Ore i mexü̃ ga Cuáü̃ ümatüxü̃ 19:13 - Tupanaarü Ore

¹³ Rü yexguma yemaxü̃ naxĩnügu ga Pirátu, rü churaragüxü̃ namu nax Ngechuchuxü̃ ínagaxüchigüxü̃. Rü nüma ga Pirátu rü norü toruxü̃wa narüto ga ngextá duü̃xü̃gü ga poxcuexü̃na naca̱xaxü̃. Rü yema nachica rü Yudíugügawa rü Gabatágu nixĩ ga naéga. Rü yema naéga rü “Nutagümaxã tüétüxü̃”, ñaxü̃chiga nixĩ.

Ore i mexü̃ ga Cuáü̃ ümatüxü̃ 19:13 Referans Kwoze

Ore i mexü̃ ga Matéu ümatüxü̃ 27:19

Rü yexguma norü tochicawa nato̱xgu ga Pirátu, rü naxma̱x yéma imuga, rü ngĩgürügü: —Tama name i cunapoxcu i ngẽma yatü i taxuxü̃ma i chixexü̃ üxü̃. Yerü nagagu ĩnex chütacü rü poraãcü chachixenegü —ngĩgürügü.

Ngechuchuarü ngúexü̃gü ga yamugüxü̃arü puracüchiga 4:19

Natürü ga Pedru rü Cuáü̃ rü nanangãxü̃gü, rü ñanagürügü: —¡Nagu perüxĩnüe i pematama! ¿Rü namexü̃ i Tupanape̱xewa nax pega taxĩnüexü̃ rü ẽ̱xna Tupanaga taxĩnüexü̃?

Ore i mexü̃ ga Cuáü̃ ümatüxü̃ 19:8

Rü yexguma yemaxü̃ naxĩnügu ga Pirátu, rü yexera namuü̃.

Ore i mexü̃ ga Luca ümatüxü̃ 12:5

Natürü pemaxã tá nüxü̃ chixu nax texéxü̃ penaxwa̱xexü̃ nax pemuü̃exü̃. Rü name i nüxü̃ pemuü̃e ya Tupana, erü nüma nüxü̃́ nangẽxma i pora nax yamáaxü̃ i pexene, rü nawena nax pepoxcueãxü̃ nagu ya yimá üxü ya taguma ixoxü̃ne. ¡Rü yimá Tupanaxü̃ tá nixĩ i pemuü̃exü̃!

Amúx 4:7

Rü nüma ya Cori ya Tupana rü ñanagürü: —Choma rü tomaepü̱x ga tauemacü pexcha̱xwa íchayachaxãchixẽxẽ ga pucü naxü̃pa nax peyabuxgüxü̃ ga penetügü. Rü wüxi ga ĩanewa rü chanapuxẽxẽ rü nai ya ĩanewa rü tama. Rü wüxi ga naanewa rü napu rü to ga naanewa rü nipamare yerü nataxuma ga dexá.

Ichaía 57:11

¿Rü ta̱xacügü nixĩ i ngẽma perü tupananetagü i nüxü̃ pemuü̃exü̃ rü nüxü̃ picua̱xüü̃güxü̃, rü ngẽmaca̱x choxü̃ iperüngümaexü̃chixü̃ rü tama chauga pexĩnüexü̃? ¿Ẽ̱xna pema rü tama choxü̃ pemuü̃e erü muxü̃ i ngunexü̃ chachianemare rü taxu ñachagürü?

Ngu̱xẽẽtaeruü̃arü ore 5:8

¡Taxũtáma cubaixãchi i ngẽxguma nüxü̃ cuda̱u̱xgu nax to i nachixü̃anegüwa rü ãẽ̱xgacügü chixri namaxã inacua̱xgüxü̃ i ngẽma norü duü̃xü̃gü i ngearü diẽruã̱xgüxü̃. Rü ngẽma ãẽ̱xgacügü i guxchaxü̃arü mexẽẽruü̃gü rü diẽruca̱x tama tüxü̃ nangü̃xẽẽgüxü̃ ya yíxema ngearü diẽruã̱xgüxe! Erü wüxichigü i ngẽma ãẽ̱xgacügü rü natüxü̃wa nangẽxma i to i ãẽ̱xgacü i naétüwa ngẽxmaxü̃, rü ngẽma ãẽ̱xgacü i naétüwa ngẽxmaxü̃ rü to i ãẽ̱xgacütüü̃wa nangẽxma, rü guxü̃ma i ngẽma ãẽ̱xgacügü rü nügü ínapoxü̃gü.

Ucu̱xẽgüchiga 29:25

Ngẽxguma duü̃xü̃güxü̃ cumuü̃gu rü cugünatama guxchaxü̃ cuxã. Natürü texé ya Tupanaga ĩnüxe, rü nüma ya Tupana tüxna nadau.

Ore i mexü̃ ga Cuáü̃ ümatüxü̃ 5:2

Rü guma ĩanearü poxeguxü̃arü ĩã̱x ga Carnéruarü Choxü̃chicagu ãégaxü̃arü ngaicamana nayexma ga wüxi ga puchu ga Yudíugügawa Bechatágu ãégacü. Rü gumá puchuanacüwa nayexma ga wüxime̱e̱xpü̱x ga norü ücuchicagü ga ãxpataü̃étügüxü̃.

Yeremía 38:19

Rü nüma ga ãẽ̱xgacü ga Chedequía nanangãxü̃ rü ñanagürü: —Choma rü nüxü̃ chamuü̃ i ngẽma Yudíugü i Babiróniaanecüã̱xtanüwa choü̃xü̃, erü ngẽxguma naxme̱xgu changuxgu rü tá choxü̃ nacua̱i̱xgü rü ngẽmaãcü ngúxü̃ tá choxü̃ ningexẽẽgü —ñanagürü.

Ore i mexü̃ ga Cuáü̃ ümatüxü̃ 19:17

Rü ínaxũxü̃ ga Ngechuchu, rü norü curucha ngĩxü̃ ininge. Rü nachica ga “Duẽxẽerugu”, ãégaxü̃wa naxũ. Rü yema nachica rü Górguta nixĩ ga naéga ga Yudíugügawa.

Ore i mexü̃ ga Cuáü̃ ümatüxü̃ 19:20

Rü yema nachica ga Ngechuchuxü̃ curuchawa íyanapotagüxü̃, rü ĩanearü ngaicamana nayexma. Rü yemaca̱x muxü̃ma ga yema Yudíugü nüxü̃ nadaumatü ga yema namatü ga mürapewaxacügu üxü̃ ga Yudíugügawa rü Griégugügawa rü Rómacüã̱xgügawa.