Ore i mexü̃ ga Cuáü̃ ümatüxü̃ 4:3 - Tupanaarü Ore

³ Rü yexguma Ngechuchu nüxü̃ cua̱xgu nax Parichéugü nüxü̃ cuáchigaxü̃ ga yema Ngechuchu üxü̃, rü nüma ga Ngechuchu rü ínaxũxũ ga Yudéaanewa rü Gariréaaneca̱x nataegu.

Ore i mexü̃ ga Cuáü̃ ümatüxü̃ 4:3 Referans Kwoze

Ore i mexü̃ ga Matéu ümatüxü̃ 10:23

Rü ngẽxguma wüxi ya ĩanewa duü̃xü̃gü pexü̃ da̱i̱xchaü̃gu, rü name nixĩ i pibuxmü ya yima ĩanewa, rü nai ya ĩanewa pexĩ. Rü aixcüma pemaxã nüxü̃ chixu rü Tupana Nane ya duü̃xü̃xü̃ ixĩcü rü tá nataegu naxü̃pa nax guxü̃ne ya Iraéanearü ĩanegüwa pengugüxü̃.

Ore i mexü̃ ga Cuáü̃ ümatüxü̃ 11:54

Rü yemaca̱x ga Ngechuchu rü marü tama yema Yudíugü ímuxü̃tanüwa nayexma. Rü ínaxũxũ ga Yudéaanewa, rü wüxi ga ĩanexacü ga Efraíü̃gu ãéganewa naxũ. Rü guma ĩane rü nüxna nangaicama ga yema chianexü̃ ga taxúema nagu ãpataxü̃. Rü yexma narücho namaxã ga norü ngúexü̃gü.

Ore i mexü̃ ga Cuáü̃ ümatüxü̃ 10:40

Rü yexguma ga Ngechuchu rü Yudáü̃arü tocutüca̱x nataegu. Rü yema nachica ga Cuáü̃ duü̃xü̃güxü̃ ü̃paacü nawa íbaiü̃xẽẽxü̃gu narüxã̱ũ̱x.

Ore i mexü̃ ga Cuáü̃ ümatüxü̃ 3:22

Rü yemawena rü norü ngúexü̃gümaxã Yudéaanewa naxũ ga Ngechuchu. Rü ñuxre ga ngunexü̃ namaxã yéma nayexma rü duü̃xü̃güxü̃ ínabaiü̃xẽẽgü.

Ore i mexü̃ ga Cuáü̃ ümatüxü̃ 2:11

Rü guma Gariréaanewa yexmane ga ĩane ga Canáwa nixĩ ga yema naxüxü̃ ga Ngechuchu. Rü yema nixĩ ga nüxíraxü̃xü̃ ga cua̱xruxü̃ ga Tupanaarü poramaxã üxü̃ ga nawa nügü inawéxü̃ ga Tupana Nane nax yixĩxü̃. Rü nüma ga norü ngúexü̃gü rü nüxü̃́ nayaxõgü.

Ore i mexü̃ ga Cuáü̃ ümatüxü̃ 1:43

Rü moxü̃ãcü ga Ngechuchu rü nügü namexẽxẽ nax Gariréaanewa naxũxü̃ca̱x. Rü yéma Ferípexü̃ nadau rü ñanagürü nüxü̃: —¡Chowe rüxũ! —ñanagürü.

Ore i mexü̃ ga Márcu ümatüxü̃ 3:7

Rü Ngechuchu rü norü ngúexü̃gümaxã naxtaxacutüwa naxũ. Rü muxü̃ma ga duü̃xü̃gü ga Gariréaanecüã̱x rü nawe narüxĩ.

Ore i mexü̃ ga Cuáü̃ ümatüxü̃ 3:32

Rü nüma rü tamaxã nüxü̃ nixuchiga ga yema nüxü̃ nadauxü̃ rü nüxü̃ naxĩnüxü̃. Natürü noxretama nüxü̃́ nayaxõgü i ngẽma nüxü̃ yaxuxü̃.

Ore i mexü̃ ga Luca ümatüxü̃ 17:11

Rü yexguma namagu yaxũxgu ga Ngechuchu ga Yerucharéü̃wa nax naxũxü̃, rü Chamáriaane rü Gariréaane nügümaxã íxüyéxü̃wa naxüpetü.

Ore i mexü̃ ga Cuáü̃ ümatüxü̃ 4:47

Rü yexguma gumá yatü ga ãẽ̱xgacü ga réiarü ngü̃xẽẽruxü̃ nüxü̃ cuáchigagu nax ínanguxü̃ ga Ngechuchu ga Yudéaanewa nax ne naxũxü̃ rü Gariréaanewa nanguxü̃, rü gumá yatü rü naxü̃tawa naxũ. Rü nüxü̃ nayaca̱xaxü̃ nax napatawa naxũxü̃ca̱x, rü naxca̱x nax yanataanexẽẽãxü̃ca̱x ga gumá nane ga marü turaxüchicü.

Ore i mexü̃ ga Cuáü̃ ümatüxü̃ 7:1

Rü yemawena ga Ngechuchu rü Gariréaanewa yexmagüne ga ĩanegügu nixũãgüchigü. Rü tama Yudéaanewa nayexmachaü̃ yerü yémacüã̱x ga Yudíugüarü ãẽ̱xgacügü rü naxca̱x nadaugü nax yama̱xgüãxü̃ca̱x.