Ore i mexü̃ ga Cuáü̃ ümatüxü̃ 4:31 - Tupanaarü Ore

³¹ Rü yoxni ga norü ngúexü̃gü rü Ngechuchuxü̃ nachixewegü nax nachibüxü̃ca̱x.

Ore i mexü̃ ga Cuáü̃ ümatüxü̃ 4:31 Referans Kwoze

Ore i mexü̃ ga Cuáü̃ ümatüxü̃ 1:38

Rü nügü ínidau ga Ngechuchu, rü nüxü̃ nadau ga nawe nax naxĩxü̃ ga yema taxre. Rü nüxna naca rü ñanagürü nüxü̃: —¿Ta̱xacüca̱x pedau? —ñanagürü. Rü nümagü rü ñanarügügü: —Pa Ngúexẽẽruxü̃x, ¿ngexta nixĩ icupexü̃? —ñanagürügü.

Naanearü ügüchiga 24:33

Rü yexguma õnamaxã nanaxüpe̱xegü nax nachibüxü̃ca̱x, rü nüma ga gumá Abraáü̃arü duü̃ rü ñanagürü: —Taxucürüwa chachibü ega tama pemaxã nüxü̃ chixuxíragu i ngẽma pemaxã nüxü̃ chixuxchaü̃xü̃ —ñanagürü. Rü yexguma ga Labáü̃ rü ñanagürü: —¡Ẽcü, idexa! —ñanagürü.

Ore i mexü̃ ga Matéu ümatüxü̃ 23:7

Rü ĩanearü plazagüwa rü nanaxwa̱xegü nax duü̃xü̃gü mea nüxü̃ rümoxẽgüxü̃. Rü nanaxwa̱xegü nax duü̃xü̃gü rü: “Pa Ngúexẽẽruxü̃x”, ñagüxü̃ nüxü̃.

Ore i mexü̃ ga Matéu ümatüxü̃ 23:8

¡Natürü i pemax, Pa Chorü Duü̃xü̃güx, rü taxũtáma penaxwa̱xe nax duü̃xü̃gü “Pa Ngúexẽẽruxü̃”, ñagüxü̃ pexü̃! Erü guxãma i pema rü pegüenexẽgü pixĩgü, rü wüxixicatama nixĩ ya perü Ngúexẽẽruxü̃ ixĩcü.

Ore i mexü̃ ga Matéu ümatüxü̃ 26:25

Rü nüma ga Yúda ga naechita íyaxuaxü̃xü̃, rü ñanagürü: —Pa Ngúexẽẽruxü̃x, ¿ẽ̱xna choma tá chixĩxü̃? —ñanagürü. Rü Ngechuchu nanangãxü̃ rü ñanagürü: —Cugümare quixu nax cuma tá quixĩxü̃ —ñanagürü.

Ore i mexü̃ ga Matéu ümatüxü̃ 26:49

Rü yexguma Ngechuchuca̱x nixũ, rü ñanagürü nüxü̃: —Nuxmae Pa Ngúexẽẽruxü̃x —ñanagürü. Rü ñu̱xũchi nüxü̃ nachúxu.

Ore i mexü̃ ga Márcu ümatüxü̃ 9:5

Rü yexguma ga Pedru rü ñanagürü Ngechuchuxü̃: —Pa Ngúexẽxẽruxü̃, namexẽchi nixĩ nax nua ingẽxmagüxü̃. Rü tá tanaxü ya tomaepü̱x ya düxenü, rü wüxi ya cuxca̱x, rü nai ya Moichéca̱x, rü nai ya Eríaca̱x —ñanagürü.

Ore i mexü̃ ga Márcu ümatüxü̃ 11:21

Rü yexguma ga Pedru rü nüxna nacua̱xãchi ga yema ĩneacü ngupetüxü̃, rü ñanagürü Ngechuchuxü̃: —Pa Ngúexẽxẽruxü̃x, dücax i yea igunecü ga chixexü̃ namaxã cuxueguxü̃, rü marü narüñexẽ —ñanagürü.

