Ore i mexü̃ ga Cuáü̃ ümatüxü̃ 17:3 - Tupanaarü Ore

³ Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Ore i mexü̃ ga Cuáü̃ ümatüxü̃ 17:3 Referans Kwoze

Nüxíraxü̃xü̃ ga popera ga Cuáü̃ ümatüxü̃ 5:20

Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.

Ore i mexü̃ ga Cuáü̃ ümatüxü̃ 17:25

Pa Chaunatü ya Aixcümacüx, ñoma i naanecüã̱x i duü̃xü̃gü rü tama cuxü̃ nacua̱xgü. Natürü choma rü cuxü̃ chacua̱x. Rü ngẽma choxna cumugüxü̃ rü ta marü nüxü̃ nacua̱xgü nax cuma núma choxü̃ cumuxü̃.

Ore i mexü̃ ga Cuáü̃ ümatüxü̃ 3:17

Yerü ga Tupana rü tama ñoma ga naanewa nanamu ga Nane nax poxcu duü̃xü̃gümaxã naxueguxü̃ca̱x. Natürü núma nanamu ga Nane nax duü̃xü̃güxü̃ namaxẽxẽẽxü̃ca̱x.

Ochéa 6:3

¡Rü ngĩxã pora taxüe nax aixcüma Cori ya Tupanaxü̃ icuáxü̃ca̱x rü naga ixĩnüexü̃ca̱x! Rü nüma ya Cori ya Tupana rü aixcüma tá taxca̱x ínangu ñoma üa̱xcü guxü̃guma ínguxü̃rüxü̃ rü ñoma pucü guxü̃guma waixü̃mü iwaimüanexẽẽcürüxü̃”, ñanagürügü tá —ñanagürü ya Tupana.

Nüxíraxü̃xü̃ ga popera ga Cuáü̃ ümatüxü̃ 4:6

Natürü i yixema rü Tupanaxacügü tixĩgü. Rü yíxema Tupanaxü̃ cuáxe rü tüxü̃́ itarüxĩnü. Natürü yíxema tama Tupanaxü̃ cuáxe rü tama tüxü̃́ itarüxĩnü. Rü ngẽmawa nüxü̃ tacua̱x nax texé tixĩgüxü̃ ya aixcüma Tupanaãxẽarü duü̃xü̃gü ixĩgüxe rü texé tixĩgüxü̃ ya uanüarü duü̃xü̃gü ixĩgüxe.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Ore i mexü̃ ga Cuáü̃ ümatüxü̃ 17:23

Rü chanaxwa̱xe nax ngẽma choxna cumugüxü̃wa changexmaxü̃ rü cuma i chowa nax cungexmaxü̃ nax ngẽmaãcü aixcüma wüxitama ixĩgüxü̃ca̱x i yixema. Rü ngẽmaãcü i ñoma i naanecüã̱x i duü̃xü̃gü rü tá nüxü̃ nicua̱xãchitanü nax cuma núma choxü̃ cumuxü̃. Rü tá nüxü̃ nicua̱xãchitanü nax cuma nüxü̃ cungechaü̃xü̃ i ngẽma choxna cumugüxü̃ ngẽma choxü̃ cungechaü̃xü̃rüxü̃.

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Ore i mexü̃ ga Cuáü̃ ümatüxü̃ 17:21

Rü cuxna chaca nax guxü̃ma i ngẽma choxna cumugüxü̃ rü wüxitama yaxĩgüxü̃ca̱x ngẽma cuma rü choma nax wüxitama ixĩgüxü̃rüxü̃. Rü ngẽxgumarüxü̃ ta cuxna chaca nax nümagü rü wüxitama tamaxã yaxĩgüxü̃ nax ngẽmaãcü i ñoma i naanecüã̱x i duü̃xü̃gü yaxõgüxü̃ca̱x nax cuma núma choxü̃ cumuxü̃.

Ore i mexü̃ ga Cuáü̃ ümatüxü̃ 3:34

Rü yimá Tupana núma namucü, rü Tupanaarü orexü̃ nixu. Erü Tupana rü nüxna nanamu i Naãxẽ ya Üünexü̃ nax guxü̃guma naxü̃tawa nangẽxmaxü̃ca̱x.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

2 Tesalonicenses 1:8

Rü núma tá naxũ i nüma ya tórü Cori ya Ngechuchu nax napoxcueãxü̃ca̱x i ngẽma duü̃xü̃gü i tama Tupanaxü̃ cua̱xgüchaü̃xü̃ rü tama naga ĩnüexü̃ i ngẽma ore i mexü̃ i tórü Cori ya Ngechuchu ya Cristuchiga.

