Ore i mexü̃ ga Cuáü̃ ümatüxü̃ 17:14 - Tupanaarü Ore

¹⁴ Choma rü marü namaxã nüxü̃ chixu i curü ore. Natürü ñoma i naanecüã̱x i duü̃xü̃gü rü naxchi naxaie, erü tama naxrüxü̃ nixĩgü, ngẽxgumarüxü̃ i choma rü tama ñoma i naanecüã̱xrüxü̃ chixĩ.

Ore i mexü̃ ga Cuáü̃ ümatüxü̃ 17:14 Referans Kwoze

Ore i mexü̃ ga Cuáü̃ ümatüxü̃ 17:16

Choma rü tama ñoma i naanecüã̱x chixĩ. Rü nümagü rü ta chauxrüxü̃ tama ñoma i naanecüã̱x nixĩgü.

Ore i mexü̃ ga Cuáü̃ ümatüxü̃ 8:23

Rü Ngechuchu ñanagürü nüxü̃: —Pema rü ñoma i naanecüã̱x i duü̃xü̃gü pixĩgü, natürü i choma rü daxũcüã̱x chixĩ. Pema rü ñoma i naanearü duü̃xü̃gü pixĩgü, natürü i choma rü tama ñoma i naanecüã̱x chixĩ.

Ore i mexü̃ ga Cuáü̃ ümatüxü̃ 7:7

Ngẽma duü̃xü̃gü i ñoma i naanecüã̱x rü tama pexchi naxaie. Natürü chauxchi naxaie erü chanango̱xẽxẽ nax nachixexü̃ i ngẽma naxügüxü̃.

Ucu̱xẽgüchiga 29:27

Ngẽma mexü̃gu maxẽxü̃ rü tama yáxna namaxã naxĩnüe i ngẽma chixexü̃gu maxẽxü̃. Rü ngẽma chixexü̃gu maxẽxü̃ rü tama yáxna tümamaxã naxĩnüe ya yíxema mexü̃gu maxẽxe.

Nüxíraxü̃xü̃ ga popera ga Cuáü̃ ümatüxü̃ 3:12

Rü tama tanaxwa̱xe nax Caíü̃rüxü̃ ixĩgüxü̃. Nüma rü Chatanáarü duü̃xü̃ nixĩ rü naenexẽxü̃ nima̱x. ¿Rü ta̱xacüca̱x nixĩ ga yamáaxü̃? Nayama̱x yerü yema nüma naxüxü̃ rü tama name, rü yema naenexẽ üxü̃ rü name.

Chacaría 11:8

Rü wüxi ga tauemacügutama rü íchanawoxü̃ ga tomaepü̱x ga norü dauruü̃gü, yerü tama yáxna namaxã chaxĩnü, rü chauxchi naxaie.

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.

Ore i mexü̃ ga Cuáü̃ ümatüxü̃ 17:8

Rü choma rü marü namaxã nüxü̃ chixu ga curü ore ga chomaxã nüxü̃ quixuxü̃. Rü nüma rü marü nayaxõgü i ngẽma ore. Rü nüxü̃ nicua̱xãchitanü nax aixcüma cuxü̃tawa ne chaxũxü̃ i chomax. Rü nayaxõgü nax cuma núma choxü̃ cumuxü̃.

Nüxíraxü̃xü̃ ga popera ga Cuáü̃ ümatüxü̃ 3:13

Pa Chauenexẽgüx, ¡taxṹ i peba̱i̱xãchiãẽgüxü̃ ega pexchi naxaiegu i ñoma i naanecüã̱x i duü̃xü̃gü!

Ore i mexü̃ ga Márcu ümatüxü̃ 10:39

Rü nümagü nanangãxü̃gü rü ñanagürügü: —Ngẽmáacüx, namaxã tá taporae —ñanagürügü. Rü Ngechuchu nanangãxü̃, rü ñanagürü nüxü̃: —Aixcüma tá nixĩ i chauxrüxü̃ peyaxaxüxü̃ i ngẽma axexü̃ i üxchíüxü̃ rü chauxrüxü̃ ngúxü̃ nax pingegüxü̃.