Ore i mexü̃ ga Cuáü̃ ümatüxü̃ 16:22 - Tupanaarü Ore

²² Rü ngẽxgumarüxü̃ tá pexü̃ nangupetü i pemax, erü ñu̱xma rü penaxĩ̱xãchiãẽgü. Natürü wena táxarü chataegu nax pexü̃ íchayadauxü̃ca̱x. Rü ngẽxguma rü tá pexü̃́ nangẽxma i wüxi i taãxẽ i taxucürüwama texé pexna yaxuxü̃.

Ore i mexü̃ ga Cuáü̃ ümatüxü̃ 16:22 Referans Kwoze

Nüxíraxü̃xü̃ ga popera ga Pedru ümatüxü̃ 1:8

Pema rü Ngechuchu ya Cristuxü̃ pengechaü̃gü woo taguma nüxü̃ nax pedaugüxü̃. Rü ñu̱xma rü ta woo tama nüxü̃ pedaugü, natürü nüxü̃́ peyaxõgü, rü poraãcü petaãẽgü. Rü ngẽma perü taãẽmaxã rü pexü̃́ nataxuma i perü dexa nax ñuxãcü nüxü̃ pixugüxü̃ca̱x i ngẽma perü taãxẽ. Erü ngẽma perü õgagu marü penayauxgü i perü maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 13:52

Natürü yema yaxõgüxü̃ ga guma ĩane ga Antioquíawa yexmagüxü̃ rü poraãcü Tupanamaxã nataãẽgü, rü Naãxẽ ya Üünexü̃ rü aixcüma nawa nayexma.

Ore i mexü̃ ga Cuáü̃ ümatüxü̃ 16:6

Rü ñu̱xma rü poraãcü pengechaü̃güama erü pemaxã nüxü̃ chixu i ngẽma ore.

2 Tesalonicenses 2:16

Rü tórü Cori ya Ngechuchu ya Cristu rü Tanatü ya Tupana ya tüxü̃ ngechaü̃cü rü guxü̃guma taãxẽ tüxna ãcü rü marü tamaxã namecüma rü ngẽmaca̱x tamaxã inaxuneta nax guxü̃gutáma naxü̃tawa ingẽxmagüxü̃.

Ngechuchuarü ngúexü̃gü ga yamugüxü̃arü puracüchiga 16:25

Natürü ngãxü̃cüügu rü nayumüxẽgü ga Pauru rü Chíra, rü nawiyaegü rü Tupanaxü̃ nicua̱xüü̃gü. Rü yema togü ga poxcuexü̃ rü nüxü̃ naxĩnüe.

Ichaía 25:9

Rü ngẽma ngunexü̃gu i ngẽma duü̃xü̃gü rü ñanagürügü tá: —Daa nixĩ ya tórü Tupana ya nagu yaxõgücü rü tüxü̃ ínguxü̃xẽẽcü. ¡Ngĩxã tá taãẽgü rü nüxü̃ ticua̱xüü̃gü erü nüma tüxü̃ ínanguxü̃xẽxẽ! —ñanagürügü tá.

Wiyaegü 146:2

Rü ñu̱xma nax chamaxü̃xü̃ rü Cori ya Tupanaxü̃ tá chicua̱xüxü̃. Rü ñoma rü ta nax chamaxü̃ rü naxca̱x tá chawiyae ya yimá chorü Tupana.

Ngechuchuarü ngúexü̃gü ga yamugüxü̃arü puracüchiga 2:46

Rü guxü̃ ga ngunexü̃gu Tupanapata ga taxü̃newa nangutaque̱xegüxü̃, rü chibüca̱x nangutaque̱xegüxü̃ ga napatagüwa. Rü taãẽãcüma nügümaxã nachibüe.

Popera ga Yudíugü ga yaxõgüxü̃ca̱x ümatüxü̃ 10:34

Rü pema rü pexü̃́ nangechaü̃tümüü̃gü ga yema petanüxü̃ ga yaxõgüxü̃ ga poxcupataü̃wa yexmagüxü̃. Rü taãẽãcüma yáxna namaxã pexĩnüe ga yema tama yaxõgüxü̃ ga pexna napuxü̃xü̃ ga perü yemaxü̃gü. Rü tama naxca̱x pexoegaãxẽ, yerü meama nüxü̃ pecua̱x rü daxũguxü̃ i naanewa pexü̃́ nangẽxma i ngẽmaarü yexera ixĩxü̃ i tagutáma gúxü̃.

