Ore i mexü̃ ga Cuáü̃ ümatüxü̃ 19:9 - Tupanaarü Ore

⁹ Rü wena Ngechuchumaxã napatagu naxücu. Rü yéma Ngechuchuna nayaca, rü ñanagürü: —¿Nge̱xtácüã̱x quixĩ i cumax? —ñanagürü. Natürü ga Ngechuchu rü tama nanangãxü̃.

Ore i mexü̃ ga Cuáü̃ ümatüxü̃ 19:9 Referans Kwoze

Ore i mexü̃ ga Cuáü̃ ümatüxü̃ 18:33

Rü Pirátu rü wenaxarü napatagu naxücu, rü Ngechuchuca̱x nangema. Rü nüxna naca, rü ñanagürü: —¿Cuma yixĩxü̃ i Yudíugüarü Ãẽ̱xgacü quixĩxü̃? —ñanagürü.

Filipenses 1:28

¡Rü taxũtáma perü uanügüxü̃ pemuü̃e nax nüxü̃ pixuxü̃ i ngẽma ore! Rü ngẽma nax tama nüxü̃ pemuü̃exü̃ rü ngẽma rü wüxi i cua̱xruxü̃ tá nixĩ nüxü̃́ i perü uanügü. Rü ngẽmawa tá nüxü̃ nacua̱xgü nax yuwa tá naxĩxü̃ i nümagü natürü i pema rü tá maxü̃wa nax pexĩxü̃. Rü Tupana tá nixĩ ya pexü̃ rüngü̃xẽxẽcü nax tama nüxü̃ pemuü̃exü̃ca̱x i ngẽma perü uanügü.

Ore i mexü̃ ga Cuáü̃ ümatüxü̃ 8:14

Rü Ngechuchu nanangãxü̃ rü ñanagürü nüxü̃: —Rü ngẽma ore i chauchiga nüxü̃ chixuxü̃ rü aixcüma nixĩ woo chomatama yixĩxgu i namaxã chaugüétüwa chidexaxü̃. Erü choma rü nüxü̃ chacua̱x i ngextá ne chaxũxü̃, rü ngextá tá chaxũxü̃. Natürü i pema rü tama nüxü̃ pecua̱x nax ngextá ne chaxũxü̃ rü tama nüxü̃ pecua̱x nax ngextá tá chaxũxü̃.

Ore i mexü̃ ga Matéu ümatüxü̃ 26:63

Natürü ga Ngechuchu rü nangea̱xmare. Rü yemaca̱x ga chacherdótegüarü ãẽ̱xgacü ga Caipá rü ñanagürü nüxü̃: —Tupana ya Maxü̃cüégagu cuxü̃ chamu nax aixcüma tomaxã nüxü̃ quixuxü̃ nax texé quixĩxü̃. ¿Rü cuma ẽ̱xna i Cristu ya Tupana Nane quixĩxü̃? —ñanagürü.

Ichaía 53:7

Rü nanacua̱i̱xgü, natürü nüma rü nügü inaxã rü tama nügüétüwa nidexa. Rü ñoma carnéru i ma̱xwa nagagüxü̃rüxü̃ namaxã nixĩgü. Natürü nüma rü nachianemare. Rü ñoma wüxi i carnéru i yoü̃ta̱xawa nagagüxü̃rüxü̃ nixĩ.

Ãẽ̱xgacügü ga guxchaxü̃güarü mexẽxẽruü̃gü 13:6

Rü ngĩma ga yema nge rü ngĩtemaxã nüxü̃ iyarüxu rü ngĩgürügü: —Wüxi i Tupanaarü orearü ngeruxü̃ cha̱u̱xca̱x nango̱x. Choma nagu charüxĩnügu rü Tupanaarü orearü ngeruxü̃ i daxũcüã̱x nixĩ erü nanaTupanaarü orearü ngeruü̃raxü̃xü̃chi. Rü tama nüxna chaca nax ngextá ne naxũxü̃, rü woo i nüma rü tama chomaxã nüxü̃ nixu i ta̱xacü nax yixixü̃ i naéga.