Ore i mexü̃ ga Cuáü̃ ümatüxü̃ 17:8

Rü choma rü marü namaxã nüxü̃ chixu ga curü ore ga chomaxã nüxü̃ quixuxü̃. Rü nüma rü marü nayaxõgü i ngẽma ore. Rü nüxü̃ nicua̱xãchitanü nax aixcüma cuxü̃tawa ne chaxũxü̃ i chomax. Rü nayaxõgü nax cuma núma choxü̃ cumuxü̃.

Ore i mexü̃ ga Cuáü̃ ümatüxü̃ 14:26

Natürü Chaunatü rü tá chauégagu núma nanamu i Naãxẽ ya Üünexü̃ nax pexü̃ nangü̃xẽẽxü̃ca̱x. Rü nüma i Naãxẽ ya Üünexü̃ tá pexü̃ nangúexẽxẽ i guxü̃ma, rü tá nüxna pexü̃ nacua̱xãchixẽxẽ i guxü̃ma i ore ga pemaxã nüxü̃ chixuxü̃.

Ore i mexü̃ ga Cuáü̃ ümatüxü̃ 8:19

Rü yexguma ga nümagü rü nüxna nacagüe rü ñanagürügü: —¿Ngexcü ya yimá Cunatü? —ñanagürügü. Rü Ngechuchu nanangãxü̃ rü ñanagürü: —Pema rü tama choxü̃ pecua̱x rü tama Chaunatüxü̃ pecua̱x. Rü ngẽxguma chi choxü̃ pecua̱xgügu nax texé chixĩxü̃ rü Chaunatüxü̃ rü chi ta pecua̱x —ñanagürü.

1 Corintios 15:34

Rü name nixĩ i mea pegüãẽgu perüxĩnüe rü nüxü̃ perüxoe i ngẽma perü chixexü̃gü. Rü wüxi i perü ãne nixĩ nax pemaxã nüxü̃ chixuxü̃ nax ñuxre i pemax rü tama aixcüma Tupanaxü̃ pecua̱xgüxü̃.

Ichaía 53:11

Natürü nawena nax ngúxü̃ yangexü̃, rü tá nataãxẽ erü nüxü̃ nacua̱x nax norü yugagu muxü̃ma i duü̃xü̃gü tá nanayauxgü i maxü̃ i taguma gúxü̃. Rü nüma ya Cori ya Tupanaarü duü̃ ya mecü rü tá Tupanape̱xewa nayamexẽxẽ i muxü̃ma i duü̃xü̃gü rü tá nayange i norü pecadugü.

1 Tesalonicenses 1:9

Yerü nümagütama ga yema duü̃xü̃gü rü marü nüxü̃ nixugügü nax mea toxü̃ peyauxgüxü̃ ga yexguma petanüwa taxĩxgu. Rü nüxü̃ nixugügü nax nüxü̃ perüxoexü̃ ga perü tupananetachicüna̱xãgü nax Tupanaxü̃chi ya maxü̃cü rü ixaixcümacüwe perüxĩxü̃ca̱x nax nüxü̃́ pepuracüexü̃ca̱x.

Yeremía 10:10

Natürü, Pa Corix, cuma nixĩ ya aixcüma Tupana ixĩcü. Rü cuma nixĩ ya Tupana ya Maxü̃cü ya guxü̃guma ãẽ̱xgacü quixĩxü̃. Rü ngẽxguma cunuxgu rü nidu̱xru i ñoma i naane. Rü ngẽma nachixü̃anecüã̱xgü rü tama namaxã naporae ega cunuxgu —ñanagürü.

Ichaía 48:16

¡Rü nua pexĩ rü choxü̃́ iperüxĩnüe! Rü guxü̃ma ga yema nagu charüxĩnüxü̃ rü noxriarü ügügucürüwa rü taguma cúãcü nüxü̃ chixu. Rü yexguma Chíru Babiróniaxü̃ rüporamaegu rü choma rü yéma chayexma. Rü ñu̱xma i choma ya Cori ya Tupana ya Guxü̃étüwa Changexmaxü̃ rü chanamu i Chíru rü nüxna chanaxã i pora —ñanagürü.

Wiyaegü 9:10

Pa Corix, yíxema cuxü̃ cua̱xgüxe rü cuxü̃́ tayaxõgü. Rü taguma tüxü̃ icuyarüngüma ya yíxema cuxca̱x daugüxe.

Ore i mexü̃ ga Cuáü̃ ümatüxü̃ 10:36

Rü Tupana choxü̃ naxuneta nax chanaxüxü̃ca̱x i norü puracü rü ñoma ga naanewa choxü̃ namu. ¿Rü ñuxãcü i nagu perüxĩnüexü̃ nax Tupanaaxü̃́ chanangu̱xẽẽxü̃ i ngẽxguma Tupana Nane chixĩxü̃, ñachagu pemaxã?