Popera ga Yudíugü ga yaxõgüxü̃ca̱x ümatüxü̃ 6:18

Rü nüxü̃ tacua̱x rü ngẽxguma ta̱xacüca̱x nügüégagu inaxunetagu ya Tupana, rü taxucürüwama tüxü̃ nawomüxẽxẽ rü nanaxüchicüü i ngẽma. Rü ñu̱xma i guxãma i yixema nax Tupanaarü ngü̃xẽẽca̱x idauxü̃ nax tüxü̃ ínapoxü̃xü̃ca̱x, rü tüxü̃́ nangẽxma i taxü̃ i taãxẽ, erü nüxü̃ tacua̱x rü aixcüma tá tanayaxu i ngẽma maxü̃ i taguma gúxü̃ i tamaxã inaxunetaxü̃.

Ngechuchuarü ngúexü̃gü ga yamugüxü̃arü puracüchiga 5:41

Rü yema ãẽ̱xgacügüna ínixĩ ga yema ngúexü̃gü. Rü nataãẽgü yerü woetama Tupana nanaxwa̱xe nax yemaacü Ngechuchuca̱x ngúxü̃ yangegüxü̃.

Ore i mexü̃ ga Cuáü̃ ümatüxü̃ 21:7

Rü yexguma ga yema ngúexü̃ ga Ngechuchu poraãcü nüxü̃ ngechaü̃xü̃ rü Chimóü̃ ga Pedruxü̃ ñanagürü: —Yimá nixĩ ya Cori ya Ngechuchu —ñanagürü. Rü yexguma yemaxü̃ naxĩnügu ga Pedru ga gumá nax yixĩxü̃ ga Cori, rü nicuxcuchi ga naxchiru yerü noxri rü ínacuxuchi. Rü natüchíüwa nayuxu, rü naxãnacüwa nawẽxẽ.

Ore i mexü̃ ga Cuáü̃ ümatüxü̃ 14:27

Rü ñu̱xma nax pexna íchixũxü̃, rü pexna chanaxã i taãxẽ. Natürü ngẽma taãxẽ i pexna chaxãxü̃, rü tama ñoma i naanecüã̱x pexna ãxü̃ i taãẽrüxü̃ nixĩ. Rü tama chanaxwa̱xe i penaxĩ̱xãchiãẽgü rü pemuü̃e.

Ore i mexü̃ ga Cuáü̃ ümatüxü̃ 14:1

Rü Ngechuchu rü ñanagürü: —¡Taxṹ i penaxĩ̱xãchiãẽgüxü̃ i pemax! ¡Tupanaaxü̃́ peyaxõgü rü choxü̃́ rü ta peyaxõgü!

Ore i mexü̃ ga Cuáü̃ ümatüxü̃ 4:14

Natürü texé ya yíxema choma tá tüxna chaxãxü̃ i dexáwa axexe, rü tagutáma wena tita̱xawa. Erü ngẽma dexá i choma tá tüxna chaxãxü̃ rü wüxi ya puchu ya guxü̃guma ibaibecürüxü̃ tá nixĩ i tümawa, erü ngẽma dexáwa nangẽxma i maxü̃ i taguma gúxü̃ —ñanagürü.

Ore i mexü̃ ga Luca ümatüxü̃ 24:41

Natürü ga yema duü̃xü̃gü rü yexguma rü ta tama nüxü̃́ nayaxõgü, yerü naba̱i̱xãchiãẽgü rü nataãẽgü. Rü yemaca̱x ga Ngechuchu rü nüxna naca rü ñanagürü nüxü̃: —¿Pexü̃́ nangẽxmaxü̃ i õna i nua? —ñanagürü.

Ore i mexü̃ ga Luca ümatüxü̃ 16:25

Natürü Abraáü̃ rü ñanagürü nüxü̃: “Pa Chaunex, ¡nüxna nacua̱xãchi nax taxuxü̃ma cuxü̃́ taxuxü̃ ga yexguma cumaxü̱̃xgu! Natürü Lácharo rü poraãcü guxchaxü̃wa nayexma. Rü ngẽmaca̱x i ñu̱xma rü nua mexü̃wa nangẽxma i Lácharo, rü cuma rü ngéma poxcuchicawa ngúxü̃ quinge.

Ore i mexü̃ ga Luca ümatüxü̃ 10:42

Natürü wüxixicatama nixĩ i guxü̃arü yexera i mexü̃ nax nagu curüxĩnüxü̃. Rü María iyixĩ i nayaxucü i ngẽma rümemaxü̃. Rü taxúetama tá ngĩxna tayanuxü̃ i ngẽma —ñanagürü ga Ngechuchu.

