Ore i mexü̃ ga Cuáü̃ ümatüxü̃ 19:6 - Tupanaarü Ore

⁶ Natürü yexguma Ngechuchuxü̃ nadaugügu ga chacherdótegüarü ãẽ̱xgacügü rü Tupanapata ga taxü̃nearü purichíagü, rü inanaxügüe ga aita nax naxüexü̃. Rü ñanagürügü: —¡Curuchawa yapota! ¡Curuchawa yapota! —ñanagürügü. Rü Pirátu rü ñanagürü nüxü̃: —¡Ẽcü, peyaga rü pematama curuchawa peyapota! Erü choma rü taxuxü̃ma i chixexü̃xü̃ nawa chadau —ñanagürü.

Ore i mexü̃ ga Cuáü̃ ümatüxü̃ 19:6 Referans Kwoze

Ore i mexü̃ ga Cuáü̃ ümatüxü̃ 18:31

Rü yexguma ga Pirátu rü ñanagürü nüxü̃: —¡Ẽcü perü ãẽ̱xgacügüxü̃tawa penaga, rü perü mugü pemaxã nüxü̃ ixuxü̃ãcüma penapoxcux! —ñanagürü. Natürü ga yema Yudíugü rü Pirátuxü̃ nangãxü̃gü, rü ñanagürügü: —Natürü pema i Rómacüã̱xgü rü marü toxna penachu̱xu nax texéxü̃ tima̱xgüxü̃ tümaarü chixexü̃ca̱x —ñanagürügü.

Ore i mexü̃ ga Cuáü̃ ümatüxü̃ 19:4

Rü Pirátu rü wenaxarü düxétüwa naxũ, rü Yudíugüxü̃ ñanagürü: —¡Dücax! Nua pepe̱xewa chanaga nax nüxü̃ pecuáxü̃ca̱x nax taxuxü̃ma i chixexü̃ nawa chadauxü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 7:52

Rü perü o̱xigü rü chixri namaxã inacua̱xgü ga guxü̃ma ga Tupanaarü orearü uruü̃gü. Rü nanadai ga yema orearü uruü̃gü ga nüxü̃ ixuchigagüxü̃ nax núma tá naxũxü̃ ga gumá mecü ya Ngechuchu. Rü yexguma ínanguxgu ga gumá Ngechuchu rü pema rü Pirátupe̱xewa ípenaxuaxü̃ rü peyama̱x.

Ngechuchuarü ngúexü̃gü ga yamugüxü̃arü puracüchiga 2:23

Rü Tupana pexna nanamu ga gumá Ngechuchu, yerü yema nixĩ ga nagu naxĩnüxü̃. Rü nüma ga Tupana rü woetama nüxü̃ nacua̱x nax pecaduca̱x tá nayuxü̃. Rü pema rü penamu ga yatügü ga tama yaxõgüxü̃ nax curuchawa yapotagüãxü̃ca̱x. Rü yemaacü peyama̱xgü.

Ore i mexü̃ ga Cuáü̃ ümatüxü̃ 19:15

Natürü ga nümagü rü aita naxüe, rü ñanagürügü: —Tanaxwa̱xe nax nayuxü̃. Rü ¡curuchawa yapota! —ñanagürügü. Rü Pirátu nüxna naca rü ñanagürü nüxü̃: —¿Ñuxãcü i choma rü ichanamu nax curuchawa yapotagüãxü̃ca̱x ya perü ãẽ̱xgacü? —ñanagürü. Natürü ga chacherdótegüarü ãẽ̱xgacügü rü Pirátuxü̃ nangãxü̃gü, rü ñanagürügü: —Yimá ãẽ̱xgacü ya Chécharu ya Rómawa ngẽxmacü rü yimá nixĩ ya torü ãẽ̱xgacü, rü nataxuma i to —ñanagürügü.

Ore i mexü̃ ga Luca ümatüxü̃ 23:4

Rü yexguma ga Pirátu rü ñanagürü nüxü̃ ga yema chacherdótegüarü ãẽ̱xgacügü rü togü ga duü̃xü̃gü: —Cha̱u̱xca̱x rü taxuxü̃ma i chixexü̃ naxü i ñaa yatü —ñanagürü.

Ore i mexü̃ ga Matéu ümatüxü̃ 27:24

Rü yexguma Pirátu nüxü̃ da̱u̱xgu ga marü taxucürüwama Ngechuchuxü̃ nax ínanguxuchixẽẽxü̃, yerü ga duü̃xü̃gü rü marü nanaxĩ̱xãchiãẽgüchaü̃, rü yemaca̱x wüxi ga norü duü̃xü̃xü̃ namu ga dexá naxü̃tawa nax tanangexü̃ca̱x. Rü nügü naya̱u̱xme̱x ga Pirátu nape̱xewa ga guxü̃ma ga yema duü̃xü̃gü. Rü ñanagürü: —Tama chaugagu tá nixĩ i nax nayuxü̃ i ñaa yatü i taxuxü̃ma i chixexü̃ üxü̃. Rü pegagu tátama nixĩ —ñanagürü.

Ore i mexü̃ ga Matéu ümatüxü̃ 27:22

Rü yexguma ga ãẽ̱xgacü ga Pirátu rü yema duü̃xü̃güna naca, rü ñanagürü: —¿Ta̱xacü tá chaxüxü̃ namaxã i ngẽma Ngechuchu i Cristugu ãégaxü̃? —ñanagürü. Rü guxü̃ma ga duü̃xü̃gü rü nanangãxü̃gü, rü ñanagürügü: —¡Curuchawa yapota! —ñanagürügü.

Ore i mexü̃ ga Matéu ümatüxü̃ 26:58

Natürü ga Pedru rü yáxü̃gu nawe nixãchigü ñu̱xmata chacherdótegüarü ãẽ̱xgacü ga Caipáxü̃tawa nangu. Rü purichíagü ga Tupanapata ga taxü̃nearü dauruü̃gümaxã yéma ĩã̱xtüwa narüto, yerü nüxü̃ nadauxchaü̃ ga ta̱xacü tá Ngechuchumaxã naxügüxü̃.

Ore i mexü̃ ga Cuáü̃ ümatüxü̃ 18:3

Rü yéma nangu ga Yúda namaxã ga ñuxre ga churaragü rü ñuxre ga Tupanapata ga taxü̃nearü purichíagü ga yéma namugüxü̃ ga chacherdótegüarü ãẽ̱xgacügü rü Parichéugü. Rü nixãxne, rü yéma nanangegü ga omügü.

Ore i mexü̃ ga Cuáü̃ ümatüxü̃ 18:38

Rü Pirátu rü ñanagürü nüxü̃: —¿Ta̱xacü nixĩ i ngẽma ore i aixcüma ixĩxü̃? —ñanagürü. Rü Ngechuchuna nacaxguwena ga Pirátu, rü wenaxarü Yudíugümaxã nayarüdexa. Rü ñanagürü nüxü̃: —Taxuxü̃ma i chixexü̃xü̃ nawa chadau i ñaa yatü.