Ore i mexü̃ ga Cuáü̃ ümatüxü̃ 3:2 - Tupanaarü Ore

² Rü gumá Nicodému rü Ngechuchuxü̃tagu nanaxũane ga chütacü. Rü ñanagürü nüxü̃: —Pa Ngúexẽxẽruxü̃, toma nüxü̃ tacua̱x nax aixcüma Tupana núma cuxü̃ muxü̃ nax toxü̃ cungúexẽẽxü̃ca̱x. Erü taxucürüwa texé cuxrüxü̃ tanaxü i ngẽma taxü̃ i mexü̃gü i Tupanaarü poramaxã üxü̃, ega tama Tupana tümaxü̃tawa ngẽxmagu —ñanagürü.

Ore i mexü̃ ga Cuáü̃ ümatüxü̃ 3:2 Referans Kwoze

Ore i mexü̃ ga Cuáü̃ ümatüxü̃ 5:36

Natürü nangẽxma i ta̱xacü i Cuáü̃arü orearü yexera chauétüwa íchogüxü̃. Rü ngẽma nixĩ ga yema cua̱xruü̃gü ga Chaunatü choxü̃ muxü̃ nax norü poramaxã chanaxüxü̃ca̱x. Rü yemawa pexü̃ nüxü̃ chadauxẽxẽ nax aixcüma Chaunatü ya Tupana yixĩxü̃ ga núma choxü̃ mucü.

Ngechuchuarü ngúexü̃gü ga yamugüxü̃arü puracüchiga 10:38

Rü pema nüxü̃ pecua̱x nax Tupana naporaxẽẽxü̃ ga Ngechuchu ya Nacharétucüã̱x rü nüxna namuaxü̃ ga Naãxẽ ya Üünecü. Rü nüma ga Ngechuchu rü mexü̃ naxü ga yema íyaxũgüxü̃wa, rü nanameexẽxẽ ga guxü̃ma ga yema ngo̱xome̱xẽwa yexmagüxü̃, yerü Tupana nüxü̃ narüngü̃xẽxẽ.

Ngechuchuarü ngúexü̃gü ga yamugüxü̃arü puracüchiga 2:22

Rü ñanagürü ta ga Pedru: —Pa Duü̃xü̃gü Pa Iraétanüxü̃x, ¡iperüxĩnüe i ñaa ore! Rü pema rü meama nüxü̃ pecua̱x rü Ngechuchu ga Nacharétucüã̱x rü gumá nixĩ ga Tupana pepe̱xewa pora nüxna ãcü. Rü nüma ga Tupana rü nüxü̃ nanaxüxẽxẽ ga muxü̃ma ga mexü̃gü ga cua̱xruü̃gü. Rü pema rü meama nüxü̃ pecua̱x i ngẽma.

Ore i mexü̃ ga Cuáü̃ ümatüxü̃ 9:16

Rü yexguma ga ñuxre ga Parichéugü rü ñanagürügü: —Yema yatü ga cuxü̃ rümexẽẽxü̃ rü tama Tupanaarü duü̃xü̃ nixĩ, erü tama nanaxaure i ngü̃xchigaarü ngunexü̃ —ñanagürügü. Natürü togü ga Parichéugü rü ñanagürügü: —¿Ñuxãcü nanaxü i ngẽma cua̱xruxü̃ i mexü̃ ega wüxi i pecaduã́xü̃ yixĩxgux? —ñanagürügü. Rü yemaacü nügü nitoye ga nagu naxĩnüexü̃wa ga yema Parichéugü.

Ore i mexü̃ ga Cuáü̃ ümatüxü̃ 12:37

Rü woo ga Ngechuchu rü duü̃xü̃güpe̱xewa nanaxü ga muxü̃ma ga taxü̃ ga mexü̃ ga cua̱xruü̃gü ga Tupanaarü poramaxã naxüxü̃, natürü yexguma rü ta tama nüxü̃́ nayaxõgü ga duü̃xü̃gü.

Ore i mexü̃ ga Cuáü̃ ümatüxü̃ 1:38

Rü nügü ínidau ga Ngechuchu, rü nüxü̃ nadau ga nawe nax naxĩxü̃ ga yema taxre. Rü nüxna naca rü ñanagürü nüxü̃: —¿Ta̱xacüca̱x pedau? —ñanagürü. Rü nümagü rü ñanarügügü: —Pa Ngúexẽẽruxü̃x, ¿ngexta nixĩ icupexü̃? —ñanagürügü.

