Biblia Todo Logo
Bib sou entènèt

- Piblisite -




Ore i mexü̃ ga Cuáü̃ ümatüxü̃ 4:36 - Tupanaarü Ore

36 Rü yíxema Tupanaca̱x nadexe i duü̃xü̃gü rü tá tanayaxu i tümaarü natanü. Rü guxü̃ma i ngẽma duü̃xü̃gü i tüxü̃́ irüxĩnüexü̃ rü tá nanayauxgü i maxü̃ i taguma gúxü̃. Rü ngẽmaãcü ya yíxema tüxíra ngẽma duü̃xü̃gümaxã Tupanaarü orexü̃ ixuxe rü yíxema yixcama ngẽma duü̃xü̃güxü̃ Tupanaca̱x dexe rü wüxigu tá tataãẽgü.

Gade chapit la Kopi




Ore i mexü̃ ga Cuáü̃ ümatüxü̃ 4:36
20 Referans Kwoze  

Pa Chauenexẽgüx, chanaxwa̱xe i nüxü̃ pecua̱x nax muẽ̱xpü̱xcüna pexü̃ íchayadauxchaü̃xü̃, natürü ñu̱xmarüta rü choxü̃́ naguxcha. Natürü ngéma petanüwa chaxũxchaü̃, erü chanaxwa̱xe nax petanüwa nüxü̃ chixuxü̃ i Tupanaarü ore nax ngẽmaãcü yaxõgüãxü̃ca̱x i duü̃xü̃gü i taxũta yaxõgüxü̃, yexgumarüxü̃ nax yaxõgüãxü̃ ga togü ga duü̃xü̃gü ga tama Yudíugü ixĩgüxü̃.


Natürü ñu̱xma nax ngẽma pecaduna ípenguxü̃xü̃ rü marü Tupanaarü duü̃xü̃gü pixĩgü rü naxca̱x nixĩ i pemaxẽxü̃. Rü ngẽma nixĩ i aixcüma pexü̃́ mexü̃ erü ngẽmagagu penayaxu i maxü̃ i üünexü̃ i ñu̱xma, rü ngẽmawena tá penayaxu i maxü̃ i taguma gúxü̃.


Rü ngẽma naãẽxü̃ icuáxü̃ i Tupanaga ĩnüexü̃ rü ñoma ngóonexü̃rüxü̃ tá nanangóonexẽẽgü. Rü ngẽma to̱xguexü̃ ngúexẽẽxü̃ nax Tupanawe tarüxĩxü̃ca̱x rü ñoma woramacurigürüxü̃ tá ngéma nanaitanü.


Yíxema duü̃xẽ ya mexü̃gu maxü̃́xẽ, rü maxü̃maxã tüxü̃́ naxãtanü, natürü yíxema nuwa̱xéxe rü tüxna nanayaxu i ngẽma maxü̃.


¡Naxuãxẽ rü mea cugüna nadau rü mea nangúexẽxẽ i ngẽma ore rü mea naxüama i ngẽma puracü ya Tupana nagu cuxü̃ muxü̃! Erü ngẽxguma mea cunaxü̱xgu i ngẽma puracü, rü tá cunayaxu i maxü̃ i taguma gúxü̃ rü ngẽma cuxü̃́ irüxĩnüexü̃ rü tá ta nanayauxgü i ngẽma maxü̃.


Natürü ngẽxguma wenaxarü núma naxũxgu ya tórü Cori ya Ngechuchu ya Cristu rü ¿texémaxã tá nixĩ i nape̱xewa togü ticua̱xüü̃güxü̃ rü tataãxẽgüxü̃? Rü aixcüma pewa tá nixĩ i ítanangu̱xẽẽxü̃ nax tomaxã nataãẽxü̃ i ngẽxguma wenaxarü núma naxũxgu.


Ngẽma duü̃xü̃ i chixexü̃gu maxü̃xü̃, rü wüxi i paxaãchiruxü̃mare nixĩ i ngẽma diẽru i norü puracütanü i nayaxuxü̃, natürü yíxema mexü̃gu rüxĩnüxe, rü aixcüma natai i ngẽma tümaarü natanü i tayaxuxü̃.


