Ore i mexü̃ ga Cuáü̃ ümatüxü̃ 20:12 - Tupanaarü Ore

¹² Rü nüxü̃ idau ga taxre ga daxũcüã̱x ga Tupanaarü orearü ngeruü̃gü ga icómüchiruxü̃. Rü Ngechuchuxü̃ne ixǘchiréxü̃wa narütogü, rü wüxi ga naeru ixüxü̃waama rü to ga nacütawaama.

Ore i mexü̃ ga Cuáü̃ ümatüxü̃ 20:12 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 3:4

Natürü ngéma Chárdexwa cuxü̃́ nangẽxma i ñuxre i duü̃xü̃gü i mexü̃ i tama ñoma i naanearü chixexü̃maxã nügü ãũãchiarü maxü̃ã̱xgüxü̃. Rü nümagü rü tá cómüxü̃maxã nixãxchiru rü ngẽmaãcü tá chomaxã inaxĩ, erü nümagü rü duü̃xü̃gü i mexü̃ i cha̱u̱xca̱x maxẽxü̃ nixĩgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:14

Rü choma chanangãxü̃, rü ñacharügü: “Pa Corix, cuma nixĩ i nüxü̃ cucuáxü̃ nax texégü tixĩgüxü̃”, ñacharügü. Rü yexguma ga nüma rü ñanagürü: “Yíxemagü tixĩgü ga nawa ngupetütanüxe ga yema ngúxü̃ ga taxü̃ rü marü tügü iyauxgüchiruxe nawa ga nagü ya yimá Carnéruxacü. Rü ngẽmaca̱x nixĩ i ticómüchiruxü̃.

Ngechuchuarü ngúexü̃gü ga yamugüxü̃arü puracüchiga 1:10

Rü yexguma Ngechuchuxü̃ ínadaunüyane ga daxũwa nax naxũxü̃, rü ngürüãchi natanüwa nango̱x ga taxre ga yatü ga icómüchiruxü̃.

Ore i mexü̃ ga Matéu ümatüxü̃ 17:2

Rü yéma yema ngúexü̃güpe̱xewa rü toraxü̃ãcü nango̱x ga Ngechuchu. Rü üa̱xcürüxü̃ niyauracüxü ga nachiwe. Rü naxchiru rü nacómüxü̃chi, rü ñoma ngóonexü̃rüxü̃ nixĩ.

Danié 7:9

Rü chaunegüwa nüxü̃ chadawenü rü nüxü̃ chadau ga ñuxre ga tochicaxü̃ yexma nuxü̃ rü ñu̱xũchi nüma ya Ãẽ̱xgacü ya Tupana nawa nayarüto. Yema naxchiru rü ñoma gáuxü̃te̱xe i cómüxü̃chixü̃rüxü̃ nixĩ. Rü yema nayae rü nachoxochi ñoma carnérua̱xmü i cho̱xochixü̃rüxü̃. Rü yema toruxü̃ rü nachicugü rü niyauratanücüxü. Rü wüxi ga üxüema ga taxü̃ ga iya̱u̱xraxü̃ nape̱xewa ínaxũxũ. Rü muxü̃ma nixĩ ga yema nüxü̃́ puracuexü̃. Rü muxũchixü̃ma nixĩ ga yema nape̱xegu chigüxü̃. Rü yema poperagü rü nayange̱xgü.

Norü taxre ga to ga popera ga ãẽ̱xgacügüchiga ümatüxü̃ 5:12

Rü guxü̃ma ga yema Lebítanüxü̃ ga wiyaetanüxü̃ ga Achá rü Emáü̃ rü Yedutúü̃ rü nanegümaxã rü togü ga natanüxü̃maxã ãmarearü guruü̃arü ésteguama nachigü. Rü naxchiru ga línuchinaxca̱xgu nicu̱xgü. Rü nüxü̃́ nayexma ga norü platíyugü rü árpaxacügü rü árpagü. Rü namaxã nayexmagü ga 120 ga chacherdótegü ga cornétagu icuegüxü̃.