Ore i mexü̃ ga Cuáü̃ ümatüxü̃ 18:18 - Tupanaarü Ore

¹⁸ Rü yéma ĩã̱xtüwa rü ãẽ̱xgacüarü duü̃xü̃gü rü Tupanapata ga taxü̃ne purichíagü rü nanaxügü ga wüxi ga üxü, yerü nagáuane. Rü gumá üxüxétüarü ngaicamagu nachigü, rü yéma nügü ninaixü̃gü. Rü Pedru rü ta yéma nügü nanaixü̃ naxetüwa ga gumá üxü.

Ore i mexü̃ ga Cuáü̃ ümatüxü̃ 18:18 Referans Kwoze

Ore i mexü̃ ga Márcu ümatüxü̃ 14:54

Natürü ga Pedru rü yáxü̃gu nawe nixãchigü ñu̱xmata gumá chacherdótegüarü ãẽ̱xgacüpataa̱xtüwa nangu. Rü purichíagü ga Tupanapata ga taxü̃nearü dauruü̃gümaxã yéma ĩã̱xtüwa narüto. Rü nügü yéma nanaixü̃ üxüxü̃tawa.

Ore i mexü̃ ga Cuáü̃ ümatüxü̃ 18:25

Rü yoxni ga Pedru rü üxüarü ngaicamagu nachiecha, rü yéma nügü nanaixü̃ãma. Rü yema yéma yexmagüxü̃ rü nüxna nacagüe, rü ñanagürügü: —¿Tama ẽ̱xna cuma rü ta norü ngúexü̃ quixĩxü̃ i ngẽma yatü i yayauxgüxü̃? —ñanagürügü. Natürü ga Pedru rü tama nügü nixu, rü ñanagürü: —Tama nixĩ —ñanagürü.

Ore i mexü̃ ga Cuáü̃ ümatüxü̃ 21:9

Rü yexguma nguewa ínachoü̃gu rü yéma nüxü̃ nadaugü ga wüxi ga üxü. Rü naétügu naxǘ ga wüxi ga choxni, rü nayexma ta ga wüxi ga paũ.

Ore i mexü̃ ga Márcu ümatüxü̃ 14:67

Rü yexguma Pedruxü̃ nada̱u̱xgu ga yéma üxüxü̃tawa nügü nax nanaixü̃xü̃, rü mea nüxü̃ idawenü, rü ngĩgürügü nüxü̃: —Cuma rü ta namücü quixĩ i ngẽma Ngechuchu i Nacharétucüã̱x —ngĩgürügü.

Ucu̱xẽgüchiga 13:20

Ngẽxguma duü̃xü̃gü i nüxü̃ cuáxü̃maxã cuxãmücügu, rü tá cunayaxu i cua̱x. Natürü ngẽxguma ngẽma duü̃xü̃gü i naechitamare maxẽxü̃maxã cuxãmücügu, rü tá icuyarütaxu.

Wiyaegü 1:1

Tataãxẽ ya yíxema tama naga ĩnüxe i ngẽma chixexü̃ i duü̃xü̃güarü ucu̱xẽ rü tama nagu ixũxẽ i nacümagü i ngẽma pecadu ügüxü̃, rü tama nanaãẽraxü̃xe i ngẽma duü̃xü̃gü i Tupanagu idaucüraxü̃güxü̃.

Naanearü ügüchiga 49:6

Rü ngẽmaca̱x tagutáma natanüwa changexma i ngẽxguma nügümaxã nangutaque̱xegügu. Yerü yexguma nanuegu rü duü̃egü tüxü̃ nadai. Rü ñu̱xũchi norü chixecümamaxã nayapoyeparagü ga wocagü ga iyatüxü̃.

1 Corintios 15:33

¡Natürü taxũtáma nawe perüxĩ i ngẽma duü̃xü̃gü i ngẽmaãcü chixri idexagüxü̃! Erü aixcüma nixĩ i ngẽma ore i ñaxü̃: “Rü texé ya chixexü̃ i duü̃xü̃maxã ãmücüxe, rü tüxü̃́ inayanaxoxẽxẽ i tümacümagü i mexü̃”, ñaxü̃.

Ngechuchuarü ngúexü̃gü ga yamugüxü̃arü puracüchiga 4:23

Rü yexguma marü ínamuxü̃ã̱xgu, rü Pedru rü Cuáü̃ rü namücügü íyexmagüxü̃wa naxĩ. Rü namaxã nüxü̃ nixugüe ga guxü̃ma ga yema ore ga Yudíugüarü ãẽ̱xgacügü rü chacherdótegüarü ãẽ̱xgacügü namaxã nüxü̃ ixuxü̃.

Nüxíraxü̃xü̃ ga popera ga ãẽ̱xgacügüchiga 19:9

Rü yexguma guma ma̱xpǘnewa nanguxgu ga Ería rü wüxi ga ãxmaxü̃gu naxücu, rü yéma nanangupetüxẽxẽ ga chütaxü̃. Rü nüma ga Cori ya Tupana rü namaxã nidexa, rü ñanagürü nüxü̃: —¿Ta̱xacü nua cuxü, Pa Eríax? —ñanagürü.

Ore i mexü̃ ga Luca ümatüxü̃ 22:44

Rü yema nax poraãcü nanaxĩ̱xãchiãẽxü̃ ga Ngechuchu, rü yemaca̱x yexeraãcü nayumüxẽ, rü nanaxaiyaãchi. Rü ñoma nagü waixü̃müanewa ichuruxü̃rüxü̃ nixĩ ga norü aiyacü.

Ore i mexü̃ ga Cuáü̃ ümatüxü̃ 18:3

Rü yéma nangu ga Yúda namaxã ga ñuxre ga churaragü rü ñuxre ga Tupanapata ga taxü̃nearü purichíagü ga yéma namugüxü̃ ga chacherdótegüarü ãẽ̱xgacügü rü Parichéugü. Rü nixãxne, rü yéma nanangegü ga omügü.