Ore i mexü̃ ga Cuáü̃ ümatüxü̃ 4:34 - Tupanaarü Ore

³⁴ Natürü ga Ngechuchu rü ñanagürü nüxü̃: —Chorü õna nixĩ nax chanaxüxü̃ i norü ngúchaü̃ ya yimá nua choxü̃ mucü, rü nax chayanguxẽẽxü̃ i norü puracü.

Ore i mexü̃ ga Cuáü̃ ümatüxü̃ 4:34 Referans Kwoze

Ore i mexü̃ ga Cuáü̃ ümatüxü̃ 6:38

Yerü tama choxrütama ngúchaü̃ nax chaxüxü̃ca̱x nixĩ nax daxũguxü̃ ga naanewa ne chaxũxü̃. Natürü núma chaxũ nax chanaxüxü̃ca̱x i norü ngúchaü̃ ya Chaunatü ya núma choxü̃ mucü.

Ore i mexü̃ ga Cuáü̃ ümatüxü̃ 5:30

Choma rü taxucürüwa ta̱xacü chaxü chauechamatama ega tama choxü̃ naxüxẽẽãgu ya Chaunatü. Rü Chaunatü chomaxã nüxü̃ ixuxü̃ãcüma nixĩ i nüxna chacaxü̃ i duü̃xü̃gü i norü maxü̃chiga. Rü ngẽxguma nüxna chacaxgu rü aixcüma meama chanangugü i duü̃xü̃gü. Erü tama choxrütama ngúchaü̃ nixĩ i ngẽma chaxüxü̃, natürü Chaunatü ya nua choxü̃ mucüarü ngúchaü̃ nixĩ i ngẽma chaxüxü̃.

Yox 23:12

Rü guxü̃guma mea chayanguxẽxẽ i norü mugü rü norü ucu̱xẽgü, rü taguma choxrütama ngúchaü̃ chaxü.

Ore i mexü̃ ga Cuáü̃ ümatüxü̃ 17:4

Choma rü ñoma i naanewa marü duü̃xü̃güxü̃ nüxü̃ chadauxẽxẽ nax cuma rü Tupana ya poraxüchicü quixĩxü̃, rü chayanguxẽxẽ i guxü̃ma i puracü ga nawa choxü̃ cumuxü̃.

Ore i mexü̃ ga Cuáü̃ ümatüxü̃ 19:30

Rü Ngechuchu nayaxaxü ga gumá bínu ga üxchíücü rü ñanagürü: —Marü ningu i guxü̃ma —ñanagürü. Rü ñu̱xũchi inayarümaxãchi, rü nayu.

Ore i mexü̃ ga Matéu ümatüxü̃ 26:39

Rü yexguma ga Ngechuchu rü yéaxüra naxũ. Rü waixü̃müanegu nanangücuchi. Rü nayumüxẽ rü ñanagürü: —Pa Chaunatüx, ngẽxguma cuma cunaxwa̱xegu, ¡rü nüxna choxü̃ ínanguxuchixẽxẽ i ñaa ngúxü̃ i tá chingexü̃! Natürü chanaxwa̱xe i curütama ngúchaü̃ cuxü rü tama i choxrü —ñanagürü.

Ore i mexü̃ ga Cuáü̃ ümatüxü̃ 5:36

Natürü nangẽxma i ta̱xacü i Cuáü̃arü orearü yexera chauétüwa íchogüxü̃. Rü ngẽma nixĩ ga yema cua̱xruü̃gü ga Chaunatü choxü̃ muxü̃ nax norü poramaxã chanaxüxü̃ca̱x. Rü yemawa pexü̃ nüxü̃ chadauxẽxẽ nax aixcüma Chaunatü ya Tupana yixĩxü̃ ga núma choxü̃ mucü.

Ore i mexü̃ ga Cuáü̃ ümatüxü̃ 4:32

Natürü ga nüma rü ñanagürü nüxü̃: —Choma rü choxü̃́ nangẽxma i chowemü i pema tama nüxü̃ pecuáxü̃ —ñanagürü.

Ore i mexü̃ ga Luca ümatüxü̃ 19:10

Rü Tupana Nane ya duü̃xü̃xü̃ ixĩcü, rü ñoma i naanewa naxũ nax naxca̱x yadauxü̃ca̱x i ngẽma duü̃xü̃gü i iyarütauxexü̃ nax namaxẽxẽẽãxü̃ca̱x —ñanagürü.

