Ore i mexü̃ ga Cuáü̃ ümatüxü̃ 4:45 - Tupanaarü Ore

⁴⁵ Natürü yexguma Gariréaanewa nanguxgu ga Ngechuchu, rü yema Gariréaanecüã̱x ga duü̃xü̃gü rü meama nanayauxgü. Yerü nümagü rü ta Yerucharéü̃wa naxĩ naxca̱x ga Üpetüchigaarü peta, rü yéma nüxü̃ nadaugü ga yema taxü̃ ga mexü̃gü ga Tupanaarü poramaxã naxüxü̃ ga Ngechuchu.

Ore i mexü̃ ga Cuáü̃ ümatüxü̃ 4:45 Referans Kwoze

Ore i mexü̃ ga Cuáü̃ ümatüxü̃ 2:23

Rü yexguma Ngechuchu Üpetüchigaarü petaca̱x Yerucharéü̃wa yexmagu, rü muxü̃ma ga duü̃xü̃gü rü nüxü̃́ nayaxõgü, yerü nüxü̃ nadaugü ga yema taxü̃ ga mexü̃gü ga Tupanaarü poramaxã naxüxü̃.

Ore i mexü̃ ga Cuáü̃ ümatüxü̃ 3:2

Rü gumá Nicodému rü Ngechuchuxü̃tagu nanaxũane ga chütacü. Rü ñanagürü nüxü̃: —Pa Ngúexẽxẽruxü̃, toma nüxü̃ tacua̱x nax aixcüma Tupana núma cuxü̃ muxü̃ nax toxü̃ cungúexẽẽxü̃ca̱x. Erü taxucürüwa texé cuxrüxü̃ tanaxü i ngẽma taxü̃ i mexü̃gü i Tupanaarü poramaxã üxü̃, ega tama Tupana tümaxü̃tawa ngẽxmagu —ñanagürü.

Wenaxarü naxümatü ga Tupanaarü mugü 16:16

Rü guxü̃ma i yatüxü̃gü rü wüxichigü ya taunecügu rü name nax tomaepü̱xcüna Cori ya perü Tupanape̱xewa naxĩxü̃ nawa i ngẽma nachica i nüma nüxü̃ naxunetaxü̃. Rü ñaagü nixĩ i ngẽma petagü i nagu Tupanape̱xewa naxĩxü̃: Paũ i Ngearü Pu̱xẽẽruü̃ã́xü̃, rü Nanetüarü Buxgüchiga, rü Düxenügüchiga. Rü ngẽma petachigagügu rü tama name nax texé ngẽãcume̱xẽãcüma Cori ya Tupanape̱xewa taxuxü̃.

Ore i mexü̃ ga Luca ümatüxü̃ 9:53

Natürü yema Chamáriaanecüã̱x rü tama nanayauxgüchaü̃, yerü nüxü̃ nacua̱xgü nax Yerucharéü̃wa tá naxũxü̃.

Ore i mexü̃ ga Luca ümatüxü̃ 8:40

Rü yexguma Ngechuchu wenaxarü taegugu ga naxtaxaarü tocutüwa, rü duü̃xü̃gü rü taãẽãcüma nanayauxgü, yerü guxü̃ma ínanangu̱xẽẽgü.

Ore i mexü̃ ga Luca ümatüxü̃ 13:1

Rü yexgumaxü̃cüü rü Ngechuchuxü̃tawa nangugü ga ñuxre ga duü̃xü̃gü. Rü Ngechuchumaxã nüxü̃ nixugü nax ãẽ̱xgacü ga Pirátu rü norü churaragüxü̃ namuxü̃ nax nadaiaxü̃ca̱x ga ñuxre ga Gariréaanecüã̱x ga yatügü ga yexguma norü carnérugü Tupanaca̱x nadaixgu ga napatawa.

Ore i mexü̃ ga Cuáü̃ ümatüxü̃ 4:54

Rü yexguma Yudéaanewa ne naxũxgu ga Ngechuchu, rü yema nixĩ ga norü taxre ga cua̱xruxü̃ ga Tupanaarü poramaxã duü̃xü̃güxü̃ nawéxü̃ ga Gariréaanewa.