Ore i mexü̃ ga Cuáü̃ ümatüxü̃ 3:36 - Tupanaarü Ore

³⁶ Rü yíxema Tupana Naneaxü̃́ yaxṍxe rü tüxü̃́ nangẽxma i maxü̃ i taguma gúxü̃. Natürü yíxema tama nüxü̃́ yaxõxchaü̃xẽ ya Tupana Nane, rü taxũtáma tüxü̃́ nangẽxma i ngẽma maxü̃ i taguma gúxü̃. Natürü tá tanayaxu i ngẽma ãũcümaxü̃ i poxcu ya Tupana tá namaxã tüxü̃ poxcuxü̃ —ñanagürü ga Cuáü̃ ga baiü̃ẽẽruxü̃.

Ore i mexü̃ ga Cuáü̃ ümatüxü̃ 3:36 Referans Kwoze

Ore i mexü̃ ga Cuáü̃ ümatüxü̃ 5:24

Aixcüma pemaxã nüxü̃ chixu rü yíxema texé ya choxü̃́ irüxĩnüxe i chorü ore, rü nüxü̃́ yaxṍxe ya yimá Chaunatü ya núma choxü̃ mucü, rü tüxü̃́ nangẽxma i maxü̃ i taguma gúxü̃. Rü Chaunatü rü taxũtáma tümamaxã nanaxuegu nax tapoxcuxü̃, erü marü nüxna ítanguxuchi nax tayuxü̃, rü tüxü̃́ nangẽxma i maxü̃ i taguma gúxü̃.

Ore i mexü̃ ga Cuáü̃ ümatüxü̃ 1:12

Natürü guxema nayauxgüxe rü nüxü̃́ yaxõgüxe rü tüxü̃ nade nax Tupanaxacügü tixĩgüxü̃.

1 Tesalonicenses 5:9

Erü Tupana rü tama tüxü̃ nade nax tüxü̃ napoxcuexü̃ca̱x, natürü tüxü̃ nade nax tórü Cori ya Ngechuchu ya Cristugagu nayauxgüxü̃ca̱x i maxü̃ i taguma gúxü̃.

Efesios 5:6

¡Rü ngẽxguma texé ta̱xacürü ngu̱xẽẽtae i taxuwama mexü̃maxã pexü̃ womüxẽxẽchaü̃gu rü taxṹ i naga pexĩnüexü̃! Erü ngẽma ngu̱xẽẽtae i taxuwama mexü̃gagu tá nixĩ ya Tupana poraãcü napoxcuexü̃ i ngẽma duü̃xü̃gü i tama naga ĩnüexü̃.

Romanos 5:9

Rü ñu̱xma rü Tupanape̱xewa time yerü taxca̱x nayu ga Cristu. Rü ngẽmaca̱x meama nüxü̃ tacua̱x nax nüma rü aixcüma tá tüxü̃ ínanguxü̃xẽxẽxü̃ nax tama ipoxcuexü̃ca̱x.

Ore i mexü̃ ga Cuáü̃ ümatüxü̃ 8:51

Aixcüma pemaxã nüxü̃ chixu, rü texé ya naga ĩnüxe i ngẽma tümamaxã nüxü̃ chixuxü̃ rü guxü̃gutáma namaxecha —ñanagürü.

Ore i mexü̃ ga Cuáü̃ ümatüxü̃ 10:28

Rü choma rü nüxna chanaxã i maxü̃ i taguma gúxü̃. Rü nümagü rü tagutáma inayarütauxe, rü taxúetama choxna tanapuxü̃ i cho̱xme̱xwa.

