Ore i mexü̃ ga Cuáü̃ ümatüxü̃ 21:22 - Tupanaarü Ore

²² Rü Ngechuchu nanangãxü̃, rü ñanagürü nüxü̃: —Ngẽxguma choma chanaxwa̱xegu nax namaxü̃xü̃ ñu̱xmatáta wena núma chaxũ, ¿rü tü̱xcüü̃ i nagu curüxĩnüxü̃ i ngẽma? Rü cuma ¡rü chowe rüxũ! —ñanagürü.

Ore i mexü̃ ga Cuáü̃ ümatüxü̃ 21:22 Referans Kwoze

Ore i mexü̃ ga Márcu ümatüxü̃ 9:1

Rü yexgumarüxü̃ ta ga Ngechuchu rü ñanagürü nüxü̃: —Aixcüma pemaxã nüxü̃ chixu rü ñuxre i duü̃xü̃gü i nua ngẽxmagüxü̃ rü taxũtáma nayue ñu̱xmatáta nüxü̃ nadaugü nax norü poramaxã núma nanguxü̃ ya Tupana ya guxü̃arü ãẽ̱xgacü ixĩcü —ñanagürü.

1 Corintios 4:5

Rü ngẽmaca̱x tama name nax yaxtacüma texéxü̃ pengugüarü maxü̃ã́xü̃. Natürü name nixĩ i ípenangu̱xẽxẽ nax núma naxũxü̃ ya tórü Cori. Rü nüma tá nixĩ i nango̱xẽẽãxü̃ i guxü̃ma i ngẽma ñu̱xma icúxü̃ rü guxü̃ma i ngẽma duü̃xü̃gü naãẽwa nagu rüxĩnüexü̃. Rü ngẽxguma tá nixĩ ya Tupana i tüxü̃ yacua̱xüxü̃ ya wüxichigü ya yíxema aixcüma mexü̃ ügüxe.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:11

Rü paxa tá chataegu. Rü chanaxwa̱xe i ñu̱xma mea cumaxü̃xü̃rüxü̃ mea cumaxecha nax taxúema cuxna nanapuxü̃ca̱x i ngẽma curü ãmare.

Popera ga Chantiágu ümatüxü̃ 5:7

Rü ñu̱xma Pa Chauenexẽgüx, rü name nixĩ i mea ípenangu̱xẽxẽ ñu̱xmatata ínangu ya tórü Cori. Rü yíxema naanewa puracüxe rü mea ítanangu̱xẽxẽ ya pucü nax naxügüxü̃ca̱x i tümanetü. Rü ñu̱xũchi ítanangu̱xẽxẽ nax nayaxü̃ i tümanetüarü o, rü ngẽxguma rü tá tayabuxgü.

1 Corintios 11:26

Rü guxü̃guma i ngẽxguma penangõ̱xgu i ñaa paũ rü peyaxaxgügu ya daa bínu rü ngẽmawa tá duü̃xü̃güxü̃ nüxü̃ pecua̱xẽxẽ nax tórü pecaduca̱x nayuxü̃ ga tórü Cori. Rü ngẽmaãcü tá penaxü ñu̱xmatáta wena nataegu i nümax.

Ore i mexü̃ ga Cuáü̃ ümatüxü̃ 21:19

Rü Ngechuchu rü yema ñanagürü nax nüxü̃ nüxü̃ nacua̱xẽẽxü̃ca̱x nax ñuxãcü tá nayuxü̃ ga Pedru nax yemaacü Tupanaxü̃ nataxẽẽxü̃ca̱x. Rü yemawena ga Ngechuchu rü ñanagürü nüxü̃: —¡Chowe rüxũ! —ñanagürü.

Ore i mexü̃ ga Matéu ümatüxü̃ 24:44

Rü ngẽmaca̱x name nixĩ i pexuãẽgü i pemax. Erü ngẽma ngunexü̃ i tama nagu íperüxĩnüexü̃gu tá nixĩ i ngürüãchi ínanguxü̃ ya Tupana Nane ya duü̃xü̃xü̃ ixĩcü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:20

Rü yimá nüxü̃ ixucü i ñaa ore, rü ñanagürü: “Ngẽmáacüx, paxa tá íchangu”, ñanagürü. Rü ngẽmaãcü yixĩ. ¡Nua naxũ Pa Cori ya Ngechuchu!