Wiyaegü 40:8

Rü chomax, Pa Chorü Tupanax, rü namaxã chataãxẽ nax curü ngúchaü̃ chaxüxü̃. Rü chauãẽgu namaxã changuxü̃ i ngẽma curü ngu̱xẽẽtae.

Popera ga Yudíugü ga yaxõgüxü̃ca̱x ümatüxü̃ 12:2

¡Rü ngĩxã Ngechuchuxü̃ tarüdaunü rü nagu taxĩ i nacüma! Yerü nüma nixĩ ga tüxü̃́ natauxchaxẽẽãxü̃ nax yaxõgüxü̃ca̱x. Rü nüma rü tama nügü nachu̱xu nax curuchawa ngúxü̃ yangexü̃, rü tama nagu narüxĩnü ga yema ãne nax yangexü̃, yerü nüxü̃ nacua̱x nax yemawena rü tá nataãẽxü̃. Rü ñu̱xma rü Tupanaarü tochicaxü̃arü tügünecüwawa narüto.

Ore i mexü̃ ga Luca ümatüxü̃ 15:10

Rü pemaxã nüxü̃ chixu rü ngẽxgumarüxü̃ ta nataãẽgü i daxũcüã̱x i Tupanaarü orearü ngeruü̃gü i ngẽxguma wüxi i duü̃xü̃ i pecaduã́xü̃ nüxü̃ rüxoxgu i nacüma i chixexü̃ rü Tupanaaxü̃́ yaxõõgu —ñanagürü ga Ngechuchu.

Ngechuchuarü ngúexü̃gü ga yamugüxü̃arü puracüchiga 20:35

Rü guxü̃guma mea pexü̃ changúexẽxẽ nax ngẽmaãcü pepuracüexü̃ nax nüxü̃ perüngü̃xẽẽxü̃ca̱x i ngẽma duü̃xü̃gü i nüxü̃́ nataxuxü̃. Rü name nixĩ nax nüxna pecua̱xãchiexü̃ i Cori ya Ngechuchuarü ore ga nümatama ñaxü̃: “Rü narümemae nixĩ i pema nax toguxena penaxãxü̃ rü tama i tüma pexna nax tanaxãxü̃” —ñaxü̃.

Ore i mexü̃ ga Cuáü̃ ümatüxü̃ 6:33

Erü ngẽma paũ ya Tupana ixãxü̃, rü yimá Nane ya daxũguxü̃ i naanewa ne ũcü nixĩ. Rü nüma nixĩ i maxü̃ nüxna naxãxü̃ i ñoma i naanecüã̱x i duü̃xü̃gü —ñanagürü.

Ore i mexü̃ ga Matéu ümatüxü̃ 3:15

Natürü ga Ngechuchu rü ñanagürü nüxü̃: —Name nixĩ i choxü̃ ícubaiexẽẽxü̃ i ñu̱xmax. Erü name nixĩ i tayanguxẽẽxü̃ i guxü̃ma i ngẽma Tupana tüxü̃ muxü̃ —ñanagürü. Rü yexguma ga Cuáü̃ rü: —Ngü̃ —ñanagürü.

Ore i mexü̃ ga Luca ümatüxü̃ 2:49

Rü yexguma ga Ngechuchu rü ñanagürü: —¿Tü̱xcüü̃ cha̱u̱xca̱x pedaugü? ¿Tama ẽ̱xna nüxü̃ pecua̱x nax woetama Chaunatüpatawa tá changexmaxü̃? —ñanagürü.

Ore i mexü̃ ga Cuáü̃ ümatüxü̃ 8:29

Yimá núma choxü̃ mucü ya Chaunatü rü chauxü̃tawa nangẽxma. Rü taguma choxna nixũgachi, erü choma rü guxü̃guma chanaxü i ngẽma norü ngúchaü̃ ixĩxü̃ —ñanagürü.

Ore i mexü̃ ga Cuáü̃ ümatüxü̃ 19:28

Rü Ngechuchu nüxü̃ nacua̱x nax marü yangu̱xẽẽãxü̃ ga guxü̃ma ga yema Nanatü namaxã nüxü̃ ixuxü̃. Rü yema Tupanaarü ore ga ümatüxü̃ nax yanguxẽẽxü̃ca̱x, rü ñanagürü: —Chita̱xawa —ñanagürü.

Ore i mexü̃ ga Matéu ümatüxü̃ 9:19

Rü inachi ga Ngechuchu, rü norü ngúexü̃gümaxã yema ãẽ̱xgacüwe narüxũ.