Ore i mexü̃ ga Matéu ümatüxü̃ 28:8

Rü yexguma ga yema ngecügü rü paxãma nüxna íiyaxĩ ga yema naxmaxü̃. Rü imuü̃ẽ, natürü itaãẽgü ta. Rü poraãcü ixü̃ãchi nax Ngechuchuarü ngúexü̃gümaxã nüxü̃ nax yanaxugüexü̃ca̱x ga yema ore ga daxũcüã̱x ngĩmaxã nüxü̃ ixuxü̃.

Ore i mexü̃ ga Cuáü̃ ümatüxü̃ 16:20

Rü aixcüma pemaxã nüxü̃ chixu rü pema rü tá pexauxe, rü tá pengechaü̃gü. Rü yoxni ñoma i naanecüã̱x i duü̃xü̃gü rü tá nataãẽgü. Natürü woo pema tá pengechaü̃gü, rü ngẽma perü ngechaü̃ rü tá taãẽxü̃ nananguxuchi.

Ore i mexü̃ ga Luca ümatüxü̃ 19:26

Rü gumá ãẽ̱xgacü nanangãxü̃, rü ñanagürü: “Pemaxã nüxü̃ chixu rü yíxema tüxü̃́ nangẽxmacü rü yexera tá tüxna ngĩxü̃ taxã. Natürü yíxema tüxü̃́ natau̱xcü rü woo ngẽma noxre i tüxü̃́ ngẽxmacü rü tá tüxna ngĩxü̃ tayaxu.

Yox 34:29

Rü ngẽxguma chi Tupana rüchianegu ¿rü texé tá nüxü̃ tixu nax chixexü̃ taxüxü̃? Rü ngẽxguma duü̃xü̃gücha̱xwa nügü yacu̱xgu ¿rü texé tá nüxü̃ tadauama? Rü nüma nixĩ i nüxna nadauxü̃ ya ĩanegü rü duü̃xü̃gü nax tama namaxã inacua̱xgüxü̃ca̱x i ngẽma ãẽ̱xgacügü i chixexü̃ i duü̃xü̃güxü̃ womüxẽẽxü̃.

Ore i mexü̃ ga Cuáü̃ ümatüxü̃ 16:16

Rü paxaãchi taxũtáma choxü̃ pedau. Natürü yixcüra rü wena táxarü choxü̃ pedau erü Chaunatüxü̃tawa tá chaxũ —ñanagürü ga Ngechuchu.

Wiyaegü 33:21

Rü ngẽmaca̱x tórü Cori ya Tupanamaxã tataãẽgü, rü naéga i üünexü̃axü̃́ tayaxõgü.

Yeremía 31:12

Rü nümagü rü tá Yerucharéü̃wa nangugü, rü Chióü̃arü ma̱xpǘnewa tá taãẽãcü nayawiyaegü. Rü mexü̃wa tá nangẽxmagü, erü Cori ya Tupana rü tá nüxna nanaxã i guxü̃ma i mexü̃gü i trigu rü bínu, rü chíxü̃, rü carnérugü rü wocagü. Rü tá mea nachibüe rü naporae. Rü ñoma wüxi i putüranecü i mea maixnecüxü̃rüxü̃ tá nixĩgü. Rü wüxi i nachixü̃ane i poraxü̃ tá nixĩ, rü taxũtáma wena ngúxü̃ ningegü.

Ore i mexü̃ ga Cuáü̃ ümatüxü̃ 14:19

Rü paxa tá nixĩ nax taxũtáma choxü̃ nadaugüxü̃ i ñoma i naanecüã̱x i duü̃xü̃gü. Natürü i pema rü tá choxü̃ pedaugü. Rü choma rü chamaxü̃ rü ngẽmaca̱x tá pemaxẽ i pema.

2 Corintios 6:10

Rü woo tangechaü̃gügu, natürü guxü̃guma tataãẽgü. Rü woo ñoma i naanewa tama tamuarü ngẽmaxü̃ã̱xgügu, natürü togagu muxü̃ma i duü̃xü̃gü nanayauxgü i maxü̃ i taguma gúxü̃. Rü woo taxuxü̃ma toxü̃́ nangẽxma i ñoma i naanewa, natürü aixcüma toxü̃́ nangẽxma i guxü̃ma.