Ore i mexü̃ ga Cuáü̃ ümatüxü̃ 3:3

Rü Ngechuchu nanangãxü̃ rü ñanagürü nüxü̃: —Aixcüma cumaxã nüxü̃ chixu, rü yíxema tama wenaxarü buxe rü taxucürüwama Tupana ãẽ̱xgacü ixĩxü̃wa tangu —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8

Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

1 Tesalonicenses 1:10

Rü nüxü̃ nixugügü ta nax aixcüma ípenangu̱xẽẽxü̃ nax wenaxarü tá daxũwa ne naxũxü̃ ya Ngechuchu ya Tupana Nane ga yuwa ínadaxẽẽãcü. Rü yimá Ngechuchu nixĩ ya tüxü̃ ínguxü̃xẽẽcü nüxna i ngẽma poxcu i ãũcümaxü̃ i tá ínguxü̃.

Gálatas 3:10

Natürü chixexü̃wa nangẽxmagü i guxü̃ma i ngẽma nagu rüxĩnüexü̃ nax mugü yanguxẽẽgüxü̃gagu Tupanape̱xewa yamexü̃. Erü Tupanaarü ore i ümatüxü̃wa rü ñanagürü: “Rü guxü̃ma i duü̃xü̃gü i tama aixcüma yanguxẽẽgüxü̃ i guxü̃ma i ngẽma mugü i ümatüxü̃, rü chixexü̃wa nangẽxmagü”, ñanagürü.

Romanos 8:1

Rü ñu̱xma ya Tupana rü marü taxuca̱xma nanapoxcue i ngẽma duü̃xü̃gü ya Ngechuchu ya Cristuarü duü̃xü̃gü ixĩgüxü̃.

Ore i mexü̃ ga Luca ümatüxü̃ 3:6

Rü guxü̃ma i duü̃xü̃gü rü tá nüxü̃ nadaugü ya yimá maxẽxẽxẽruxü̃ ya Tupana núma namucü”, ñanagürü ga Ichaía ümatüxü̃ ga ore.

Wiyaegü 36:9

Rü cuma nixĩ i maxü̃arü yora quixĩxü̃. Rü cuma nixĩ i toxca̱x cunangóonexẽẽxü̃.

Popera ga Yudíugü ga yaxõgüxü̃ca̱x ümatüxü̃ 10:29

Natürü Tupana rü aixcüma yexeraãcü tá nanapoxcue i ngẽma duü̃xü̃gü i chixri Nanechiga idexagüxü̃, rü nüxü̃ oexü̃ nax gumá nagümaxã yixĩxü̃ ga pecadu naxütanüxü̃, rü namaxã guxchigagüxü̃ i Tupanaãxẽ ya Üünecü i nüxü̃ ngechaü̃xü̃.

Popera ga Yudíugü ga yaxõgüxü̃ca̱x ümatüxü̃ 2:3

Rü yexguma yemaacü napoxcueãgu ga yema duü̃xü̃gü ga tama naga ĩnüexü̃, ¿rü ñuxũcürüwa i yixema i na̱xcha̱xwa ibuxmüxü̃ nax tama tüxü̃ napoxcuexü̃ca̱x ega nüxü̃ ixoegu i ngẽma maxü̃ i mexẽchixü̃ i ñu̱xma Cristugagu tüxna uaxü̃xü̃? Rü nümatama ya tórü Cori nixĩ ga nüxíra naxunagüãxü̃ ga yema maxü̃, rü ñu̱xũchi yixcama nixĩ ga yema nüxü̃ ĩnüexü̃ ga nüxĩ́ mea tüxü̃ nüxü̃ nacua̱xẽẽxü̃ nax aixcüma yixĩxü̃ i tüxü̃́ nangẽxmaxü̃ i ngẽma maxü̃.

Abacú 2:4

¡Rü naxümatü i ñaa ore! “Ngẽma duü̃xü̃gü i chixexü̃ ügüxü̃ rü nügü nicua̱xüü̃gü. Natürü yíxema chope̱xewa imexe rü tá tamaxẽ erü chomaxã tixaixcümagü” —ñanagürü.

Yox 33:28

Rü nawa choxü̃ ínanguxuchixẽẽãma i ngẽma yu. Rü ngẽmaca̱x i ñu̱xmax rü ngóonexü̃wa changexma”, ñanagürü.

