Ore i mexü̃ ga Cuáü̃ ümatüxü̃ 17:5 - Tupanaarü Ore

⁵ Rü ñu̱xma Pa Chaunatüx, rü chanaxwa̱xe i cugüxü̃tawa choxü̃ cungexmaxẽxẽ nax choxü̃́ nangẽxmaxü̃ca̱x ga yematama pora ga cumaxã choxü̃́ yexmaxü̃ ga noxri tauta naane uxgu.

Ore i mexü̃ ga Cuáü̃ ümatüxü̃ 17:5 Referans Kwoze

Nüxíraxü̃xü̃ ga popera ga Pedru ümatüxü̃ 1:20

Rü nüma ga Tupana rü woetama nũxcümaxü̃chima tauta naane ixügügu, rü marü Cristuxü̃ naxuneta nax pexca̱x nayuxü̃ca̱x. Natürü ñomaü̃cüü nixĩ ga nangóxü̃ ga gumá Cristu nax pexü̃ nangü̃xẽẽxü̃ca̱x.

Ore i mexü̃ ga Cuáü̃ ümatüxü̃ 10:30

Chaunatü rü choma rü wüxitama tixĩgü —ñanagürü.

Filipenses 2:6

Yerü nüma ga Cristu rü woo Tupanaxü̃chi nax yixĩxü̃, natürü tama nügü yéma ninuxũ.

Popera ga Yudíugü ga yaxõgüxü̃ca̱x ümatüxü̃ 1:10

Rü yexgumarüxü̃ ta Nanexü̃ ñanagürü ga Tupana: “Cuma nax guxü̃arü Cori quixĩxü̃, rü noxriarü ügügumama ga yexguma nataxuxgutama ga ñoma ga naane, rü cuma nixĩ ga cunaxüxü̃. Rü cumatama nixĩ ga cunaxüxü̃ ga üa̱xcü rü tauemacü rü guxü̃ma ga woramacurigü.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Ore i mexü̃ ga Cuáü̃ ümatüxü̃ 17:24

Pa Chaunatüx, cuma choxna cunamugü i ñaa ngúexü̃gü. Rü chanaxwa̱xe i chauxü̃tawa nangẽxmagü i ngéma tá íchangexmaxü̃wa, nax nüxü̃ nadaugüxü̃ca̱x i chorü pora ga choxna cuxãxü̃. Yerü choxü̃ cungechaü̃ ga yexguma tauta naane ixügügumama.

Ore i mexü̃ ga Cuáü̃ ümatüxü̃ 8:58

Rü Ngechuchu nanangãxü̃ rü ñanagürü nüxü̃: —Aixcüma pemaxã nüxü̃ chixu rü tauta Abraáü̃ ngo̱xgu rü choma rü marü chayexma —ñanagürü.

Ore i mexü̃ ga Cuáü̃ ümatüxü̃ 1:18

Taguma texé ñuxgu nüxü̃ tadau ga Tupana. Natürü Nane ya nügümaxã wüxicacü nixĩ ya tüxü̃ nüxü̃ cua̱xẽẽcü. Rü yimá Nane rü Tupanaxü̃chi nixĩ, rü Nanatümaxã wüxiwa nangẽxmagü.

Ore i mexü̃ ga Cuáü̃ ümatüxü̃ 14:9

Rü Ngechuchu nanangãxü̃, rü ñanagürü: —Pa Ferípex, ¿ñuxre ya taunecü marü petanüwa changexma rü ñu̱xma rü ta tama choxü̃ cucuáxü̃? Yíxema choxü̃ dauxe rü Chaunatüxü̃ rü ta tadau. ¿Rü tü̱xcüü̃ i ngẽxguma rü ta cunaxwa̱xexü̃ i pexü̃ nüxü̃ nax chadauxẽẽxü̃ ya Chaunatü?

Ore i mexü̃ ga Matéu ümatüxü̃ 25:34

Rü ngẽxguma i nüma ya Ãẽ̱xgacü rü tá ñanarügü nüxü̃ i ngẽma norü tügünecüwawa ngẽxmagüxü̃: “¡Nua pexĩ i pemax ya Chaunatü mexü̃ pemaxã uegugüxe! ¡Rü nüma ãẽ̱xgacü íyixĩxü̃wa pichocu rü penayaxu i pechica ga noxritama naane naxü̱xgu pexca̱x namexẽẽxü̃!

Ore i mexü̃ ga Cuáü̃ ümatüxü̃ 3:13

Taguma texé daxũguxü̃ i naanewa taxũ. Natürü Tupana Nane nax duü̃xü̃xü̃ ixĩcüxicatama nixĩ ya ngéma ne ũcü rü ngéma tá ũcü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:21

Rü yíxema nüxü̃ rüporamaexe i chixexü̃, rü tá chaugüxü̃tawa tüxü̃ charütoxẽxẽ, yexgumarüxü̃ ga choma rü nüxü̃ nax charüporamaexü̃ ga chixexü̃, rü ñu̱xũchi Chaunatüxü̃tawa nax chayarütoxü̃rüxü̃’.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:8

Rü tá ngẽma ngo̱xoxü̃ nicua̱xüü̃gü i guxü̃ma i ñoma i naanecüã̱x i ngeégagüxü̃ nawa i norü popera ya yimá Carnéruxacü ga yama̱xgüãcü. Rü noxritama naanearü ügügu rü yima Carnéruxacüarü poperagu nixĩ i naxümatüxü̃ i naéga i ngẽma duü̃xü̃gü i nüxü̃́ nangẽxmagüxü̃ i maxü̃ i taguma gúxü̃.

Nüxíraxü̃xü̃ ga popera ga Cuáü̃ ümatüxü̃ 1:2

Rü yimá maxẽxẽxẽruxü̃ rü toxü̃ nügü nawe̱x. Rü nüxü̃ tadaugü rü ngẽmaca̱x pemaxã nüxü̃ tixuchiga ya yimá tüxna naxãcü i maxü̃ i taguma gúxü̃. Rü noxri rü Nanatüxü̃tawa nayexma, natürü ñoma ga naanewa nangu rü toxca̱x nango̱x.

Ore i mexü̃ ga Cuáü̃ ümatüxü̃ 17:1

Rü yema ñaxguwena rü Ngechuchu daxũgu nadawenü, rü ñanagürü: —Pa Chaunatüx, marü nawa nangu i ngunexü̃ nax duü̃xü̃güarü pecaduca̱x chayuxü̃. Rü chanaxwa̱xe nax duü̃xü̃güxü̃ nüxü̃ cucua̱xẽẽxü̃ nax choma rü aixcüma Cune chixĩxü̃. Rü ngẽmaãcü i choma rü tá nüxü̃ nüxü̃ chacua̱xẽxẽ nax cuma rü aixcüma Tupana nax quixĩxü̃.

Nüxíraxü̃xü̃ ga popera ga Pedru ümatüxü̃ 1:21

Rü ñu̱xma rü Cristugagu nixĩ i nüxü̃́ peyaxõgüxü̃ ya Tupana ga yuwa Cristuxü̃ írüdaxẽẽcü rü daxũwa nagacü. Rü ngẽmaca̱x nixĩ i ñu̱xma i Tupanaaxü̃́ peyaxõgüxü̃ rü ípenangu̱xẽẽgüxü̃ nax daxũwa pexü̃ nagagüxü̃ca̱x.