẽ̱xgacügü rü Ngechuchuca̱x nadaugü nax yama̱xgüãxü̃ca̱x, yerü ngü̃xchigaarü ngunexü̃gu napuracü.

Ore i mexü̃ ga Cuáü̃ ümatüxü̃ 5:16 Referans Kwoze

Ore i mexü̃ ga Cuáü̃ ümatüxü̃ 15:20

¡Nüxna pecua̱xãchie ga pemaxã ñachagu: “Taxuxü̃ma i wüxi i coriarü duü̃xü̃ rü norü coriétüwa nügü nangẽxmaxẽxẽ”, ñachagu! Rü yema nax chauxchi nax naxaiexü̃, rü pexchi rü tá ta naxaie. Rü yexguma chi chauga naxĩnüegu rü ñu̱xma rü chi ta pega naxĩnüe.

Ore i mexü̃ ga Cuáü̃ ümatüxü̃ 10:39

Rü wenaxarü Ngechuchuxü̃ niyauxgüchaü̃ ga yema Yudíugü. Natürü nüma ga Ngechuchu rü na̱xcha̱xwa niña.

Ore i mexü̃ ga Cuáü̃ ümatüxü̃ 7:25

Rü ñuxre ga yema duü̃xü̃gü ga Yerucharéü̃gu ãchiü̃güxü̃ rü nügüna nacagüe, rü ñanagürügü: —¿Taux ẽ̱xna daa yixĩxü̃ ya yimá yatü ya ãẽ̱xgacügü naxca̱x daugücü nax yama̱xgüãxü̃ca̱x?

Ore i mexü̃ ga Cuáü̃ ümatüxü̃ 5:13

Natürü ga gumá yatü rü tama nüxü̃ nacua̱x ga texé naxca̱x nax yataanexẽẽxü̃, yerü namuxũchi ga duü̃xü̃gü ga yéma, rü nüma ga Ngechuchu rü duü̃xü̃güna nixũgachi.

Ore i mexü̃ ga Luca ümatüxü̃ 6:11

Natürü nümagü ga yema Parichéugü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü poraãcü nanue. Rü nügü nixucu̱xẽgü nax ñuxãcü tá Ngechuchuxü̃ ínaxuaxü̃güxü̃.

Ore i mexü̃ ga Márcu ümatüxü̃ 3:6

Natürü nüma ga Parichéugü rü ínachoxü̃ rü Eródetanüxü̃maxã inanaxügüe nax naxca̱x nadaugüxü̃ nax ñuxãcü tá Ngechuchuxü̃ yama̱xgüxü̃.

Ore i mexü̃ ga Matéu ümatüxü̃ 12:13

Rü ñu̱xũchi ga Ngechuchu rü ñanagürü nüxü̃ ga gumá yatü ga yumécü: —¡Iyarüwe̱xãchime̱xẽ! —ñanagürü. Rü gumá yatü rü inayarüwe̱xãchime̱xẽ, rü yexgumatama narümeme̱x, rü nai ga naxme̱x ga mexü̃nerüxü̃ nixĩ.

Ore i mexü̃ ga Cuáü̃ ümatüxü̃ 1:19

Rü yema Yudíugüarü ãẽ̱xgacügü ga Yerucharéü̃cüã̱x rü Cuáü̃ ga baiü̃ẽẽruü̃xü̃tawa nanamugü ga chacherdótegü rü Lebítanüxü̃ nax nüxna yacagüexü̃ca̱x nax texe yixĩxü̃ ga nümax.

Ore i mexü̃ ga Cuáü̃ ümatüxü̃ 5:15

Rü ínixũ ga gumá yatü, rü Yudíugüarü ãẽ̱xgacügümaxã nüxü̃ nayarüxu nax Ngechuchu yixĩxü̃ ga gumá namexẽẽcü.

Ore i mexü̃ ga Cuáü̃ ümatüxü̃ 5:17

Natürü ga Ngechuchu rü ñanagürü nüxü̃: —Chaunatü ya Tupana rü guxü̃ i ngunexü̃gu napuracü rü mexü̃ naxü. Rü ngẽmaca̱x i choma rü ta naxrüxü̃ chapuracü —ñanagürü.

Ore i mexü̃ ga Cuáü̃ ümatüxü̃ 5:18

Rü yemaca̱x ga yema Yudíugüarü ãẽ̱xgacügü rü yexeraãcü Ngechuchuxü̃ nima̱xgüchaü̃. Yerü tama nanaxaure ga ngü̃xchigaarü ngunexü̃ rü naétü nüxü̃ nixu nax Nanatüxüchi yixĩxü̃ ya Tupana, rü yemaacü nügü nixu nax Tupanamaxã nawüxiguxü̃.

Ore i mexü̃ ga Cuáü̃ ümatüxü̃ 7:21

Natürü ga Ngechuchu rü ñanagürü nüxü̃: —Choma rü ngü̃xchigaarü ngunexü̃gu chanamexẽxẽ ga wüxi ga yatü. Rü guxãma i pemax rü penuãẽgü naxca̱x ga yema wüxitama ga mexü̃ ga ngü̃xchigaarü ngunexü̃gu chaxüxü̃.