Ore i mexü̃ ga Cuáü̃ ümatüxü̃ 3:19 - Tupanaarü Ore

¹⁹ Rü yíxema tama nüxü̃́ yaxõgüxe, rü Tupana rü marü poxcu tümamaxã naxuegu, yerü yexguma ñoma ga naanewa nanguxgu ga Nane ya duü̃xü̃güarü nangóonexẽẽruxü̃, rü tama nüxü̃́ tayaxõgüchaxü̃. Natürü yexera tümaarü me nixĩ nax ẽanexü̃wa tayexmagüxü̃ rü chixexü̃ taxügüxü̃.

Ore i mexü̃ ga Cuáü̃ ümatüxü̃ 3:19 Referans Kwoze

Ore i mexü̃ ga Cuáü̃ ümatüxü̃ 8:12

Rü wenaxarü duü̃xü̃gümaxã nidexa ga Ngechuchu, rü ñanagürü nüxü̃: —Choma nixĩ i ñoma i naanexarü nangóonexẽẽruxü̃. Rü yíxema chowe rüxũxẽ rü taxũtáma ẽanexü̃wa tangexma rü tá tüxü̃́ nangẽxma i ngóonexü̃ i maxü̃ tüxna ãxü̃ —ñanagürü.

2 Tesalonicenses 2:12

Rü ngẽmaca̱x düxwa Tupana tá poxcu namaxã naxuegu i guxü̃ma i ngẽma duü̃xü̃gü i tama yaxõgüchaü̃xü̃ i ngẽma ore i aixcüma ixĩxü̃ rü ñu̱xũchi namaxã taãẽgüxü̃ i ngẽma chixexü̃ nax naxügüxü̃.

Romanos 2:8

Natürü Tupana tá tümamaxã nanu rü tá tüxü̃ napoxcu ya yíxema tama naga ĩnüechaü̃xü̃ i ore i aixcüma ixĩxü̃ rü naxca̱x daugüxe nax chixexü̃ taxügüxü̃.

Ore i mexü̃ ga Cuáü̃ ümatüxü̃ 12:43

Rü yemaacü tama nügü nixugüchaü̃, yerü norü me nixĩ nax duü̃xü̃gü namaxã taãẽgüxü̃ rü tama aixcüma naxca̱x nadaugü nax Tupana namaxã taãẽxü̃.

Romanos 1:32

Rü nümagü i ngẽma duü̃xü̃gü rü meama nüxü̃ nacua̱xgüchire̱x rü Tupana rü marü namaxã nanaxuegu nax noxtacüma nayuexü̃ i ngẽma duü̃xü̃gü i ngẽmaãcü maxẽxü̃. Natürü woo meama nüxü̃ nacua̱xgüchire̱x i guxü̃ma i ngẽma, natürü nanaxügüama i ngẽma chixexü̃, rü nataãẽgü ega togü naxü̱xgu.

Ore i mexü̃ ga Cuáü̃ ümatüxü̃ 5:44

¿Rü ñuxãcü chi choxü̃́ peyaxõgü ega naxca̱x pedaugügu nax duü̃xü̃gü pemaxã taãxẽxü̃ rü tama naxca̱x pedaugügu nax Tupana ya nügümaxã wüxicacü pemaxã taãxẽxü̃?

Norü taxre ga popera ga Pedru ümatüxü̃ 3:3

Natürü guxü̃arü yexera chanaxwa̱xe i nagu perüxĩnüe i ñaa ore i pemaxã tá nüxü̃ chixuxü̃. Rü ngẽxguma nagúxchaü̃gu i ñoma i naane, rü tá ínangugü i duü̃xü̃gü i nagu ĩxü̃ i naxü̃nearü ngúchaü̃gü. Rü nümagü rü tá nacugüeãcüma ñanagürügü: “Dücax, Cristu inaxuneta nax wena núma naxũxü̃. ¿Rü ta̱xacü namaxã nangupetü i ñu̱xma nax tama ínanguxü̃? Rü marü düxwa nayue ga tanatügü, natürü noxri naane üxgumama rü nanaxairügumaraü̃echa i guxü̃ma”, ñanagürügü tá.

Ore i mexü̃ ga Cuáü̃ ümatüxü̃ 1:4

Rü Nane nixĩ i namaxẽxẽẽãxü̃ i guxü̃ma i ñu̱xma maxẽxü̃. Rü ngẽma norü maxü̃ rü omü i duü̃xü̃güca̱x nangóonexẽẽxü̃ nixĩ.

Ore i mexü̃ ga Luca ümatüxü̃ 12:47

Rü ngẽma coriarü duü̃xü̃ i nüxü̃ cua̱xchiréxü̃ nax ta̱xacü nanaxwa̱xexü̃ i norü cori, natürü tama yanguxẽẽxü̃ rü tama norü coriga ĩnüxü̃, rü tá poraãcü nanacua̱xi.