Ore i mexü̃ ga Matéu ümatüxü̃ 22:16

Rü yemaca̱x Ngechuchuxü̃tawa nanamugü ga ñuxre ga norü duü̃xü̃gü wüxigu namaxã ga ñuxre ga Eródearü duü̃xü̃gü nax Ngechuchumaxã nüxü̃ yanaxugüexü̃ca̱x ga ore, rü ñanagürügü: —Pa Ngúexẽxẽruxü̃x, nüxü̃ tacua̱x rü aixcüma nixĩ i ngẽma nüxü̃ quixuxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x. Rü tama duü̃xü̃gügamare cuxĩnü, erü tama norü düxétüxü̃negu cudawenü, natürü nacüma nixĩ i cungugüxü̃.

Ore i mexü̃ ga Cuáü̃ ümatüxü̃ 7:31

Natürü muxü̃ma ga duü̃xü̃gü rü nüxü̃́ nayaxõgü. Rü ñanagürügü: —¿Ngẽxguma ínanguxgu ya Cristu rü ta̱xacürü cua̱xruxü̃ i daa yatü üxü̃arü yexera tá naxü? —ñanagürügü.

Ore i mexü̃ ga Cuáü̃ ümatüxü̃ 20:16

Rü yexguma ga Ngechuchu rü ñanagürü ngĩxü̃: —Pa Maríax —ñanagürü. Rü ngĩma rü naxca̱x idaueguãchi, rü Yudíugügawa ngĩgürügü nüxü̃: —Pa Rabúnix —ngĩgürügü. Rü ngẽma rü “Pa Ngúexẽẽruxü̃”, ñaxü̃chiga nixĩ.

Ore i mexü̃ ga Cuáü̃ ümatüxü̃ 15:24

Rü ngẽxguma chi taxũchima ngẽma duü̃xü̃güpe̱xewa Tupanaarü poramaxã chanaxüxgu i ngẽma cua̱xruü̃gü i taguma texé ya togue üxü̃, rü taxũchima ninaguãchi nax yapecaduã́xü̃. Natürü marü nüxü̃ nadaugü i ngẽma cua̱xruü̃gü i Tupanaarü poramaxã chaxüxü̃, rü ngẽxguma rü ta chauxchi naxaieama rü Chaunatüchi rü ta naxaie.

Ore i mexü̃ ga Cuáü̃ ümatüxü̃ 3:26

Rü Cuáü̃maxã nüxü̃ nayarüxugüe, rü ñanagürügü: —Pa Ngúexẽẽruxü̃, gumá yatü ga tomaxã nüxü̃ quixucü rü cumaxã yexmacü ga natü ga Yudáü̃arü tocutüwa, rü yimá rü ñu̱xma rü duü̃xü̃güxü̃ ínabaiü̃ẽxẽ, rü guxü̃ma i duü̃xü̃gü rü nawe narüxĩ —ñanagürügü.

Ore i mexü̃ ga Márcu ümatüxü̃ 12:14

Rü nümagü rü naxü̃tawa naxĩ, rü ñanagürügü nüxü̃: —Pa Ngúexẽxẽruxü̃, nüxü̃ tacua̱x rü aixcüma nixĩ i ngẽma nüxü̃ quixuxü̃ i ore. Rü tama duü̃xü̃gügamare cuxĩnü, erü tama norü düxétüxü̃negu cudawenü, natürü nacüma nixĩ i cungugüxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x. ¡Tomaxã nüxü̃ ixu! Rü ngẽma diẽru ya ãẽ̱xgacü ya Rómacüã̱x totanüwa ngĩxü̃ yaxucü ¿rü namexü̃ yixĩxü̃ nax nüxna ngĩxü̃ taxãxü̃, rü ẽ̱xna tama? —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 6:27

Rü yexguma ga Yedeóü̃ rü guxme̱e̱xpü̱x ga norü duü̃xü̃gümaxã nanaxü ga guxü̃ma ga yema Cori ya Tupana namaxã nüxü̃ ixuxü̃. Natürü chütacü nanaxü yerü nanatütanüxü̃xü̃ namuü̃, rü nüxü̃ namuü̃ ga yema duü̃xü̃gü ga guma ĩanecüã̱x ixĩgüxü̃.

Ichaía 51:7

¡Choxü̃́ iperüxĩnüe i pema nax nüxü̃ pecuáxü̃ i ngẽma nacüma i aixcüma iwéxü̃ rü naga pexĩnüexü̃ i chorü mugü! ¡Rü taxṹ i pemuü̃exü̃ rü perümaãchitanüxü̃ i ngẽxguma ta̱xacü pemaxã yaxugüegu i duü̃xü̃gü! Erü nümagü rü tá nayue rü ñoma naxchiru i naweane ngõ̱xgüxü̃rüxü̃ tá nixĩgü. Rü õ̱xmigü rü tá nanangõ̱xgü ñoma wüxi i naxchiru i carnéruta̱xanaxca̱x nangõ̱xgüxü̃rüxü̃. Natürü chaucüma rü taguma inarüxo rü chorü pora i namaxã íchapoxü̃ i chorü duü̃xü̃gü rü guxü̃guma nangẽxmaecha —ñanagürü ga Tupana.