Ore i mexü̃ ga Cuáü̃ ümatüxü̃ 18:37

Rü yexguma ga Pirátu rü ñanagürü nüxü̃: —¿Ẽ̱xna wüxi i nachixü̃anearü ãẽ̱xgacü quixĩ i cumax? —ñanagürü. Rü Ngechuchu nanangãxü̃ rü ñanagürü: —Cumatama marü nüxü̃ quixu nax ãẽ̱xgacü chixĩxü̃. Rü choma rü chabu rü ñoma ga naanewa chaxũ nax duü̃xü̃gümaxã nüxü̃ chayarüxuxü̃ca̱x i ore i aixcüma ixĩxü̃. Rü guxãma ya yíxema ya yaxõgüxe i ngẽma ore i aixcüma ixĩxü̃, rü choxü̃́ itarüxĩnüe —ñanagürü.

Ore i mexü̃ ga Matéu ümatüxü̃ 27:27

Rü ñu̱xũchi ga yema churaragü rü Pirátupataarü aixepewa Ngechuchuxü̃ nagagü. Rü yexma Ngechuchuxü̃tagu nanangutaque̱xexẽxẽ ga guxü̃ma ga churaragü.

Ore i mexü̃ ga Luca ümatüxü̃ 23:9

Rü muẽ̱xpü̱xcüna Ngechuchuna naca ga Eróde. Natürü Ngechuchu rü tama nanangãxü̃.

Ore i mexü̃ ga Cuáü̃ ümatüxü̃ 18:28

Rü yexguma Ngechuchumaxã nüxü̃ nachauegu ga nüxna nax nacagüxü̃, rü Caipápatawa ínanagaxüchigü rü Yudéaanearü ãẽ̱xgacü ga Rómacüã̱xpatawa nanagagü. Natürü marü ningóonechaü̃ ga yexguma rü yemaca̱x ga yema Yudíugü rü tama gumá ãẽ̱xgacüpatagu nachocu, yerü Yudíugüarü mugü nüxü̃ nixu rü pecadu nixĩ nax wüxi ga Rómacüã̱xpatagu nax nachocuxü̃ ga yema ngunexü̃gu. Rü yemaacü tama Tupanape̱xewa nügü nixüxaarü maxü̃ã̱xẽẽgüchaü̃, yerü yexguma nügü yaxüxaarü maxü̃ã̱xẽẽgügu, rü taxucürüwa nanangõ̱xgü ga õna ga Üpetüchigaarü petaca̱x namexẽẽxü̃.

Ore i mexü̃ ga Cuáü̃ ümatüxü̃ 18:34

Rü Ngechuchu ñanagürü nüxü̃: —¿Cuechamatama i nagu curüxĩnüxü̃ nax ngẽmaãcü choxna cucaxü̃, rüe̱xna togü marü cumaxã nüxü̃ nixu nax ngẽmaãcü choxna cucaxü̃ca̱x? —ñanagürü.

Ore i mexü̃ ga Cuáü̃ ümatüxü̃ 19:8

Rü yexguma yemaxü̃ naxĩnügu ga Pirátu, rü yexera namuü̃.

Ore i mexü̃ ga Cuáü̃ ümatüxü̃ 19:10

Rü yexguma ga Pirátu rü Ngechuchuxü̃ ñanagürü: —¿Ẽ̱xna taxũtáma choxü̃ cungãxü̃? ¿Taxṹ ẽ̱xna i nüxü̃ cucuáxü̃ nax cho̱xme̱xwa cungexmaxü̃ nax curuchawa cuxü̃ chipotaxü̃ rüe̱xna cuxü̃ nax íchanguxuchixẽẽxü̃? —ñanagürü.