Ore i mexü̃ ga Márcu ümatüxü̃ 14:45

Rü yemaacü Ngechuchuca̱x nixũ, rü ñanagürü nüxü̃: —Pa Ngúexẽxẽruxü̃ —ñanagürü. Rü ñu̱xũchi nanachúxu.

Ore i mexü̃ ga Cuáü̃ ümatüxü̃ 1:49

Rü Natanaé nanangãxü̃ rü ñanagürü nüxü̃: —Pa Ngúexẽxẽruxü̃, cuma rü Tupana Nane quixĩ. Rü cuma nixĩ i guxü̃ma i Iraétanüxü̃arü Ãẽ̱xgacü quixĩxü̃ —ñanagürü.

Ore i mexü̃ ga Cuáü̃ ümatüxü̃ 3:2

Rü gumá Nicodému rü Ngechuchuxü̃tagu nanaxũane ga chütacü. Rü ñanagürü nüxü̃: —Pa Ngúexẽxẽruxü̃, toma nüxü̃ tacua̱x nax aixcüma Tupana núma cuxü̃ muxü̃ nax toxü̃ cungúexẽẽxü̃ca̱x. Erü taxucürüwa texé cuxrüxü̃ tanaxü i ngẽma taxü̃ i mexü̃gü i Tupanaarü poramaxã üxü̃, ega tama Tupana tümaxü̃tawa ngẽxmagu —ñanagürü.

Ore i mexü̃ ga Cuáü̃ ümatüxü̃ 3:26

Rü Cuáü̃maxã nüxü̃ nayarüxugüe, rü ñanagürügü: —Pa Ngúexẽẽruxü̃, gumá yatü ga tomaxã nüxü̃ quixucü rü cumaxã yexmacü ga natü ga Yudáü̃arü tocutüwa, rü yimá rü ñu̱xma rü duü̃xü̃güxü̃ ínabaiü̃ẽxẽ, rü guxü̃ma i duü̃xü̃gü rü nawe narüxĩ —ñanagürügü.

Ore i mexü̃ ga Cuáü̃ ümatüxü̃ 4:30

Rü inaxĩãchi ga yema ĩanecüã̱x, rü Ngechuchu íyexmaxü̃wa naxĩ.

Ore i mexü̃ ga Cuáü̃ ümatüxü̃ 4:32

Natürü ga nüma rü ñanagürü nüxü̃: —Choma rü choxü̃́ nangẽxma i chowemü i pema tama nüxü̃ pecuáxü̃ —ñanagürü.

Ore i mexü̃ ga Cuáü̃ ümatüxü̃ 6:25

Rü yexguma guma naxtaxaarü tocutüwa nangugügu ga yema duü̃xü̃gü, rü Ngechuchuxü̃ yexma nayangaugü. Rü nüxna nacagüe, rü ñanagürügü: —Pa Ngúexẽxẽruxü̃, ¿ñuxgu nixĩ i nua cunguxü̃? —ñanagürügü.

Ore i mexü̃ ga Cuáü̃ ümatüxü̃ 9:2

Rü norü ngúexü̃gü rü nüxna nacagü, rü ñanagürügü: —Pa Ngúexẽẽruxü̃x, ¿Tü̱xcüü̃ ngexetüãcüma nabu ya daa yatü? ¿Ẽ̱xna nanatü rü naéarü pecadugagu rü ẽ̱xna noxrütama pecadugagu? —ñanagürügü.

Ore i mexü̃ ga Cuáü̃ ümatüxü̃ 11:8

Rü norü ngúexü̃gü rü ñanarügügü nüxü̃: —Pa Ngúexẽẽruxü̃x, yexwaca̱xtama nixĩ ga yémacüã̱x ga Yudíugü ga nutamaxã cuxü̃ ínamuxũchigüchaü̃xü̃. ¿Rü tü̱xcüü̃ wena ngéma cuxũxchaü̃ i ñu̱xmax? —ñanarügügü.