Ore i mexü̃ ga Cuáü̃ ümatüxü̃ 19:34 - Tupanaarü Ore

³⁴ Natürü wüxi ga churara rü Ngechuchuxü̃ nacanapacütüxü̃. Rü yexgumatama ínayaxüchi ga nagü rü dexá.

Ore i mexü̃ ga Cuáü̃ ümatüxü̃ 19:34 Referans Kwoze

Nüxíraxü̃xü̃ ga popera ga Cuáü̃ ümatüxü̃ 5:6

Rü nüxü̃ tacua̱x nax aixcüma Tupana Nane yixĩxü̃ ya Ngechuchu. Yerü yexguma ñoma ga naanewa nayexmagu rü dexáwa ínabaiegu, rü nümatama ga Tupana nüxü̃ nixu nax Nane yixĩxü̃. Rü yexguma curuchagu nayu̱xgu rü nagü inabaãgu ga Ngechuchu, rü Tupana rü wenaxarü inanawe̱x nax aixcüma Nane nax yixĩxü̃. Rü yexgumarüxü̃ ta ga Naãxẽ ya Üünexü̃ i taguma idoraxü̃, rü tüxü̃ nüxü̃ nacua̱xẽxẽ nax aixcüma Tupana Nane nax yixĩxü̃.

Chacaría 12:10

Rü ngẽma Dabítaagütanüwa rü Yerucharéü̃cüã̱xgütanüwa tá chanamu i Chauãxẽ i Üünexü̃ nax yamecümaxü̃ca̱x rü nayumüxẽgüwa̱xegüxü̃ca̱x i ngẽma Dabítanüxü̃ rü ngẽma Yerucharéü̃cüã̱xgü. Rü ngẽxguma tá nüxü̃ nadaugügu ya yima nacanapacütüxü̃güãcü rü tá nangechaü̃gü. Rü naxca̱x tá naxauxe ñoma wüxi i nane i nügümaxã wüxicacüca̱x naxauxexü̃rüxü̃. Rü ñoma nüxíraü̃cü ya nane yu̱xguca̱x naxauxegurüxü̃ tá naxca̱x naxauxe.

Nüxíraxü̃xü̃ ga popera ga Cuáü̃ ümatüxü̃ 5:8

Rü norü wüxi nixĩ i Naãxẽ ya Üünexü̃, rü norü taxre nixĩ ga yema Tupanaga ga yexguma Ngechuchu dexáwa íbaiegu, rü norü tomaepü̱x nixĩ nax naxẽanexü̃ ga yexguma curuchagu nagü inabaãgu ga Ngechuchu. Rü guxü̃ma i ngẽma tomaepü̱x i cua̱xruü̃gü, rü nüxü̃ nixu nax aixcüma Tupana Nane yixĩxü̃ ya Ngechuchu.

Chacaría 13:1

Nüma ya Cori ya Tupana rü ñanagürü ta: —Ngẽma ngunexü̃gu rü tá ningẽnaxü̃ i wüxi i dexáarü chuchuxü̃ nax ngẽmawa Dabítaagü rü Yerucharéü̃cüã̱xgü nügü iyauxgüxü̃ca̱x i norü pecadugü rü norü ãũãchixü̃gü.

Echequié 36:25

Rü dexá i mechiüxü̃wa tá pexü̃ chixaiyagü. Rü guxü̃ma i perü chixexü̃wa tá pexü̃ chingematagüxẽxẽ. Rü ngẽma nax tupananetagümaxã petupanaã̱xgüxü̃ rü tá nüxna pexü̃ chixĩgachixẽxẽ nax ngẽmaãcü aixcüma pimexü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:14

Rü choma chanangãxü̃, rü ñacharügü: “Pa Corix, cuma nixĩ i nüxü̃ cucuáxü̃ nax texégü tixĩgüxü̃”, ñacharügü. Rü yexguma ga nüma rü ñanagürü: “Yíxemagü tixĩgü ga nawa ngupetütanüxe ga yema ngúxü̃ ga taxü̃ rü marü tügü iyauxgüchiruxe nawa ga nagü ya yimá Carnéruxacü. Rü ngẽmaca̱x nixĩ i ticómüchiruxü̃.

Efesios 5:26

Rü yemaacü nanaxü ga Cristu nax nügüxü̃́ tüxü̃ yaxüünexẽẽxü̃ca̱x i guxãma i yixema nax yaxõgüxü̃. Rü norü oremaxã rü ngẽma dexá i nawa íibaiü̃xü̃maxã tüxü̃ nimexẽẽgü nax nape̱xewa imexü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:5

Rü ngẽxgumarüxü̃ ta chanaxwa̱xe nax pexü̃ nangü̃xẽẽxü̃ rü pexü̃ nataãẽxẽẽxü̃ ya Ngechuchu ya Cristu ga meama nüxü̃ ixucü ga Tupanachiga ga ñoma ga naanewa. Rü nüma nixĩ ga nüxíra yuwa ínadaxü̃. Rü nüma nixĩ i namaxã inacuáxü̃ i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü. Rü nüma rü tüxü̃ nangechaü̃, rü nagümaxã tüxü̃́ inayanaxoxẽxẽ i tórü pecadugü.