Yema Cuáü̃ nüxü̃ dauxü̃ i yixcüra tá ngupetüxü̃chiga 22:7

Rü nüma rü ñanagürü: “Paxa tá íchangu. Rü tataãxẽ ya yíxema naga ĩnüxe i ngẽma ore i ñaa poperagu ümatüxü̃ nachiga i ngẽma tá ínguxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:7

¡Rü dücax, marü ningaica nax caixanexü̃gu ínanguxü̃ ya Cristu! Rü guxü̃táma i duü̃xü̃gü nüxü̃ nadau, rü woo ga yema nacanapacütüxü̃güxü̃ rü tá ta nüxü̃ nadaugü. Rü guxü̃ i duü̃xü̃gü i guxü̃ i nachixü̃anecüã̱x rü norü ngechaü̃maxã tá naxauxe i ngẽxguma ínanguxgu i nümax. Rü ngẽmaãcü tá nixĩ.

Ore i mexü̃ ga Matéu ümatüxü̃ 25:31

Rü ñanagürü ga Ngechuchu: —Ngẽxguma wenaxarü núma naxũxgu ya Tupana Nane ya duü̃xü̃xü̃ ixĩcü, rü norü tochica i mexẽchixü̃wa tá narüto. Rü norü orearü ngeruü̃gü i daxũcüã̱x rü tá nanaxümücügü.

Ore i mexü̃ ga Matéu ümatüxü̃ 24:27

Erü ñoma wüxi i ba̱i̱xbeanexü̃ i éstewaama rü ñu̱xmata oéstewaama nguxü̃rüxü̃ tá nixĩ i ngẽxguma wenaxarü núma naxũxgu ya Tupana Nane ya duü̃xü̃xü̃ ixĩcü.

Ore i mexü̃ ga Matéu ümatüxü̃ 24:3

Rü ñu̱xũchi Oribunecüarü Ma̱xpǘnewa naxĩ. Rü yexguma guma ma̱xpǘnewa nato̱xgu ga Ngechuchu rü norü ngúexü̃gü naxü̃tawa naxĩ nax nüxicatama nüxna nacagüexü̃ca̱x. Rü ñanagürügü: —Tanaxwa̱xe i tomaxã nüxü̃ quixu nax ñuxgu tá nangupetüxü̃ i ngẽma nüxü̃ quixuxü̃. ¿Rü ta̱xacü tá nixĩ i norü cua̱xruxü̃ i nawa nüxü̃ tacuáxü̃ nax wena núma cuxũxü̃ rü nagúxü̃ i naane? —ñanagürügü.

Ore i mexü̃ ga Matéu ümatüxü̃ 8:22

Rü Ngechuchu nanangãxü̃, rü ñanagürü nüxü̃: —¡Noxtacüma chowe rüxũ! Rü nüe i ngẽma cutanüxü̃ i tama yaxõgüxü̃ iyata̱xgü i ngẽma yuexü̃ —ñanagürü.

Ore i mexü̃ ga Matéu ümatüxü̃ 16:24

Rü yexguma ga Ngechuchu rü norü ngúexü̃güxü̃ ñanagürü: —Rü ngẽxguma texé chowe rüxũxchaü̃gu, ¡ẽcü nüxü̃ tarüxo i tümaarü ngúchaü̃, rü namaxã tapora i ngẽma guxchaxü̃gü i tümaca̱x ínguxü̃, rü ngẽmaétüwa chowe tarüxũ!

Ore i mexü̃ ga Cuáü̃ ümatüxü̃ 21:21

Rü yexguma Pedru yema ngúexü̃xü̃ da̱u̱xgu rü Ngechuchuna naca, rü ñanagürü: —Pa Corix, ¿ñaa curü ngúexü̃ rü ta̱xacü tá nüxü̃ üpetüxü̃? —ñanagürü.

1 Tesalonicenses 2:19

Natürü ngẽxguma wenaxarü núma naxũxgu ya tórü Cori ya Ngechuchu ya Cristu rü ¿texémaxã tá nixĩ i nape̱xewa togü ticua̱xüü̃güxü̃ rü tataãxẽgüxü̃? Rü aixcüma pewa tá nixĩ i ítanangu̱xẽẽxü̃ nax tomaxã nataãẽxü̃ i ngẽxguma wenaxarü núma naxũxgu.

Popera ga Chantiágu ümatüxü̃ 5:8

Rü pema rü ngẽxgumarüxü̃ ta rü penaxwa̱xe nax mea ípenangu̱xẽẽxü̃ nax ínanguxü̃ ya tórü Cori. ¡Rü taxṹ i nüxü̃ perüchauexü̃ nax ípenangu̱xẽẽxü̃! Erü marü ningaica nax ínanguxü̃ ya tórü Cori.