Rü guxãma ya yíxema tümapata cha̱u̱xca̱x ítáxe, rüe̱xna tümaenexẽgüxü̃ rü tümaeya̱xgüxü̃ cha̱u̱xca̱x ítáxe, rüe̱xna tümanatüxü̃ rü tümaéxü̃ cha̱u̱xca̱x ítáxe, rüe̱xna tümama̱xü̃ rü tümaxacügüxü̃ rü tümaarü naane cha̱u̱xca̱x ítáxe, rü 100 e̱xpü̱xcüna i ngẽma noxri tüxü̃́ ngẽxmaxü̃arü yexera tá tayaxu. Rü naétü tá tanayaxu i maxü̃ i taguma gúxü̃.


Rü yíxema Tupana Naneaxü̃́ yaxṍxe rü tüxü̃́ nangẽxma i maxü̃ i taguma gúxü̃. Natürü yíxema tama nüxü̃́ yaxõxchaü̃xẽ ya Tupana Nane, rü taxũtáma tüxü̃́ nangẽxma i ngẽma maxü̃ i taguma gúxü̃. Natürü tá tanayaxu i ngẽma ãũcümaxü̃ i poxcu ya Tupana tá namaxã tüxü̃ poxcuxü̃ —ñanagürü ga Cuáü̃ ga baiü̃ẽẽruxü̃.


Natürü texé ya yíxema choma tá tüxna chaxãxü̃ i dexáwa axexe, rü tagutáma wena tita̱xawa. Erü ngẽma dexá i choma tá tüxna chaxãxü̃ rü wüxi ya puchu ya guxü̃guma ibaibecürüxü̃ tá nixĩ i tümawa, erü ngẽma dexáwa nangẽxma i maxü̃ i taguma gúxü̃ —ñanagürü.


Aixcüma pemaxã nüxü̃ chixu rü yíxema texé ya choxü̃́ irüxĩnüxe i chorü ore, rü nüxü̃́ yaxṍxe ya yimá Chaunatü ya núma choxü̃ mucü, rü tüxü̃́ nangẽxma i maxü̃ i taguma gúxü̃. Rü Chaunatü rü taxũtáma tümamaxã nanaxuegu nax tapoxcuxü̃, erü marü nüxna ítanguxuchi nax tayuxü̃, rü tüxü̃́ nangẽxma i maxü̃ i taguma gúxü̃.


Rü maxü̃ i taguma guxü̃maxã Tupana tá tüxü̃́ nanaxütanü ya yíxema guxü̃guma mexü̃ taxügüãcüma naxca̱x daugüxe nax Tupana tümamaxã taãẽxü̃ rü naxca̱x daugüxe nax Tupanaxü̃tawa tangugüxü̃.


Rü natanü i ngẽma pecadu tüxna ãxü̃, rü yu nixĩ. Natürü ngẽma ãmare ya Tupana tüxna ãxü̃ rü maxü̃ i taguma guxü̃ nixĩ i ngẽxguma tórü Cori ya Ngechuchuaxü̃́ yaxõgügu.


Rü ngẽxguma chi chaugagu chitama chanaxüxgu i ngẽma puracü, rü nagu chi charüxĩnü nax choxü̃́ naxãtanüxü̃. Natürü ngẽxguma Tupana choxü̃ muxü̃ãcüma chanaxüxgu, rü chanaxüama erü woetama ngẽma nixĩ i chorü puracü ga Tupana choxna ãxü̃.


¿Rü ñu̱xma rü ta̱xacü tá nixĩ i chorü natanü naxca̱x i ngẽma puracü i chaxüxü̃? Rü chorü natanü nixĩ i ngẽma taãxẽ i chayaxuxü̃ i ngẽxguma ngetanüãcüma nüxü̃ chixuxgu i ngẽma ore i tüxü̃ maxẽxẽẽxü̃. Rü ngẽmaãcü woo name nax petanüwa chanayaxuxü̃ i chorü natanü nax ngẽmamaxã chamaxü̃xü̃ca̱x, natürü taguma texéna naxca̱x chaca.


Swiv nou:

Piblisite


Piblisite