Filipenses 1:14

Rü ñu̱xma nax chapoxcuxü̃ rü ngẽma rümumaexü̃ i taenexẽgü i yaxõgüxü̃ rü nüxü̃́ nangúchaü̃ nax tama namuü̃eãcüma nüxü̃ yaxugüxü̃ i Tupanaarü ore.

Nüxíraxü̃xü̃ ga popera ga ãẽ̱xgacügüchiga 17:24

Rü ngĩma ga yema nge rü inangãxü̃ rü ngĩgürügü: —Ñu̱xma waxi nixĩ i meama nüxü̃ chacuáxü̃ i Tupanaarü duü̃xü̃ nax quixĩxü̃ rü ngẽma nüxü̃ quixuxü̃ rü Cori ya Tupanawa ne naxũxü̃ —ngĩgürügü.

Yeremía 38:16

Natürü nüma ga ãẽ̱xgacü ga Chedequía rü bexma nüxicatama Yeremíamaxã inaxuneta rü ñanagürü: —Yimá tüxü̃ maxẽxẽẽcü ya Cori ya Tupanaégagu cumaxã nüxü̃ chixu rü taxũtáma texéxü̃ chamu nax cuxü̃ yamáxü̃ca̱x, rü taxũtáma ngẽma cuxü̃ ima̱xgüchaü̃xü̃me̱xẽgu cuxü̃ changuxẽxẽ —ñanagürü.

Ore i mexü̃ ga Matéu ümatüxü̃ 23:7

Rü ĩanearü plazagüwa rü nanaxwa̱xegü nax duü̃xü̃gü mea nüxü̃ rümoxẽgüxü̃. Rü nanaxwa̱xegü nax duü̃xü̃gü rü: “Pa Ngúexẽẽruxü̃x”, ñagüxü̃ nüxü̃.

Ore i mexü̃ ga Matéu ümatüxü̃ 23:8

¡Natürü i pemax, Pa Chorü Duü̃xü̃güx, rü taxũtáma penaxwa̱xe nax duü̃xü̃gü “Pa Ngúexẽẽruxü̃”, ñagüxü̃ pexü̃! Erü guxãma i pema rü pegüenexẽgü pixĩgü, rü wüxixicatama nixĩ ya perü Ngúexẽẽruxü̃ ixĩcü.

Ore i mexü̃ ga Cuáü̃ ümatüxü̃ 2:11

Rü guma Gariréaanewa yexmane ga ĩane ga Canáwa nixĩ ga yema naxüxü̃ ga Ngechuchu. Rü yema nixĩ ga nüxíraxü̃xü̃ ga cua̱xruxü̃ ga Tupanaarü poramaxã üxü̃ ga nawa nügü inawéxü̃ ga Tupana Nane nax yixĩxü̃. Rü nüma ga norü ngúexü̃gü rü nüxü̃́ nayaxõgü.

Ore i mexü̃ ga Cuáü̃ ümatüxü̃ 4:31

Rü yoxni ga norü ngúexü̃gü rü Ngechuchuxü̃ nachixewegü nax nachibüxü̃ca̱x.

Ore i mexü̃ ga Cuáü̃ ümatüxü̃ 6:2

Rü muxü̃ma ga duü̃xü̃gü rü Ngechuchuwe narüxĩ. Yerü marü nüxü̃ nadaugü ga yema cua̱xruü̃gü ga Tupanaarü poramaxã naxüxü̃ ga yexguma duü̃xü̃gü ga ida̱xaweegüxü̃ca̱x yataanexẽẽgüãgu.

Ore i mexü̃ ga Cuáü̃ ümatüxü̃ 10:38

Natürü ngẽxguma chanaxüxgu i ngẽma Chaunatü üxü̃, rü woo tama choxü̃́ peyaxõgügu, rü chanaxwa̱xe i nüxü̃́ peyaxõgü i ngẽma mexü̃gü i Chaunatüarü poramaxã chaxüxü̃. Erü ngẽmawa tá nüxü̃ pecua̱x nax Chaunatü rü chowa nangẽxmaxü̃ rü choma i nawa changexmaxü̃ —ñanagürü.

Ore i mexü̃ ga Cuáü̃ ümatüxü̃ 14:10

¿Tama ẽ̱xna cuyaxõ nax choma rü Chaunatümaxã rü wüxitama tixĩgüxü̃? Rü guxü̃ma i ngẽma pemaxã nüxü̃ chixuxü̃ rü tama chauechama nüxü̃ chixu. Erü yimá Chaunatü ya wüxiwa chomaxã ngẽxmacü, rü yimá nixĩ ya chowa naxücü i guxü̃ma i noxrütama puracü.