Ore i mexü̃ ga Cuáü̃ ümatüxü̃ 21:19 - Tupanaarü Ore

¹⁹ Rü Ngechuchu rü yema ñanagürü nax nüxü̃ nüxü̃ nacua̱xẽẽxü̃ca̱x nax ñuxãcü tá nayuxü̃ ga Pedru nax yemaacü Tupanaxü̃ nataxẽẽxü̃ca̱x. Rü yemawena ga Ngechuchu rü ñanagürü nüxü̃: —¡Chowe rüxũ! —ñanagürü.

Ore i mexü̃ ga Cuáü̃ ümatüxü̃ 21:19 Referans Kwoze

Norü taxre ga popera ga Pedru ümatüxü̃ 1:14

Rü pemaxã nüxü̃ chixu i ngẽma, erü tórü Cori ya Ngechuchu ya Cristu choxü̃ nüxü̃ nacua̱xẽxẽ nax paxa tá chayuxü̃.

Ore i mexü̃ ga Cuáü̃ ümatüxü̃ 21:22

Rü Ngechuchu nanangãxü̃, rü ñanagürü nüxü̃: —Ngẽxguma choma chanaxwa̱xegu nax namaxü̃xü̃ ñu̱xmatáta wena núma chaxũ, ¿rü tü̱xcüü̃ i nagu curüxĩnüxü̃ i ngẽma? Rü cuma ¡rü chowe rüxũ! —ñanagürü.

Ore i mexü̃ ga Matéu ümatüxü̃ 10:38

Rü yíxema tama yáxna namaxã ĩnüxe i ngẽma guxchaxü̃gü i chaugagu tümaca̱x ínguxü̃ rü tama chowe rüxũxe, rü taxucürüwama chorü duü̃xü̃ tixĩ.

Filipenses 1:20

Rü ngẽma poraãcü chanaxwa̱xexü̃ nixĩ nax taguma ta̱xacürü chixexü̃ chaxüxü̃ nax taxuca̱xma chaugüca̱x chaxãnexü̃ca̱x. Rü chanaxwa̱xe i guxü̃guma íchamemare nax guxãpe̱xewa tama chamuü̃ãcüma Cristuchigaxü̃ chixuxü̃. Rü ñu̱xma nax chamaxü̃xü̃ rü woo chayu̱xgu rü chanaxwa̱xe i guxü̃guma aixrügumarüü̃tama chaugagu Cristuxü̃ nicua̱xüü̃gü i duü̃xü̃gü.

Ore i mexü̃ ga Cuáü̃ ümatüxü̃ 12:33

Rü yema orewa duü̃xü̃güxü̃ nüxü̃ nacua̱xẽxẽ ga ñuxãcü tá nax nayuxü̃.

1 Chamué 12:20

Rü nüma ga Chamué rü nanangãxü̃ rü ñanagürü: —¡Taxuca̱xma pemuü̃e! Rü aixcüma nixĩ ga chixexü̃ pexüxü̃. Natürü i ñu̱xma rü ¡pexuãxẽ nax tama Cori ya Tupanana pexĩgachixü̃ca̱x, rü aixcüma nüxü̃ pengechaü̃güxü̃ca̱x rü nüxü̃ picua̱xüü̃güxü̃ca̱x!

Ore i mexü̃ ga Cuáü̃ ümatüxü̃ 18:32

Rü yemaacü ningu ga yema ore ga Ngechuchu ü̃paacü nüxü̃ ixuxü̃ nax ñuxãcü tá nayuxü̃.

Ore i mexü̃ ga Cuáü̃ ümatüxü̃ 12:26

Rü ngẽxguma texé choxü̃́ puracüchaü̃gu rü name nixĩ i chowe tarüxũ. Rü ngẽma choma tá íchangexmaxü̃wa rü ngéma rü tá ta tangexma i tümax. Rü ngẽxguma texé choxü̃́ puracügu rü Chaunatü ya Tupana rü tá tümamaxã nataãxẽ —ñanagürü.

Ore i mexü̃ ga Matéu ümatüxü̃ 19:28

Rü Ngechuchu nanangãxü̃ rü ñanagürü nüxü̃: —Aixcüma pemaxã nüxü̃ chixu rü ngẽma ngunexü̃ ya Tupana nagu nangexwaca̱xü̃xẽẽxü̃ i guxü̃ma, rü Tupana Nane ya duü̃xü̃xü̃ ixĩcü rü norü tochica i mexẽchixü̃wa tá narüto. Rü pema i 12 i chorü ngúexü̃gü nax chowe perüxĩxü̃, rü pema rü tá ta pexü̃́ nangẽxma i perü tochicaxü̃ i chauxü̃tawa. Rü ngéma tá perütogü nax namaxã ipecuáxü̃ca̱x i ngẽma 12 i Iraétücumügü.

Iraétanüxü̃arü muxchiga 14:24

Rü yimá chorü duü̃ ya Caréxicatama nixĩ ya mexü̃gu rüxĩnücü rü aixcüma chauga ĩnücü. Rü ngẽmaca̱x yimáxü̃xicatatama nixĩ i ngẽxma chaxücuxẽẽxü̃ nawa i ngẽma naane ga yangugüxü̃. Rü ngẽma nataagü rü ngẽxma tá naxãchiü̃gü.

Ore i mexü̃ ga Matéu ümatüxü̃ 8:22

Rü Ngechuchu nanangãxü̃, rü ñanagürü nüxü̃: —¡Noxtacüma chowe rüxũ! Rü nüe i ngẽma cutanüxü̃ i tama yaxõgüxü̃ iyata̱xgü i ngẽma yuexü̃ —ñanagürü.

Ore i mexü̃ ga Cuáü̃ ümatüxü̃ 21:18

Rü aixcüma cumaxã nüxü̃ chixu rü yexguma cungextü̱xügu rü cugü quicu̱xcuchi nax ngextá cuma ícunaxwa̱xexü̃wa cuxũxü̃ca̱x. Natürü ngẽxguma yaxguã̱x quixĩxgu rü tá quixuuchichacüxü nax toguxe cuxü̃ icu̱xcuchixü̃ca̱x. Rü ngẽma tama cuma ícunaxwa̱xexü̃wa tá cuxü̃ nagagü —ñanagürü.