Ore i mexü̃ ga Cuáü̃ ümatüxü̃ 4:15 - Tupanaarü Ore

¹⁵ Rü ngĩma ga yema nge rü inangãxü̃ rü ngĩgürügü: —Pa Corix, ¡choxna naxã i ngẽma dexá nax taguma wena chita̱xawaxü̃ca̱x, rü taguma wena daa puchuwa dexáwa chaxũxü̃ca̱x! —ngĩgürügü.

Ore i mexü̃ ga Cuáü̃ ümatüxü̃ 4:15 Referans Kwoze

Ore i mexü̃ ga Cuáü̃ ümatüxü̃ 6:34

Rü nümagü ga duü̃xü̃gü rü ñanagürügü nüxü̃: —Pa Corix, ¡guxü̃guma toxna naxã i ngẽma paũ! —ñanagürügü.

Romanos 8:5

Rü yíxema tümaxü̃ne naxwa̱xexü̃ãcüma maxẽxe, rü naxca̱x tadaugü i ñoma i naanearü ngúchaü̃gü. Natürü yíxema Tupanaãxẽ ya Üünecü naxwa̱xexü̃ãcüma maxẽxe, rü ngẽma Tupanaãxẽ ya Üünecü naxwa̱xexü̃ nixĩ i naxca̱x tadaugüxü̃.

Romanos 6:23

Rü natanü i ngẽma pecadu tüxna ãxü̃, rü yu nixĩ. Natürü ngẽma ãmare ya Tupana tüxna ãxü̃ rü maxü̃ i taguma guxü̃ nixĩ i ngẽxguma tórü Cori ya Ngechuchuaxü̃́ yaxõgügu.

Ore i mexü̃ ga Cuáü̃ ümatüxü̃ 6:26

Rü Ngechuchu nanangãxü̃, rü ñanagürü nüxü̃: —Aixcüma pemaxã nüxü̃ chixu rü cha̱u̱xca̱x pedaugü yerü meama pechibüe nawa ga yema õna ga pexna chaxãxü̃. Rü tama yema cua̱xruxü̃gü ga nüxü̃ pedauxü̃ ga Tupanaarü poramaxã chaxüxü̃xü̃ca̱x nixĩ i cha̱u̱xca̱x pedaugüxü̃.

Wiyaegü 4:6

Rü muxü̃ma i duü̃xü̃gü rü ñanagürügü: —¿Texé tá tüxü̃ tarüngü̃xẽxẽ? —ñanagürügü. Pa Corix ¡cuxü̃́ tangechaxü̃tümüxü̃gü rü toxü̃ rüngü̃xẽxẽ!

Nüxíraxü̃xü̃ ga popera ga Cuáü̃ ümatüxü̃ 5:20

Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.

Popera ga Chantiágu ümatüxü̃ 4:3

Rü ngẽxguma naxca̱x ípecaxgu, rü tama penayaxu, erü naxca̱x ípeca i ngẽma tama Tupana pexü̃́ naxwa̱xexü̃. Rü ngẽma pematama penaxwa̱xexü̃ nixĩ i naxca̱x ípecaxü̃ nax namaxã pegütama petaãẽxẽẽmarexü̃ca̱x.

1 Corintios 2:14

Rü texé ya tama Tupanaãxẽ ya Üünecü tümawa ngẽxmaxẽ, rü taxucürüwa tanayaxu i ngẽma Tupanaãxẽ ya Üünecü tüxü̃ ngu̱xẽẽxü̃, erü tümaca̱x ya yíxema duü̃xẽ rü natüca̱xmamare nixĩ. Rü tama nüxü̃ tacua̱xéga erü yíxema Tupanaãxẽ ya Üünecü tümawa ngẽxmaxẽxicatama tixĩ ya nüxü̃ cuáxe nax tanangugüxü̃ nax ta̱xacüchiga yixĩxü̃ i ngẽma Tupanaãxẽ ya Üünecü tüxü̃ ngu̱xẽẽxü̃.

Ore i mexü̃ ga Cuáü̃ ümatüxü̃ 4:16

Rü Ngechuchu ñanagürü ngĩxü̃: —¡Íyadau ya cute, rü naxca̱x yaca, rü nua pexĩ! —ñanagürü.

Ore i mexü̃ ga Cuáü̃ ümatüxü̃ 6:35

Rü Ngechuchu ñanagürü nüxü̃: —Choma nixĩ i ngẽma paũ i maxẽxẽẽruxü̃ chixĩxü̃. Rü yíxema texé ya chowe rüxũxẽ rü tagutáma tataiya. Rü texé ya choxü̃́ yaxṍxe rü tagutáma tita̱xawa.