Ore i mexü̃ ga Cuáü̃ ümatüxü̃ 18:8 - Tupanaarü Ore

⁸ Rü Ngechuchu rü wenaxarü ñanagürü nüxü̃: —Marü pemaxã nüxü̃ chixu rü choma chixĩ. Rü ngẽxguma cha̱u̱xca̱x pedaugügu rü ¡ípeyaxĩxẽxẽ i ñaa chorü ngúexü̃gü! —ñanagürü.

Ore i mexü̃ ga Cuáü̃ ümatüxü̃ 18:8 Referans Kwoze

Nüxíraxü̃xü̃ ga popera ga Pedru ümatüxü̃ 5:7

Rü name nixĩ i Tupanamaxã nüxü̃ pixu i guxü̃ma i perü oegaãẽgü, erü nüma ya Tupana rü guxü̃guma pegu narüxĩnü rü mea pexna nadau.

Efesios 5:25

Rü pemax, Pa Yatügüx, rü name i pema̱xü̃ pengechaü̃gü, yema nax Cristu guxü̃ma i yaxõgüxü̃xü̃ nangechaü̃xü̃ rü norü maxü̃ naxca̱x inaxãxü̃rüxü̃.

2 Corintios 12:9

Natürü nüma ya tórü Cori rü ñanagürü choxü̃: “Choma cuxü̃ changechaü̃, rü ngexicatama nixĩ i cunaxwa̱xexü̃. Rü choma rü ngẽma duü̃xü̃gü i tama poraexü̃wa nixĩ i chanango̱xẽẽxü̃ i chorü pora”, ñanagürü choxü̃. Rü ngẽmaca̱x chataãxẽ ega tama chaporagu. Erü ngẽxguma tama chaporagu rü ngẽxguma nixĩ i chowa inawéãxü̃ i norü pora ya Cristu.

1 Corintios 10:13

Rü taguma pexca̱x ínangu i ta̱xacürü ngúchaü̃ i chixexü̃ i taxucürüwama duü̃xü̃ yáxna namaxã ĩnüxü̃. Rü name nixĩ i Tupanaaxü̃́ peyaxõ erü nüma rü taxũtáma nawa pexü̃ nawogü i ngúchaü̃gü i taxucürüwama yáxna namaxã pexĩnüexü̃. Natürü ngẽxguma tá ngúchaü̃gü i chixexü̃ pexca̱x ínguxgu, rü nüma rü tá pexü̃ ínapoxü̃ nax tama nagu peyixü̃ca̱x.

Ore i mexü̃ ga Cuáü̃ ümatüxü̃ 16:32

Rü nawa tá nangu i ngunexü̃ rü ñu̱xmatátama nixĩ i nax pegü pewoonexü̃. Rü wüxichigü i pema rü tá pepatawa pexĩ, rü chaxica tá nua choxü̃ peta̱x. Natürü tama chaxica changexma, erü Chaunatü rü chauxü̃tawa nangẽxma.

Ore i mexü̃ ga Cuáü̃ ümatüxü̃ 13:36

Rü Chimóü̃ ga Pedru rü Ngechuchuna naca, rü ñanagürü: —Pa Corix ¿ngextá tá cuxũ? —ñanagürü. Rü Ngechuchu nanangãxü̃, rü ñanagürü: —Ngéma íchaxũxü̃wa rü taxucürüwa chowe curüxũ i ñu̱xmax. Natürü yixcama rü ngẽmáacü tá chowe curüxũ —ñanagürü.

Ore i mexü̃ ga Cuáü̃ ümatüxü̃ 13:1

Rü marü íxraxü̃ nataxu nax nawa nanguxü̃ ga yema Yudíugüarü peta ga Üpetüchiga. Rü Ngechuchu nüxü̃ nacua̱x nax marü nawa nanguxü̃ nax ñoma ga naanewa yaxũxü̃ rü wenaxarü Nanatüxü̃tawa nax naxũxü̃. Rü nüma rü guxü̃guma tüxü̃ nangechaü̃ ga guxema noxrü ixĩgüxe ga ñoma i naanewa ngẽxmagüxe.

Ore i mexü̃ ga Cuáü̃ ümatüxü̃ 10:28

Rü choma rü nüxna chanaxã i maxü̃ i taguma gúxü̃. Rü nümagü rü tagutáma inayarütauxe, rü taxúetama choxna tanapuxü̃ i cho̱xme̱xwa.

Ore i mexü̃ ga Matéu ümatüxü̃ 26:56

Natürü guxü̃ma i ñaa ñu̱xma ngupetüxü̃, rü ngẽmaãcü nangupetü nax yanguxü̃ca̱x i Tupanaarü ore ga nũxcümaü̃güxü̃ ga norü orearü uruü̃gü ümatügüxü̃ —ñanagürü. Rü yexguma ga guxü̃ma ga norü ngúexü̃gü rü nüxna nibuxmü. Rü nüxicatama yéma nanata̱xgü ga Ngechuchu.

Ichaía 53:6

Rü guxãma i yixema rü itarütauxe ñoma carnérugü irütauxexü̃rüxü̃. Yerü wüxichigü ga yixema rü nagu taxĩ ga tóxrütama ngúchaü̃. Natürü nüma ga Cori ya Tupana rü gumá norü duü̃cüxü̃ nayangexẽxẽ ga guxü̃ma ga tórü chixexü̃gü.

Ore i mexü̃ ga Cuáü̃ ümatüxü̃ 18:7

Rü yexguma ga Ngechuchu rü wena nüxna naca, rü ñanagürü: —¿Texéca̱x nixĩ i pedaugüxü̃? —ñanagürü. Rü nümagü rü nanangãxü̃gü rü ñanagürügü: —Nacharétucüã̱x i Ngechuchuca̱x nixĩ i tadaugüxü̃ —ñanagürügü.

Ore i mexü̃ ga Cuáü̃ ümatüxü̃ 18:9

Rü yemaacü nangupetü nax yanguxü̃ca̱x ga norü ore ga nümatama ga Ngechuchu nüxü̃ yaxuxü̃ ga ñaxgu: “Yíxema Chaunatü choxna tüxü̃ mugüxe rü taxúetama itayarütauxe”, ñaxgu.