Ore i mexü̃ ga Cuáü̃ ümatüxü̃ 20:13 - Tupanaarü Ore

¹³ Rü yema daxũcüã̱x rü ngĩxna nacagüe, rü ñanagürügü: —Pa Ngecüx, ¿ta̱xacüca̱x cuxaxu? —ñanagürügü. Rü ngĩma rü inangãxü̃, rü ngĩgürügü: —Chaxaxu erü nayangegü i naxü̃ne ya Cori ya Ngechuchu, rü tama nüxü̃ chacua̱x nax ngexta naxügüãxü̃ —ngĩgürügü.

Ore i mexü̃ ga Cuáü̃ ümatüxü̃ 20:13 Referans Kwoze

Ore i mexü̃ ga Cuáü̃ ümatüxü̃ 20:15

Rü yexguma ga Ngechuchu rü ngĩxna naca, rü ñanagürü: —Pa Ngecüx, ¿ta̱xacüca̱x cuxaxu? ¿Rü texéca̱x nixĩ i cudauxü̃? —ñanagürü. Rü ngĩma nüxü̃ nacua̱xgu rü yema nixĩ ga yema nanetünecüarü dauruxü̃. Rü yemaca̱x ngĩgürügü nüxü̃: —Pa Corix, ega cuma cuyange̱xgu i naxü̃ne ya Ngechuchu, rü ¡chomaxã nüxü̃ ixu nax ngexta cunaxüxü̃ nax choma íchayadauxü̃ca̱x! —ngĩgürügü.

Ore i mexü̃ ga Cuáü̃ ümatüxü̃ 2:4

Natürü Ngechuchu ngĩxü̃ nangãxü̃, rü ñanagürü: —Pa Mamax, ¿tü̱xcüü̃ chomaxã nüxü̃ quixu i ngẽma? Erü tauta nawa nangu nax chanaxüxü̃ca̱x i ta̱xacürü mexü̃ i Tupanaarü poramaxã chaxüxü̃ —ñanagürü.

1 Chamué 1:8

Rü nüma ga Ercaná rü naxma̱x ga Ánana naca rü ñanagürü ngĩxü̃: —¿Ta̱xacüca̱x cuxaxu? ¿Rü ta̱xacüca̱x cungechaü̃ rü tama cuchibü? ¿Tama ẽ̱xna i choma rü 10 ya cunearü yexera cuxü̃́ chamexü̃? —ñanagürü.

Ngechuchuarü ngúexü̃gü ga yamugüxü̃arü puracüchiga 21:13

Natürü nüma ga Pauru rü toxü̃ nangãxü̃ rü ñanagürü: —¿Tü̱xcüü̃ pexauxe rü choxü̃ pengechaü̃xẽxẽ? Choma rü íchamemare nax chinaíxü̃. Rü íchamemare ta nax Yerucharéü̃gu chayuxü̃ naxca̱x ya Cori ya Ngechuchu —ñanagürü.

Ore i mexü̃ ga Cuáü̃ ümatüxü̃ 20:2

Rü yexgumatama iñaãchi, rü Chimóü̃ ga Pedruxü̃tawa rü yema to ga ngúexü̃ ga Ngechuchu poraãcü nüxü̃ ngechaxü̃xü̃xü̃tawa iña. Rü ngĩgürügü nüxü̃: —Marü nanayauxgü ya Cori ya Ngechuchu i naxmaxü̃wa. Rü tama nüxü̃ tacua̱x nax ngextá nangegüãxü̃ rü naxügüãxü̃ —ngĩgürügü.

Ore i mexü̃ ga Cuáü̃ ümatüxü̃ 19:26

Rü yexguma Ngechuchu naéü̃ da̱u̱xgu nax ngĩxü̃tagu nachixü̃ ga yema norü ngúexü̃ ga poraãcü nüxü̃ nangechaxü̃xü̃, rü ñanagürü ngĩxü̃: —Pa Mamax, yimá nixĩ ya cune —ñanagürü.

Ore i mexü̃ ga Luca ümatüxü̃ 24:17

Rü yexguma ga Ngechuchu, rü yema taxre ga ngúexü̃güna naca, rü ñanagürü: —¿Ta̱xacüchiga nixĩ i pidexatanüxü̃ nax nuxã namagu pexĩxü̃? ¿Rü ta̱xacüca̱x nixĩ i pengechaü̃güxü̃? —ñanagürü.

Ngu̱xẽẽtaeruü̃arü ore 3:4

Rü nangẽxma i ngunexü̃ i nagu ixaxuxü̃, rü ngunexü̃ i nagu icugüexü̃. Rü nangẽxma i ngunexü̃ i nagu iyutanüxü̃, rü ngunexü̃ i nagu ipetaexü̃.

Yeremía 31:16

Natürü nüma ya Cori ya Tupana rü ñanagürü: “¡Pa Raquétanüxü̃ rü taxṹ i pexauxexü̃! ¡Rü marütama nax ípenaxũxü̃xẽẽxü̃ i pegüxü̃xetü! Erü perü ngechaü̃ rü tá naxãtanü. Rü pexacügü rü penegü rü tá nüxna nawoegu i perü uanügüarü nachixü̃ane. Rü choma ya Cori ya Tupana nixĩ i nüxü̃ chixuxü̃ i ngẽma.