Ore i mexü̃ ga Cuáü̃ ümatüxü̃ 7:29

Rü yimá Tupana nixĩ ya núma choxü̃ namucü. Rü choma rü meama nüxü̃ chacua̱x yerü naxü̃tawa nixĩ i ne chaxũxü̃ —ñanagürü.

Ore i mexü̃ ga Cuáü̃ ümatüxü̃ 6:57

Chaunatü ga núma choxü̃ mucü rü namaxü̃. Rü nüma choxna nanaxã i maxü̃. Rü ngẽxgumarüxü̃ ta i choma rü tá tüxna chanaxã i maxü̃ ya yíxema choxü̃ yaxúxe rü choxü̃́ yaxṍxe.

Norü taxre ga to ga popera ga ãẽ̱xgacügüchiga ümatüxü̃ 15:3

Rü nũxcüma ga Iraétanüxü̃ rü mucüma ga taunecü nüxna nixĩgachi ya yimá aixcüma Tupana ixĩcü rü tama nüxü̃ nacua̱xgü ga norü ore yerü nataxuma ga chacherdótegü ga nangúexẽẽxü̃.

Ore i mexü̃ ga Cuáü̃ ümatüxü̃ 5:44

¿Rü ñuxãcü chi choxü̃́ peyaxõgü ega naxca̱x pedaugügu nax duü̃xü̃gü pemaxã taãxẽxü̃ rü tama naxca̱x pedaugügu nax Tupana ya nügümaxã wüxicacü pemaxã taãxẽxü̃?

Ore i mexü̃ ga Cuáü̃ ümatüxü̃ 11:42

Choma nüxü̃ chacua̱x rü guxü̃guma choxü̃ cuxĩnü. Natürü moxẽ cuxna chaxã i ñu̱xma erü chanaxwa̱xe i ñaa duü̃xü̃gü nax yaxõgüãxü̃ nax cuma núma choxü̃ cumuxü̃ —ñanagürü.

Ore i mexü̃ ga Luca ümatüxü̃ 9:48

Rü ñanagürü nüxü̃ ga norü ngúexü̃gü: —Texé ya chauégagu ñaa buxü̃xü̃ yaxúxe, rü choxü̃ nixĩ i tayaxuxü̃. Rü yíxema choxü̃ yaxúxe, rü Chaunatü ya núma choxü̃ mucüxü̃ rü ta tayaxu. Rü yíxema guxãarü yexera tügü írüxíraxe, rü yíxema tixĩ ya guxãarü yexera ixĩxẽ —ñanagürü.

Ore i mexü̃ ga Márcu ümatüxü̃ 9:37

—Rü texé ya chauégagu mea nayaxúxe i wüxi i buxü̃ i ñaarüxü̃, rü choxü̃ nixĩ i tayaxuxü̃. Rü texé ya choxü̃ yaxúxe, rü tama choxü̃xicatama tayaxu, natürü yimá núma choxü̃ mucü ya Chaunatüxü̃ rü ta nixĩ i tayaxuxü̃ —ñanagürü.

1 Corintios 8:4

Rü ngẽma nax nangṍxü̃ i ngẽma namachi i tupananetachicüna̱xãgüca̱x daixü̃, rü meama nüxü̃ tacua̱x nax taxuwama namexü̃ i ngẽma tupananetachicüna̱xãgü, erü tama aixcüma Tupanaxü̃chi nixĩgü. Erü wüxixicatama nixĩ ya Tupana ixĩcü, rü nataxuma i to.

Ucu̱xẽgüchiga 8:35

Yíxema choxü̃ iyanga̱u̱xe rü nüxü̃ itayangau i maxü̃, rü ngẽxgumarüxü̃ ta nüxü̃ itayangau ya Cori ya Tupanaarü ngúchaü̃.

Ore i mexü̃ ga Cuáü̃ ümatüxü̃ 17:18

Rü yexgumarüxü̃ ga ñoma ga naanecüã̱x ga duü̃xü̃gütanüwa choxü̃ nax cumuxü̃, rü ngẽxgumarüxü̃ ta i choma rü ñoma i naanecüã̱x i duü̃xü̃gütanüwa chanamugü i ngẽma choxna cumugüxü̃.

