Ore i mexü̃ ga Cuáü̃ ümatüxü̃ 19:11 - Tupanaarü Ore

¹¹ Rü Ngechuchu nanangãxü̃, rü ñanagürü: —Taxũchima cuxme̱xwa changexma ega tama Tupana naxwa̱xegu. Rü ngẽmaca̱x i ngẽma cuxna choxü̃ muxü̃ rü curü yexera poraãcü napecaduã̱x —ñanagürü.

Ore i mexü̃ ga Cuáü̃ ümatüxü̃ 19:11 Referans Kwoze

Romanos 13:1

Name nixĩ i mea norü ãẽ̱xgacüga naxĩnüe i guxü̃ma i duü̃xü̃gü. Erü Tupana nixĩ ya nüxü̃ unetacü i guxü̃ma i ãẽ̱xgacügü. Rü nataxuma i ãẽ̱xgacü i tama Tupana ingucuchixẽẽxü̃.

Ore i mexü̃ ga Cuáü̃ ümatüxü̃ 3:27

Rü Cuáü̃ nanangãxü̃ rü ñanagürü nüxü̃: —Taxúema ta̱xacü tüxü̃́ nangẽxma ega Tupana tama tüxna naxãxgu.

Ngechuchuarü ngúexü̃gü ga yamugüxü̃arü puracüchiga 2:23

Rü Tupana pexna nanamu ga gumá Ngechuchu, yerü yema nixĩ ga nagu naxĩnüxü̃. Rü nüma ga Tupana rü woetama nüxü̃ nacua̱x nax pecaduca̱x tá nayuxü̃. Rü pema rü penamu ga yatügü ga tama yaxõgüxü̃ nax curuchawa yapotagüãxü̃ca̱x. Rü yemaacü peyama̱xgü.

Danié 4:17

Rü yema nixĩ ga yema naimaxã naxuegugüxü̃ ga yema ixüünexü̃ ga dauxü̃cüã̱x ga dauruü̃gü ixĩgüxü̃. Yerü nanaxwa̱xegü nax guxü̃ma i duü̃xü̃gü nüxü̃ cua̱xgüxü̃ nax nüma ya Tupana ya Guxãétüwa Ngẽxmacü rü nüxü̃́ nangẽxmaxü̃ i pora nax namaxã inacuáxü̃ i ngẽma nachixü̃anegüarü ãẽ̱xgacügü i ñoma i naanewa ngẽxmagüxü̃. Rü nüma nixĩ i nüxü̃ naxunetaxü̃ i ngẽma nüma nanaxwa̱xexü̃ nax ãẽ̱xgacügü yixĩgüxü̃. Rü nüma rü nüxü̃́ nangẽxma i pora nax nachixü̃anearü ãẽ̱xgacüxü̃ yangucuchixẽẽãxü̃ i ngẽma duü̃xü̃ i noxri taxuxü̃ma ixĩxü̃’, ñanagürü ga yema dauxü̃cüã̱x.

Ngechuchuarü ngúexü̃gü ga yamugüxü̃arü puracüchiga 3:13

Tórü o̱xigü ga Abraáü̃ rü Ichaá rü Acóbu rü togü ga tórü o̱xigü rü nüxü̃́ nayaxõgü ga Tupana. Rü yimátama Tupana nixĩ ya ñu̱xma Ngechuchuxü̃ tachigaxẽẽcü, nax guxü̃arü yexera yixĩxü̃ca̱x. Rü gumátama Ngechuchu ya Tupanaarü ngü̃xẽẽruxü̃ ixĩcü nixĩ ga pema ãẽ̱xgacü ga Pirátuxü̃tawa penagagücü. Rü yexguma nüxü̃ yangéxchaü̃gu ga Pirátu, rü pema rü tama penaxwa̱xegü nax yange̱xãxü̃.

Ore i mexü̃ ga Cuáü̃ ümatüxü̃ 7:30

Rü yexguma ga yema ãẽ̱xgacügü rü Ngechuchuxü̃ niyauxgüchaü̃. Natürü taxuxü̃ma nayayauxgü, yerü tauta nawa nangu ga ora nax yayauxgüãxü̃ rü yama̱xgüãxü̃ca̱x.

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Danié 4:25

Erü cumax, Pa Ãẽ̱xgacüx, rü taxũtáma duü̃xü̃gütanüwa cungexma, rü naxü̃nagütanüwa tá cumaxü̃ rü wocagürüxü̃ tá maxẽ cunangõ̱x, rü cherena rü tá cuxü̃ niwaixẽxẽ. Rü ngẽmaãcü tá cumaxü̃ i 7 ya taunecü ñu̱xmatáta naxca̱x íquicuáx nax texé yixĩxü̃ ya yimá namaxã icuácü i guxü̃ma i ãẽ̱xgacügü i ñoma i naanewa ngẽxmagüxü̃. Erü nüma nixĩ i tüxü̃ yamucuchixü̃ ya yíxema nüma natümawa̱xéxe nax ãẽ̱xgacü tixĩxü̃ca̱x.

