Ore i mexü̃ ga Cuáü̃ ümatüxü̃ 20:16 - Tupanaarü Ore

¹⁶ Rü yexguma ga Ngechuchu rü ñanagürü ngĩxü̃: —Pa Maríax —ñanagürü. Rü ngĩma rü naxca̱x idaueguãchi, rü Yudíugügawa ngĩgürügü nüxü̃: —Pa Rabúnix —ngĩgürügü. Rü ngẽma rü “Pa Ngúexẽẽruxü̃”, ñaxü̃chiga nixĩ.

Ore i mexü̃ ga Cuáü̃ ümatüxü̃ 20:16 Referans Kwoze

Ore i mexü̃ ga Cuáü̃ ümatüxü̃ 10:3

Rü ngẽma yatü i carnérupǘxü̃arü ĩã̱xna dauxü̃ rü nayawãxna i ĩã̱x nax yaxücuxü̃ca̱x i carnérugüarü dauruxü̃. Rü nüma i carnérugü rü nüxü̃ nacua̱xgü i naga i ngẽma norü dauruxü̃. Rü ngẽma norü dauruxü̃ rü wüxichigü i norü carnéru rü naégamaxã naxca̱x naca nax ínamuxü̃ãxü̃ca̱x i naxpüü̃wa.

Ore i mexü̃ ga Cuáü̃ ümatüxü̃ 1:38

Rü nügü ínidau ga Ngechuchu, rü nüxü̃ nadau ga nawe nax naxĩxü̃ ga yema taxre. Rü nüxna naca rü ñanagürü nüxü̃: —¿Ta̱xacüca̱x pedau? —ñanagürü. Rü nümagü rü ñanarügügü: —Pa Ngúexẽẽruxü̃x, ¿ngexta nixĩ icupexü̃? —ñanagürügü.

Ngechuchuarü ngúexü̃gü ga yamugüxü̃arü puracüchiga 10:3

Rü wüxi ga ngunexü̃ ga yexguma tomaepü̱xarü orawa nanguxchaü̃gu ga yáuanecü, rü nango̱xetü. Rü meama nüxü̃ nadau ga wüxi ga Tupanaarü orearü ngeruxü̃ ga daxũcüã̱x ga yema ucapu ga nawa nayexmaxü̃gu ücuxü̃. Rü ñanagürü nüxü̃: —Pa Cornériux —ñanagürü.

Ngechuchuarü ngúexü̃gü ga yamugüxü̃arü puracüchiga 9:4

Rü ñaxtüanegu nayangu ga Chauru, rü nüxü̃ naxĩnü ga wüxi ga naga ga nüxna cagüxü̃ ga ñaxü̃: —Pa Chaurux, Pa Chaurux, ¿tü̱xcüü̃ chowe quingẽchigü? —ñaxü̃.

Ore i mexü̃ ga Cuáü̃ ümatüxü̃ 6:25

Rü yexguma guma naxtaxaarü tocutüwa nangugügu ga yema duü̃xü̃gü, rü Ngechuchuxü̃ yexma nayangaugü. Rü nüxna nacagüe, rü ñanagürügü: —Pa Ngúexẽxẽruxü̃, ¿ñuxgu nixĩ i nua cunguxü̃? —ñanagürügü.

Ichaía 43:1

Natürü i ñu̱xmax, Pa Iraétanüxü̃ i Acóbuarü Duü̃xü̃gü Ixĩgüxe, rü yimá Cori ya Tupana ya pexü̃ ngo̱xẽẽcü rü ñanagürü pexü̃: —¡Taxṹ i pemuü̃exü̃! Erü choma nixĩ i pexü̃ íchanguxü̃xẽẽxü̃. Rü choma nixĩ i peégamaxã pexna chacaxü̃ rü pema rü chorü duü̃xü̃gü pixĩgü.