Nüxíraxü̃xü̃ ga popera ga Pedru ümatüxü̃ 2:8

Rü Tupanaarü ore rü ñanagürü ta: “Ngẽma tama yaxõgüxü̃ rü yimá nutagu tá nayarüpucutügü”, ñanagürü. Rü ngẽmaãcü i ngẽma tama yaxõgüxü̃ rü tá napoxcue, erü tama nanayauxgü i ngẽma ore ya Ngechuchu ya Cristuchiga ixĩxü̃.

Ore i mexü̃ ga Cuáü̃ ümatüxü̃ 7:7

Ngẽma duü̃xü̃gü i ñoma i naanecüã̱x rü tama pexchi naxaie. Natürü chauxchi naxaie erü chanango̱xẽxẽ nax nachixexü̃ i ngẽma naxügüxü̃.

Ore i mexü̃ ga Cuáü̃ ümatüxü̃ 7:17

Ngẽxguma texé naxüxchaü̃gu i Tupanaarü ngúchaü̃ rü tá nüxü̃ tacua̱x rü aixcüma Tupanaxü̃tawa chanayaxu i ngẽma chorü ngu̱xẽẽtae rü ẽ̱xna chaugüxü̃tawatama chanayaxu i ngẽma.

Ore i mexü̃ ga Luca ümatüxü̃ 16:14

Natürü ga yema Parichéugü rü poraãcü norü diẽruguama narüxĩnüe. Rü yemaca̱x Ngechuchuxü̃ nacugüe ga yexguma nüxü̃ naxĩnüegu ga guxü̃ma ga yema ore.

Yeremía 9:6

Rü Cori ya Tupana rü ñanagürü —Cumax, Pa Yeremíax, rü duü̃xü̃gü i womüxẽẽgüwa̱xexü̃tanüwa cungexma. Rü ngẽma doragu nax namaxẽxü̃gagu tama choxü̃ nacua̱xgüchaü̃.

Ore i mexü̃ ga Cuáü̃ ümatüxü̃ 1:5

Rü ngẽma omü rü ẽanexü̃wa inabaxi rü ngẽma ẽanexü̃ rü taxuacüma nayaxoxẽxẽ.

Ore i mexü̃ ga Cuáü̃ ümatüxü̃ 9:5

Rü ñu̱xma nax ñoma i naanewa changexmaxü̃ rü ñoma i naanearü nangóonexẽẽruxü̃ chixĩ —ñanagürü.

Ore i mexü̃ ga Cuáü̃ ümatüxü̃ 12:31

Rü ñu̱xma tá nixĩ i napoxcuexü̃ i duü̃xü̃gü naxca̱x i norü pecadugü. Rü ñu̱xma tá nixĩ i ínata̱xüchixü̃ i ngẽma ñoma i naanewa poraxü̃ i Chataná.

Ore i mexü̃ ga Cuáü̃ ümatüxü̃ 12:46

Choma nax nangóonexẽẽruxü̃ chixĩxü̃, rü ñoma i naanewa chaxũ nax guxãma ya texé ya choxü̃́ yaxõgüxe rü tama ẽanexü̃wa tangexmagüxü̃ca̱x.

Lebítanüxü̃arü puracüchiga 11:16

rü abetrú, rü murutucu, rü toxõ rü naguxü̃raü̃xü̃ i ĩyügü i íxraxü̃,

Lebítanüxü̃arü puracüchiga 13:10

Rü nüma i chacherdóte rü tá nanangugü i ngẽma nax nachaxü̃ i tümacha̱xmüxü̃. Rü ngẽxguma nacómügu i ngẽma rüchaxü̃ rü yacómüãchigu ya yima tümata̱xagü i ngẽma ítarüchaxü̃wa rü ngẽxguma ngẽma rüchaxü̃wa nüxü̃ da̱u̱xgu i tümamachi i maxü̃, rü ngẽmawa nüxü̃ tacua̱x nax aixcüma chaxü̃ne yixĩxü̃ i ngẽma da̱xawe. Rü nüma i chacherdóte rü tá tümamaxã nanaxuegu nax Tupanape̱xewa taxãũãchixü̃. Rü taxũtáma tüxü̃ narüwaxtaü̃gü erü Tupanape̱xewa taxãũãchi.

Chacaría 14:19

Rü ngẽmaãcü tá nixĩ nax napoxcuxü̃ i Equítuanecüã̱xgü i duü̃xü̃gü rü ngẽma to i nachixü̃anecüã̱xgü i duü̃xü̃gü i tama düxenügüchigaarü petawa ĩxü̃.