Ore i mexü̃ ga Cuáü̃ ümatüxü̃ 20:9 - Tupanaarü Ore

⁹ Yerü yexguma rü ta rü tama nüxü̃ nacua̱xgü ga yema Tupanaarü ore nüxü̃ ixuxü̃ nax Ngechuchu rü wena tá namaxü̃xü̃.

Ore i mexü̃ ga Cuáü̃ ümatüxü̃ 20:9 Referans Kwoze

Wiyaegü 16:10

Erü cuma rü taxũtáma tauquewa choxü̃ cuta̱x. Rü taxũtáma wüxi i ãxmaxü̃gu nüxü̃ curüngü̃ma ya yima cumücü ixĩcü.

Ichaía 25:8

Rü nüma ya Cori ya Tupana rü noxtacüma tá inayanaxoxẽxẽ i ngẽma yu, rü tá guxẽxü̃tama ínapixetü. Rü ñu̱xũchi guxü̃ i naanewa tá inayaxoxẽxẽ i ngẽma ãne i ñu̱xma norü duü̃xü̃gü ingegüxü̃. Rü nüma ya Cori ya Tupana nixĩ i ngẽma ñacü.

Ichaía 26:19

Natürü curü duü̃xü̃gü tixĩgü rü woo tanoxree̱xpü̱x i ñu̱xmax, natürü wena tá timu. Rü woo togü tomaxã inacua̱x i ñaa naanewa, natürü wüxi i ngunexü̃ tá nüxna ítanguxü̃ rü taãẽmaxã tá tawiyaegü. Rü cuma rü tá toxü̃ quimuxẽxẽ rü maxü̃ tá toxna cuxã ñoma cherena rü pa̱xmama tonetüna maxü̃ ãxü̃rüxü̃.

1 Corintios 15:4

Rü yexgumarüxü̃ ta pexü̃ changúexẽxẽ nax inata̱xgüãxü̃, rü norü tomaepü̱x ga ngunexü̃gu rü wena nax namaxü̃xü̃, ngẽma Tupanaarü ore i ümatüxü̃wa nüxü̃ yaxuxü̃rüxü̃.

Ore i mexü̃ ga Luca ümatüxü̃ 24:26

¿Rü tama ẽ̱xna nüxü̃ pecua̱x ga yema ngúxü̃ tá nax yangexü̃ ga Cristu naxü̃pa nax daxũguxü̃ i naanewa naxũxü̃, nax ngéma ãẽ̱xgacü yixĩxü̃ca̱x? —ñanagürü.

Ore i mexü̃ ga Matéu ümatüxü̃ 22:29

Rü yexguma ga Ngechuchu rü nanangãxü̃, rü ñanagürü: —Pema rü ípetüe erü tama nüxü̃ pecua̱x i Tupanaarü ore i ümatüxü̃, rü tama nüxü̃ pecua̱x i ñuxãcü nax yixĩxü̃ i Tupanaarü pora.

Ochéa 13:14

¿Rü pema nagu perüxĩnüegu nax pexmaxü̃wa tá pexü̃ íchanguxü̃xẽxẽxü̃? ¿Rü pema nagu perüxĩnüegu nax yuwa tá pexü̃ íchanguxü̃xẽxẽxü̃? ¿Rü cumax, Pa Yux, rü ngexü̃ nixĩ i curü pora? ¿Rü cumax, Pa Naxmaxü̃x, rü ngexü̃ nixĩ i curü pora? Rü ñu̱xmax i choma rü marü taxũtáma choxü̃́ nangechaü̃tümüxü̃gü i ñaa duü̃xü̃gü.

Ore i mexü̃ ga Cuáü̃ ümatüxü̃ 2:22

Rü yemaca̱x ga norü ngúexü̃gü, rü yexguma Ngechuchu yuwa írüdaxgu, rü nüxna nacua̱xãchie ga yema ore ga Ngechuchu nüxü̃ ixuxü̃. Rü aixcüma nayaxõgü ga yema ore ga nüxü̃ yaxuxü̃ rü yema Tupanaarü ore ga nũxcümaü̃güxü̃ ga orearü uruü̃gü Ngechuchuchiga ümatügüxü̃.

Ore i mexü̃ ga Luca ümatüxü̃ 9:45

Natürü ga norü ngúexü̃gü rü tama nüxü̃ nacua̱xgüéga ga yema namaxã nüxü̃ yaxuxü̃ yerü Tupana rü tama naxca̱x nanango̱xẽxẽ ga yema ore nax mea nüxü̃ nacua̱xgüxü̃ca̱x. Rü naétü namuü̃e nax Ngechuchuna nacagüexü̃ nax mea namaxã nango̱xẽẽãxü̃ca̱x ga yema namaxã nüxü̃ yaxuxü̃.

Wiyaegü 22:15

Rü chaua̱x rü nipamare ñoma waixü̃mü i paxü̃rüxü̃. Rü yimá chorü conü rü chauxmanaxãwa nayaxũ̱x. Rü waixü̃müte̱xegu choxü̃ cuta̱x ñoma chayuxü̃rüxü̃.

Ngechuchuarü ngúexü̃gü ga yamugüxü̃arü puracüchiga 2:24

Rü woo nayuchire̱x natürü tama yexma nayacua̱x, yerü Tupana wena nanamaxẽxẽ. Rü yemaacü ga yema yu rü taxuacüma nüxü̃ narüporamae.

Ngechuchuarü ngúexü̃gü ga yamugüxü̃arü puracüchiga 17:3

Rü meama naxca̱x nanango̱xẽxẽ ga yema ore, rü namaxã nüxü̃ nixu nax ta̱xacüca̱x nayuxü̃ ga Cristu rü tü̱xcüü̃ wena nax namaxü̃xü̃. Rü ñanagürü: —Yimá Ngechuchu i pemaxã nüxü̃ chixuchigacü, rü yimá nixĩ i aixcüma Cristu ixĩcü —ñanagürü ga Pauru.