Filipenses 3:8

Rü ñu̱xma nax Ngechuchu ya Cristu ya chorü Corixü̃ chacuáxü̃, rü cha̱u̱xca̱x rü guxü̃ma ga yema ü̃pa nagu chixũxü̃ rü taxuwama name. Rü guxü̃ma ga yema mugü ga noxri nagu chixũxü̃ rü marü nüxü̃ charüxo nax Cristuwe charüxũxü̃ca̱x. Rü ñu̱xma nax Cristuwe charüxũxü̃ rü cha̱u̱xca̱x rü ñoma guxchirerüxü̃ nixĩ ga yema ü̃pa nagu chixũxü̃

Filipenses 3:10

Rü ngẽma ñu̱xma chanaxwa̱xexü̃ nixĩ nax aixcüma Cristuxü̃ chacuáxü̃ rü chowa nax nangẽxmaxü̃ i Tupanaarü pora ga wena Cristuxü̃ írüdaxẽẽxü̃. Rü yema ngúxü̃ nax yangexü̃ ga nüma rü nax nayuxü̃ rü ngẽxgumarüü̃tama i choma rü íchamemare nax naxca̱x ngúxü̃ chingexü̃ rü naxca̱x chayuxü̃ nax yixcaama choma rü ta yuwa ícharüdaxü̃ca̱x.

Popera ga Yudíugü ga yaxõgüxü̃ca̱x ümatüxü̃ 3:1

Rü ñu̱xma Pa Chauenexẽgü ya Tupanape̱xewa Üünegüxe, rü pexü̃ nixĩ ya Tupana i nadexü̃ nax norü duü̃xü̃gü pixĩgüxü̃ca̱x. Rü ngẽmaca̱x name nixĩ i mea nagu perüxĩnüe ya Ngechuchu ya Cristu ya Tupana núma namucü. Rü nüma ya Ngechuchu nixĩ i tórü chogüruxü̃ i Tupanape̱xewa tüxü̃ ixüünexẽẽcü. Rü yimáaxü̃́ nixĩ i yaxõgüxü̃.

Norü taxre ga popera ga Pedru ümatüxü̃ 1:2

Rü ñu̱xma nax Tanatü ya Tupanaxü̃ pecuáxü̃ rü tórü Cori ya Ngechuchuxü̃ pecuáxü̃, rü chanaxwa̱xe i yexera pemaxã namecüma rü pexna nanaxã i taãxẽ.

Norü taxre ga popera ga Pedru ümatüxü̃ 1:3

Rü yexguma Tupana noxrütama poramaxã tüxü̃ nüxü̃ nacua̱xẽẽgu ga gumá tórü Cori ya mexẽchicü ga norü üünemaxã tüxü̃ decü, rü nüma ya Tupana rü marü tüxna nanaxã ga guxü̃ma i nacüma i mexü̃ i inaxwa̱xexü̃ nax mea naxca̱x imaxẽxü̃ca̱x.

Norü taxre ga popera ga Pedru ümatüxü̃ 1:8

Rü ngẽxguma aixcüma nagu pemaxẽgu i ngẽma nacümagü i pemaxã nüxü̃ chixuxü̃, rü taxũtáma natüca̱xma nixĩ i perü maxü̃, rü taxũtáma natüca̱xma nixĩ nax tórü Cori ya Ngechuchu ya Cristuxü̃ pecuáxü̃.

Nüxíraxü̃xü̃ ga popera ga Cuáü̃ ümatüxü̃ 1:2

Rü yimá maxẽxẽxẽruxü̃ rü toxü̃ nügü nawe̱x. Rü nüxü̃ tadaugü rü ngẽmaca̱x pemaxã nüxü̃ tixuchiga ya yimá tüxna naxãcü i maxü̃ i taguma gúxü̃. Rü noxri rü Nanatüxü̃tawa nayexma, natürü ñoma ga naanewa nangu rü toxca̱x nango̱x.

Nüxíraxü̃xü̃ ga popera ga Cuáü̃ ümatüxü̃ 1:3

Rü yema toma nüxü̃ tadaugüxü̃ rü nüxü̃ taxĩnüexü̃ rü ngẽma nixĩ i pemaxã nüxü̃ tixuxü̃ nax totanüxü̃ pixĩgüxü̃ca̱x, ngẽxgumarüxü̃ i tomax nax Tanatü ya Tupana rü Nane ya Ngechuchu ya Cristutanüxü̃ tixĩgüxü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 2:23

Guxãma ya yíxema tama nüxü̃ cuáxchaü̃xe ya Tupana Nane ya Ngechuchu, rü ngẽxgumarüxü̃ ta tama nüxü̃ tacuáxchaü̃ ya Tanatü ya Tupana. Natürü yíxema Ngechuchuaxü̃́ yaxṍxe, rü Tanatü ya Tupanaaxü̃́ rü ta tayaxõ.