Ore i mexü̃ ga Cuáü̃ ümatüxü̃ 4:13 - Tupanaarü Ore

¹³ Rü Ngechuchu ngĩxü̃ nangãxü̃, rü ñanagürü: —Rü guxãma ya texé ya daa puchuarü dexáwa axexe, rü wena táxarü tita̱xawae.

Ore i mexü̃ ga Cuáü̃ ümatüxü̃ 4:13 Referans Kwoze

Ore i mexü̃ ga Cuáü̃ ümatüxü̃ 6:27

¡Taxṹ i naxca̱x pexoegaãẽgüxü̃ i õna i paxãma gúxü̃! Rü narümemae nixĩ i naxca̱x pexoegaãẽgü i ngẽma õna i maxü̃ i taguma gúxü̃ pexna ãxü̃. Rü ngẽma nixĩ i maxü̃ ya Tupana Nane ya duü̃xü̃xü̃ ixĩcü tá pexna ãxü̃, erü Chaunatü ya Tupana rü marü nanango̱xẽxẽ nax aixcüma Nane chixĩxü̃ —ñanagürü.

Ore i mexü̃ ga Luca ümatüxü̃ 16:24

Rü yexguma ga yema yatü ga noxri diẽruã̱xü̃chixü̃ rü aita naxü rü ñanagürü: “Pa O̱xi Pa Abraáü̃x, ¡cuxü̃́ changechaü̃tümüxü̃, rü nua namu ya Lácharo nax dexámaxã nügü yawaixpe̱xeme̱xẽãcüma choxü̃ yanawaixpe̱xearü conüã́xü̃ca̱x! Erü poraãcü choxü̃́ nangu̱x i nua üxüwa”, ñanagürü.

Ore i mexü̃ ga Cuáü̃ ümatüxü̃ 6:49

Rü nũxcümaü̃güxü̃ ga perü o̱xigü rü chianexü̃wa ga taxúema íxãpataxü̃wa nanangõ̱x ga yema paũ ga maná ga Tupana nüxna ãxü̃. Natürü woo nanangõ̱xgü ga yema paũ rü nayueamatama.

Ore i mexü̃ ga Cuáü̃ ümatüxü̃ 4:12

Nũxcümaü̃cü ga torü o̱xi ga Acóbu toxca̱x núma Chamáriaanewa nanata̱x ga daa puchu. Rü gumáwa nixĩ ga naxaxexü̃ ga nüma rü nanegü rü norü wocagü. ¿Rü ñuxãcü i cumax i norü yexera quixĩxü̃? —ngĩgürügü.

Ore i mexü̃ ga Cuáü̃ ümatüxü̃ 4:14

Natürü texé ya yíxema choma tá tüxna chaxãxü̃ i dexáwa axexe, rü tagutáma wena tita̱xawa. Erü ngẽma dexá i choma tá tüxna chaxãxü̃ rü wüxi ya puchu ya guxü̃guma ibaibecürüxü̃ tá nixĩ i tümawa, erü ngẽma dexáwa nangẽxma i maxü̃ i taguma gúxü̃ —ñanagürü.