Ore i mexü̃ ga Cuáü̃ ümatüxü̃ 18:25 - Tupanaarü Ore

²⁵ Rü yoxni ga Pedru rü üxüarü ngaicamagu nachiecha, rü yéma nügü nanaixü̃ãma. Rü yema yéma yexmagüxü̃ rü nüxna nacagüe, rü ñanagürügü: —¿Tama ẽ̱xna cuma rü ta norü ngúexü̃ quixĩxü̃ i ngẽma yatü i yayauxgüxü̃? —ñanagürügü. Natürü ga Pedru rü tama nügü nixu, rü ñanagürü: —Tama nixĩ —ñanagürü.

Ore i mexü̃ ga Cuáü̃ ümatüxü̃ 18:25 Referans Kwoze

Ucu̱xẽgüchiga 29:25

Ngẽxguma duü̃xü̃güxü̃ cumuü̃gu rü cugünatama guxchaxü̃ cuxã. Natürü texé ya Tupanaga ĩnüxe, rü nüma ya Tupana tüxna nadau.

Naanearü ügüchiga 18:15

Natürü ga Chára rü yemaxü̃ naxĩnügu rü imuü̃ rü iyaxãxchaü̃ nax ngĩxü̃́ naxãũchigaxü̃. Rü yemaca̱x ngĩgürügü: —Tama nixĩ i chacugüchirexü̃ —ngĩgürügü. Natürü nüma ga Cori rü ngĩxü̃ nangãxü̃ rü ñanagürü: —Ngẽmáacüx, nüxü̃ chacua̱xama nax cucugüxü̃ —ñanagürü ngĩxü̃.

Ore i mexü̃ ga Luca ümatüxü̃ 22:56

Rü yexguma yéma üxücutüwa nato̱xgu ga Pedru, rü wüxi ga ngecü ga ãẽ̱xgacüarü duü̃xü̃ nüxü̃ idau. Rü meama nüxü̃ idawenü, rü ngĩgürügü: —Ñaa yatü rü Ngechuchutanüxü̃ nixĩ —ngĩgürügü.

Ore i mexü̃ ga Matéu ümatüxü̃ 26:69

Rü yoxni ga Pedru rü ãẽ̱xgacüpataa̱xtüwa narüto. Rü wüxi ga pacü ga ãẽ̱xgacüarü duü̃xü̃ ixĩcü, rü Pedruca̱x iyaxũ. Rü ngĩgürügü nüxü̃: —Cuma rü ta namücü quixĩ i ngẽma Ngechuchu i Gariréaanecüã̱x —ngĩgürügü.

Ore i mexü̃ ga Márcu ümatüxü̃ 14:66

Rü yoxni ga Pedru rü ñaxtüwa ãẽ̱xgacüpataa̱xtüwa nayexma. Rü yexgumayane yéma ingu ga wüxi ga pacü ga gumá ãẽ̱xgacüarü duü̃xü̃ ixĩcü.

Ore i mexü̃ ga Luca ümatüxü̃ 22:55

Rü yéma chacherdótegüarü ãẽ̱xgacüpataa̱xtüarü ngãxü̃wa, rü purichíagü nanaxügü ga wüxi ga üxü. Rü nüxü̃ ínachomaeguãchi. Rü Pedru rü ta yéma natanüwa narüto.

Ore i mexü̃ ga Luca ümatüxü̃ 22:57

Natürü ga Pedru rü nügü nixã, rü ñanagürü: —Pa Ngecüx, choma rü tama nüxü̃ chacua̱x ya yimá Ngechuchu —ñanagürü.