Ore i mexü̃ ga Cuáü̃ ümatüxü̃ 20:28

Rü yexguma ga Tumáchi rü Ngechuchuxü̃ nangãxü̃, rü ñanagürü: —Pa Chorü Corix, cuma nixĩ i chorü Tupana quixĩxü̃ —ñanagürü.

Ore i mexü̃ ga Cuáü̃ ümatüxü̃ 13:13

Pema rü: “Pa Ngúexẽxẽruxü̃”, rü “Pa Corix”, ñaperügü choxü̃. Rü marü name i ngẽma ñaperügü, erü aixcüma ngẽma chixĩ.

Ore i mexü̃ ga Cuáü̃ ümatüxü̃ 11:28

Rü yema ñaxguwena rü Márta rü ngĩeya̱x ga Maríaca̱x iyaca. Rü bexma ngĩmaxã nüxü̃ iyarüxu, rü ngĩgürügü: —Marü nua nangu ya Ngúexẽẽruxü̃ ya Ngechuchu, rü choxü̃ cuxca̱x nayacaxẽxẽ —ngĩgürügü.

Ore i mexü̃ ga Cuáü̃ ümatüxü̃ 5:2

Rü guma ĩanearü poxeguxü̃arü ĩã̱x ga Carnéruarü Choxü̃chicagu ãégaxü̃arü ngaicamana nayexma ga wüxi ga puchu ga Yudíugügawa Bechatágu ãégacü. Rü gumá puchuanacüwa nayexma ga wüxime̱e̱xpü̱x ga norü ücuchicagü ga ãxpataü̃étügüxü̃.

Ore i mexü̃ ga Cuáü̃ ümatüxü̃ 3:2

Rü gumá Nicodému rü Ngechuchuxü̃tagu nanaxũane ga chütacü. Rü ñanagürü nüxü̃: —Pa Ngúexẽxẽruxü̃, toma nüxü̃ tacua̱x nax aixcüma Tupana núma cuxü̃ muxü̃ nax toxü̃ cungúexẽẽxü̃ca̱x. Erü taxucürüwa texé cuxrüxü̃ tanaxü i ngẽma taxü̃ i mexü̃gü i Tupanaarü poramaxã üxü̃, ega tama Tupana tümaxü̃tawa ngẽxmagu —ñanagürü.

Ore i mexü̃ ga Cuáü̃ ümatüxü̃ 1:49

Rü Natanaé nanangãxü̃ rü ñanagürü nüxü̃: —Pa Ngúexẽxẽruxü̃, cuma rü Tupana Nane quixĩ. Rü cuma nixĩ i guxü̃ma i Iraétanüxü̃arü Ãẽ̱xgacü quixĩxü̃ —ñanagürü.

Ore i mexü̃ ga Luca ümatüxü̃ 10:41

Natürü Ngechuchu rü ngĩxü̃ nangãxü̃, rü ñanagürü ngĩxü̃: —Pa Mártax, Pa Mártax, cuma rü poraãcü curü puracügu curüxĩnü, rü naxca̱x cuxoegaãxẽ.

Ore i mexü̃ ga Matéu ümatüxü̃ 14:27

Natürü ga Ngechuchu rü namaxã nidexa rü ñanagürü nüxü̃: —¡Peporae! rü choma chixĩ. ¡Rü taxṹ i pemuü̃exü̃! —ñanagürü.

Charumóü̃arü wiyae 5:2

Choma rü ngẽxguma chapexgu rü chaxãnegü. Rü chaunegüwa nüxü̃ chaxĩnü nax chaute choxna ca̱xaxü̃ rü ñaxü̃: —¡Cha̱u̱xca̱x yawãxna i ĩã̱x, Pa Cho̱xma̱x, Pa Choxü̃́ Ngúchaü̃xü̃chixcüx, Pa Chorü Muxtucuxacüx, nax chixücuxü̃ca̱x! Rü choma rü chiwaieru cherenamaxã. Rü yimá cherena ya chütacü rüngucü rü poraãcü choxü̃ niwaiyaexẽxẽ —ñanagürü choxü̃ ga chaunegüwa.