Ore i mexü̃ ga Matéu ümatüxü̃ 6:13

¡Rü toxna nadau nax tama chixexü̃gu tayixü̃ca̱x! ¡Rü naxme̱xwa toxü̃ ínanguxü̃xẽxẽ i ngẽma chixexü̃arü üruxü̃! Erü cuma rü guxü̃guma torü ãẽ̱xgacü quixĩ, rü guxü̃étüwa cungexma, rü cumecümaxü̃chi. Améü̃’.

Popera ga Chantiágu ümatüxü̃ 4:17

Yíxema nüxü̃ cuáxe nax mexü̃ taxüxü̃, natürü tama naxǘxe, rü pecadu taxü.

Romanos 11:36

Erü guxü̃ma i ta̱xacü i ngẽxmaxü̃ rü Tupana nanaxü. Rü nagagu nixĩ ga nangóxü̃. Rü nügüca̱x nixĩ ga naxüaxü̃. Rü name nixĩ i guxü̃guma nüxü̃ ticua̱xüü̃gü. Rü ngẽmaãcü yixĩ.

Ngechuchuarü ngúexü̃gü ga yamugüxü̃arü puracüchiga 4:28

Rü yemaacü ga yema ãẽ̱xgacügü rü nayanguxẽxẽ ga guxü̃ma ga yema cuma nũxcümama nagu curüxĩnüxü̃ rü nüxü̃ quixuxü̃ rü tá nax yanguxü̃.

Ore i mexü̃ ga Matéu ümatüxü̃ 27:2

Rü nayana̱i̱xgüchacüügü rü yemaacü ãẽ̱xgacü ga Pirátuxü̃tawa nanagagü. Pirátu nixĩ ga Rómacüã̱x ga ãẽ̱xgacü ga Yudéaanemaxã icuácü.

Wiyaegü 62:11

Tupana rü wüxi i orexü̃ nixu, rü choma rü marü taxree̱xpü̱xcüna nüxü̃ chaxĩnü i ngẽma ore. Cuma, Pa Corix, rü cupora rü aixcüma toxü̃ cungechaü̃. Rü yíxema mexü̃ ügüxe rü cuma rü tá tüxna cunaxã i ngẽma natanü i tüxna üxü̃. Natürü yíxema chixexü̃ ügüxe rü tá tanayaxu i ngẽma poxcu i tüxna üxü̃.

Ore i mexü̃ ga Márcu ümatüxü̃ 14:44

Rü Yúda ga ínaxuaxü̃xü̃ rü marü yema duü̃xü̃gümaxã nanamexẽxẽ, rü ñanagürü: —Ngẽma nüxü̃ chachúxuxü̃ nixĩ ya Ngechuchu. Rü ngẽma tá nixĩ i piyauxgüxü̃ rü mea peyanáiãcüma peyagagüxü̃ —ñanagürü.

Danié 5:21

Rü duü̃xü̃güna nixũgachi rü yema norü ĩnü rü naxü̃nagüarü ĩnürüxü̃ nixĩ. Rü naixnecücüã̱x ga búrugütanüwa namaxü̃. Rü wocagürüxü̃ maxẽ nanangõ̱x rü cherenamaxã niwaixine. Rü yemaacü nüxü̃ nangupetü ñu̱xmata düxwa nüxna nacua̱xãchi nax yimá Tupana ya Guxãétüwa Ngẽxmacü nax nüxü̃́ ngẽxmaxü̃ i pora nax namaxã inacuáxü̃ i guxü̃ma i ãẽ̱xgacügü i ñoma i naanewa ngẽxmagüxü̃. Rü nüma ya Tupana rü ãẽ̱xgacüxü̃ tüxü̃ nixĩxẽxẽ ya yíxema nüma norü me ixĩxẽ nax ãẽ̱xgacü tixĩxü̃ca̱x.

Danié 4:32

Rü duü̃xü̃güna tá quixũgachi rü naxü̃natanüwa tá cumaxü̃, rü wocagürüxü̃ tá maxẽmaxã cuxãwemü i 7 ya taunecü. Rü ngẽmaãcü tá quixĩ ñu̱xmatáta nüxna cucua̱xãchi nax Tupana yixĩxü̃ ya yimá nüxü̃́ nangẽxmacü i pora nax namaxã inacuáxü̃ i guxü̃ma i nachixü̃anegü i ñoma i naanewa ngẽxmagüxü̃. Rü nüma nixĩ i tüxü̃ yangucuchixẽẽxü̃ nax ãẽ̱xgacü tixĩxü̃ ya yíxema nüma norü me ixĩxẽ —ñanagürü.