Romanos 4:15

Nüxü̃ tacua̱x rü ngẽma mugü ga Moiché ümatüxü̃ rü poxcuwa tüxü̃ naga erü taxúema aixcüma mea tayanguxẽxẽ. Natürü yexguma chi nataxuxguma ga yema mugü rü tataxuchima nax texé chixri yanguxẽẽxü̃.

Ore i mexü̃ ga Luca ümatüxü̃ 2:30

Rü chauxetümaxã nüxü̃ chadau ya daa maxẽxẽẽruxü̃ ya guxü̃ i duü̃xü̃güca̱x núma cunamucü.

Ore i mexü̃ ga Matéu ümatüxü̃ 25:46

Rü ngẽma duü̃xü̃gü rü tá poxcu i taguma gúxü̃wa naxĩ. Natürü ngẽma duü̃xü̃gü i aixcüma mea Tupanaca̱x maxẽxü̃ rü tá nanayauxgü i maxü̃ i taguma gúxü̃ —ñanagürü ga Ngechuchu.

Ore i mexü̃ ga Márcu ümatüxü̃ 16:16

Rü yíxema yaxṍxe rü íbaiexe rü tá tüxü̃́ nangẽxma i maxü̃ i taguma gúxü̃. Natürü yíxema tama yaxṍxe rü tá tapoxcu.

Ore i mexü̃ ga Cuáü̃ ümatüxü̃ 4:36

Rü yíxema Tupanaca̱x nadexe i duü̃xü̃gü rü tá tanayaxu i tümaarü natanü. Rü guxü̃ma i ngẽma duü̃xü̃gü i tüxü̃́ irüxĩnüexü̃ rü tá nanayauxgü i maxü̃ i taguma gúxü̃. Rü ngẽmaãcü ya yíxema tüxíra ngẽma duü̃xü̃gümaxã Tupanaarü orexü̃ ixuxe rü yíxema yixcama ngẽma duü̃xü̃güxü̃ Tupanaca̱x dexe rü wüxigu tá tataãẽgü.

Ore i mexü̃ ga Cuáü̃ ümatüxü̃ 6:58

Marü pemaxã nüxü̃ chixu nax choma rü paũ i daxũwa ne ũxü̃ chixĩxü̃. Natürü choma rü tama yema paũ ga maná ga nũxcümaü̃güxü̃ ga perü o̱xigü ngõ̱xgüxü̃rüxü̃ chixĩ. Yerü woo ga yema paũ nax nangõ̱xgüxü̃ ga perü o̱xigü rü nayueamatama. Natürü texé ya choxü̃ yaxúxe, ñoma paũ tangṍxü̃rüxü̃, rü choxü̃́ yaxṍxe rü guxü̃gutáma tamaxü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 14:2

Natürü yema Yudíugü ga tama Ngechuchuaxü̃́ yaxõgüxü̃, rü chixexü̃maxã nayaxucu̱xẽgü ga yema tama Yudíugü ixĩgüxü̃ nax yema yaxõgüxü̃chi naxaiexü̃ca̱x.

Popera ga Yudíugü ga yaxõgüxü̃ca̱x ümatüxü̃ 3:18

¿Rü texégümaxã nixĩ ga inaxunetaxü̃ ga Tupana nax taxũtáma yema naanewa nangugüxü̃ nax yexma nangü̃ẽxü̃ca̱x? Rü yemagü nixĩ ga yema duü̃xü̃gü ga tama naga ĩnüexü̃.

Popera ga Yudíugü ga yaxõgüxü̃ca̱x ümatüxü̃ 3:19

Rü ngẽmawa nüxü̃ tacua̱x nax taxucürüwama yema naane ga noxri Tupana namaxã ixunetaxü̃wa nangugüxü̃ ga yema duü̃xü̃gü, yerü tama nüxü̃́ nayaxõgü.