Ore i mexü̃ ga Cuáü̃ ümatüxü̃ 4:39 - Tupanaarü Ore

³⁹ Rü muxü̃ma ga gumá ĩanecüã̱x ga Chamáriaanewa yexmane rü Ngechuchuaxü̃́ nayaxõgü, yerü nayaxõgü ga yema ore ga yema ngecü namaxã nüxü̃ ixuxü̃ ga yexguma ngĩxgu: “Guxü̃ma ga ta̱xacü ga ü̃pa chaxüxü̃ rü chomaxã nüxü̃ nixu”, ngĩxgu.

Ore i mexü̃ ga Cuáü̃ ümatüxü̃ 4:39 Referans Kwoze

Ore i mexü̃ ga Cuáü̃ ümatüxü̃ 4:29

Rü ngĩgürügü: —¡Ngĩxã rü ítayadaugü i wüxi i yatü i chomaxã nüxü̃ ixuxü̃ ga guxü̃ma ga yema chaxüxü̃! ¿Taux ẽ̱xna yimá yixĩxü̃ ya Cristu? —ngĩgürügü.

Ore i mexü̃ ga Cuáü̃ ümatüxü̃ 4:5

Rü yemaca̱x nawa nangu ga wüxi ga Chamáriaanearü ĩane ga Chicáx. Rü guma ĩanearü ngaicamana nayexma ga yema naane ga Acóbu nane ga Yúchena ãxü̃.

Ore i mexü̃ ga Cuáü̃ ümatüxü̃ 11:45

Rü yema Yudíugü ga Maríawe rüxĩxü̃ rü nüxü̃ nadaugü ga yema Ngechuchu üxü̃, rü muxü̃ma nüxü̃́ nayaxõgü ga yexguma nüxü̃ nadaugügu ga yema naxüxü̃.

Ore i mexü̃ ga Cuáü̃ ümatüxü̃ 4:42

Rü yexguma ga yema duü̃xü̃gü rü ñanagürügü ngĩxü̃ ga yema ngecü: —Ñu̱xma waxi nixĩ i aixcüma nüxü̃́ tayaxõgüxü̃ erü tomatama nüxü̃ taxĩnüe i ngẽma norü ore i tomaxã nüxü̃ yaxuxü̃. Rü ngẽmawa nüxü̃ tacua̱x nax aixcüma yimá yixĩxü̃ ya Cristu ya ñoma i naanecüã̱x i duü̃xü̃güarü maxẽxẽxẽruxü̃. Rü tama ngẽma cuma tomaxã nüxü̃ quixuxü̃ca̱xicatama tayaxõgü —ñanagürügü.

Ore i mexü̃ ga Matéu ümatüxü̃ 10:5

Rü Ngechuchu nayamugü ga yema 12 ga norü ngúexü̃gü. Rü nüxna naxãga, rü ñanagürü: “¡Taxũtáma natanüwa pexĩ i ngẽma duü̃xü̃gü i tama Yudíugü ixĩgüxü̃! ¡Rü taxũtáma Chamáriacüã̱x i duü̃xü̃güarü ĩanegüwa pexĩ!

Ore i mexü̃ ga Cuáü̃ ümatüxü̃ 4:30

Rü inaxĩãchi ga yema ĩanecüã̱x, rü Ngechuchu íyexmaxü̃wa naxĩ.

Ore i mexü̃ ga Cuáü̃ ümatüxü̃ 4:38

Rü choma rü pexü̃ chamu nax Tupanaca̱x duü̃xü̃güxü̃ pedexü̃ woo marü togü nüxíra napuracüe nax duü̃xü̃gümaxã nüxü̃ yaxugüexü̃ i Tupanaarü ore. Rü pema nixĩ ga yema duü̃xü̃güxü̃ pedexü̃ Tupanaca̱x. Rü yemaacü ga pemax rü peyoxniẽ nawa ga togüarü puracü —ñanagürü.

Ore i mexü̃ ga Cuáü̃ ümatüxü̃ 4:40

Rü yemaca̱x ga yema Chamáriaanecüã̱xgü rü yexguma Ngechuchuxü̃tawa nangugügu rü nüxü̃ naca̱a̱xü̃gü ga yexma natanügu nax naxã́ũxü̃ca̱x. Rü taxre ga ngunexü̃ yexma natanügu narüxã̱ũ̱x ga Ngechuchu.

Ore i mexü̃ ga Cuáü̃ ümatüxü̃ 1:37

Rü yema taxre ga Cuáü̃arü ngúexü̃gü rü nüxü̃ naxĩnüe ga yexguma yema ñaxgu. Rü Ngechuchuwe narüxĩ.