Ore i mexü̃ ga Cuáü̃ ümatüxü̃ 18:3

Rü yéma nangu ga Yúda namaxã ga ñuxre ga churaragü rü ñuxre ga Tupanapata ga taxü̃nearü purichíagü ga yéma namugüxü̃ ga chacherdótegüarü ãẽ̱xgacügü rü Parichéugü. Rü nixãxne, rü yéma nanangegü ga omügü.

Ore i mexü̃ ga Cuáü̃ ümatüxü̃ 9:41

Rü Ngechuchu nanangãxü̃ rü ñanagürü nüxü̃: —Ngẽxguma chi ngexetügüxü̃ pixĩgügu rü taxũchima pegagu nixĩ nax pepecaduã̱xgüxü̃. Natürü ngẽma nax pegü pixuxü̃ nax pidauuchixü̃ rü ngẽmaca̱x pegagutama nixĩ nax pepecaduã̱xgüxü̃ —ñanagürü.

Ore i mexü̃ ga Luca ümatüxü̃ 22:53

Rü guxü̃ ga ngunexü̃gu ga yexguma petanüwa chayexmagu ga Tupanapata ga taxü̃newa, rü tama choxü̃ piyauxgü. Natürü marü nawa nangu nax pexü̃́ natauxchaxü̃ nax choxü̃ piyauxgüxü̃, erü ñoma nixĩ i perü ora i nagu pemaxã naporaxü̃ i Chataná —ñanagürü.

Danié 4:35

Rü ngẽma duü̃xü̃gü i ñoma i naanewa maxẽxü̃ rü cupe̱xewa, Pa Tupanax, rü taxuxü̃ma nixĩgü. Rü cuma cunaxwa̱xexü̃ãcü namaxã icucua̱x i dauxü̃guxü̃ i naane rü ñoma i naane. Rü tataxuma ya texé ya curü poraxü̃ rüyexeraxe. Rü tataxuma ya texé ya tüxü̃́ nangẽxmaxe i pora nax cuxna taca̱xaxü̃ rü ‘¿tü̱xcüü̃ cunaxü i ngẽma cuxüxü̃?’ ñachagürü.

Auxexü̃chiga 3:37

Rü ngẽxguma texé naxunagügu i wüxi i ta̱xacü tá ngupetüxü̃, rü aixcüma nango̱xgu i ngẽma taxunagüxü̃, rü Tupana nixĩ ya tüxü̃ naxunagüxẽẽcü.

Ore i mexü̃ ga Matéu ümatüxü̃ 26:65

Rü yexguma ga nüma ga chacherdótegüarü ãẽ̱xgacü rü norü numaxã nügüchirugu nagáugü. Rü ñanagürü: —Ñaa yatü rü chixexü̃ Tupanamaxã nixugü. Rü taxuca̱xma marü tanaxwa̱xe i to i duü̃xü̃güarü ore. Rü pematama marü nüxü̃ pexĩnüe nax ñuxãcü chixexü̃maxã nax yadexaxü̃.

Wiyaegü 39:9

Pa Corix, cupe̱xewa rü changea̱x rü taxu ñachagürü, erü cuma nixĩ i namaxã cucuáxü̃ i chorü maxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:11

Rü cumax, Pa Corix, rü guxü̃étüwa cungexma, rü cuxicatama cupora rü cuxüüne, rü namaxã icucua̱x i guxü̃ma, rü guxü̃ma i ãẽ̱xgacügüétüwa cungexma. Erü guxü̃ma i daxũguxü̃ i naanewa rü ñoma i naanewa ngẽxmagüxü̃ rü cuxrü nixĩgü. Rü cuxrügü ta nixĩ i guxü̃ma i naanegü, erü guxü̃étüwa cungexma.

Ore i mexü̃ ga Cuáü̃ ümatüxü̃ 18:13

Rü noxri rü ãẽ̱xgacü ga Anápatawa nanagagü. Rü Aná rü Caipána̱xtü nixĩ. Rü gumá taunecügu ga Caipá rü chacherdótegüaru ãẽ̱xgacü nixĩ.

Ore i mexü̃ ga Cuáü̃ ümatüxü̃ 19:10

Rü yexguma ga Pirátu rü Ngechuchuxü̃ ñanagürü: —¿Ẽ̱xna taxũtáma choxü̃ cungãxü̃? ¿Taxṹ ẽ̱xna i nüxü̃ cucuáxü̃ nax cho̱xme̱xwa cungexmaxü̃ nax curuchawa cuxü̃ chipotaxü̃ rüe̱xna cuxü̃ nax íchanguxuchixẽẽxü̃? —ñanagürü.