Charumóü̃arü wiyae 3:4

Rü yexgumatama purichíagüna chixũgachiguwena nüxü̃ ichayangau ya yimá ngextü̱xücü ya choxü̃́ ngúchaü̃xü̃chicüx. Rü naxme̱xgu chiyauxãchi, rü tama nüxü̃ chingeãcü chauépatawa chanaga.

1 Chamué 3:10

Rü yemawena rü yéma nangu ga nüma ga Cori ya Tupana. Rü yexma nachi rü wenaxarü Chamuéna naca yema noxri nüxna nacagurüü̃tama, rü ñanagürü: —Pa Chamuéx, Pa Chamuéx —ñanagürü. Rü nüma ga Chamué rü nanangãxü̃ rü ñanagürü: —¡Idexa! Rü cuxü̃ chaxĩnü nixĩ i choma nax curü puracütanüxü̃ chixĩxü̃ —ñanagürü.

1 Chamué 3:6

Natürü nüma ga Cori ya Tupana rü wenaxarü Chamuéna naca rü ñanagürü: —Pa Chamuéx —ñanagürü. Rü nüma ga Chamué rü ínarüwa̱x, rü Erí íyexmaxü̃wa naña rü ñanagürü: —Daxe chixĩ rü nua changexma. ¿Ta̱xacüca̱x cha̱u̱xca̱x cuca? —ñanagürü. Rü nüma ga Erí rü nanangãxü̃ga rü ñanagürü: —Taguma nixĩ i cuxca̱x chacaxü̃, Pa Chaunex. ¡Ẽcü nataegu rü yape! —ñanagürü.

Ínachoxü̃xü̃chiga 33:17

Rü yexguma ga Cori ya Tupana rü nanangãxü̃ rü ñanagürü: —Ngẽma ñu̱xma nüxü̃ quixuxü̃ rü tá chanaxü, erü cugu chayaxõ rü marü cumaxã chataãxẽ. Rü aixcüma nixĩ i ngẽma cumaxã nüxü̃ chixuxü̃ —ñanagürü ga Cori ya Tupana.

Ínachoxü̃xü̃chiga 3:4

Rü yexguma Cori ya Tupana nüxü̃ da̱u̱xgu ga yema chuchuxü̃eta ga iya̱u̱xraxü̃ca̱x nax yaxũxü̃ ga Moiché, rü nüma ga Cori ya Tupana rü yema chuchuxü̃etawa Moichéna naca, rü ñanagürü: —Pa Moichéx, Pa Moichéx —ñanagürü. Rü nüma ga Moiché rü nanangãxü̃, rü: —Daxe chixĩ —ñanagürü.

Naanearü ügüchiga 45:12

Rü chauenexẽ ya Bẽyamíü̃ rü guxãma i pema nixĩ i nüxü̃ pexĩnüexü̃ nax chomatama ngẽma ñachaxü̃ pexü̃.

Naanearü ügüchiga 22:1

Rü yemawena ga Tupana rü Abraáü̃arü õxü̃ naxü. Rü naégamaxã nüxna naca. Rü nüma ga Abraáü̃ nanangãxü̃ rü ñanagürü: —Daxe chixĩ, rü nua changexma —ñanagürü.

Ore i mexü̃ ga Márcu ümatüxü̃ 10:51

Rü Ngechuchu nüxna naca, rü ñanagürü nüxü̃: —¿Ta̱xacü nixĩ i cunaxwa̱xexü̃ nax cuxca̱x chaxüxü̃? —ñanagürü. Rü nüma ga gumá ngexetücü, rü nanangãxü̃, rü ñanagürü: —Pa Ngúexẽxẽruxü̃, chanaxwa̱xe nax chidauuchixü̃ —ñanagürü.