Nüxíraxü̃xü̃ ga popera ga Pedru ümatüxü̃ 3:21

Rü ngẽma dexá rü wüxi i cua̱xruxü̃ nixĩ. Erü ngẽxguma ngẽma dexáwa íibaiegu, rü duü̃xü̃güxü̃ nüxü̃ tacua̱xẽxẽ nax Tupanaga taxĩnüexü̃ nax tüxü̃́ nangẽxmaxü̃ i maxü̃ i taguma gúxü̃. Rü tama taxü̃nearü düxétüwa nax imexü̃ca̱x nixĩ i íibaiexü̃, natürü ítabaie erü marü Tupanana naxca̱x taca nax tüxü̃́ iyanaxoxẽẽãxü̃ca̱x i tórü pecadugü rü Ngechuchu ya Cristu wena maxü̃xü̃gagu nape̱xewa imexü̃ca̱x rü mexü̃gu rüxĩnüexü̃ca̱x.

Popera ga Yudíugü ga yaxõgüxü̃ca̱x ümatüxü̃ 9:22

Rü yema mugü nüxü̃ nixu rü tanaxwa̱xe nax nagümaxã yamexẽẽxü̃ i wixguxüchi guxü̃ma. Rü ngẽxguma taxũchima nagü ibaxgu, rü taxũchima Tupana duü̃xü̃güaxü̃́ nüxü̃ narüngüma i norü pecadugü.

Popera ga Yudíugü ga yaxõgüxü̃ca̱x ümatüxü̃ 9:13

Rü yimá nagü i woca i iyatüxü̃ rü chíbugü rü yimá tanimaca i wocaxacü i ngexü̃arü, rü aixcüma napora nax düxétüwa yanaxoxẽẽãxü̃ca̱x i duü̃xü̃güarü pecadugü ega yimámaxã namaxcuétügügu i ngẽma duü̃xü̃gü.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

1 Corintios 6:11

Rü yexgumarüü̃tama pixĩgü ga ñuxre ga pema ga ü̃pax. Natürü i ñu̱xma ya Tupana rü marü pexü̃́ ínanapi i perü chixexü̃ nax noxrüxicatama pixĩgüxü̃ca̱x. Rü ñu̱xma rü nape̱xewa pime yerü Naãxẽ ya Üünexü̃ rü tórü Cori ya Ngechuchu ya Cristuégagu marü perü pecaduna pexü̃ ínanguxü̃xẽxẽ.

1 Corintios 1:30

Rü nümatama ga Tupana nixĩ ga Ngechuchu ya Cristuarü duü̃xü̃güxü̃ pexü̃ yaxĩgüxẽẽxü̃. Rü tatanüwa nanamu ga Cristu nax nüma rü Tupanaarü cua̱x taxca̱x yixĩxü̃ca̱x. Rü Cristugagu nixĩ nax Tupana tüxü̃ dexü̃ rü tüxü̃ yamexẽẽxü̃ nax nape̱xewa ixüünegüxü̃ca̱x rü pecaduwa ínguxü̃xü̃ca̱x.

Ore i mexü̃ ga Matéu ümatüxü̃ 27:62

Natürü moxü̃ãcü ga ngü̃xchigaarü ngunexü̃gu rü yema chacherdótegüarü ãẽ̱xgacügü rü Parichéugü rü Pirátuxü̃tawa naxĩ.

Wiyaegü 51:7

¡Rü ẽcü ngẽma maxcuruü̃maxã choxü̃ namaxcuxü̃ne nax iyanaxoxü̃ca̱x i chorü chixexü̃! Rü ngẽmaãcü i chorü maxü̃ rü cupe̱xewa rü gáuxü̃te̱xe i cómüxü̃arü yexera tá nacómüxü̃.

Ngechuchuarü ngúexü̃gü ga yamugüxü̃arü puracüchiga 22:16

¡Rü ñu̱xma rü marü taxuxü̃ma i ta̱xacü ícunangu̱xẽxẽ! ¡Rü írüda rü ínabaie! ¡Rü Cori ya Ngechuchuégagu naxca̱x ínaca nax cuxü̃́ nüxü̃ nangü̃maxü̃ca̱x i curü pecadugü!” ñanagürü choxü̃.

Ore i mexü̃ ga Cuáü̃ ümatüxü̃ 19:33

Rü Ngechuchuca̱x naxĩ ga churaragü, natürü nüxü̃ nadaugü nax marü nayuxü̃. Rü yemaca̱x tama nayapoyeparagü.

Ore i mexü̃ ga Cuáü̃ ümatüxü̃ 20:20

Rü yema ñaxguwena rü nügü nawéme̱x, rü nügü nawépacütüxü̃. Rü nüma ga norü ngúexü̃gü rü nataãẽgü, yerü nüxü̃ nadaugü ga gumá norü Cori.