Ore i mexü̃ ga Cuáü̃ ümatüxü̃ 16:21 - Tupanaarü Ore

²¹ Ngẽxguma wüxi i nge íxraxacüchaü̃gu rü inaxĩ̱xãchiãẽ, erü inguxneca. Natürü ngẽxguma marü nabuxgu ya ngĩxacü, rü nüxü̃ iyarüngüma nax poraãcü ngĩxü̃́ nax nangu̱xchiréxü̃ i noxrix, erü tümamaxã itaãxẽ ya ngĩxacü.

Ore i mexü̃ ga Cuáü̃ ümatüxü̃ 16:21 Referans Kwoze

Wiyaegü 113:9

Rü yíxema ngexe ya ngexacüxe rü nüma ya Tupana rü tüxü̃ nataãẽxẽxẽ rü tüxü̃ narüngü̃xẽxẽ nax taxãxacüxü̃ca̱x. Pa Duü̃xü̃güx, ¡ngĩxã nüxü̃ ticua̱xüü̃gü ya Cori ya Tupana!

Ichaía 13:8

Rü tá poraãcü namuü̃e. Rü naxca̱x tá ínangu i taxü̃ i ĩ̱xãchiãxẽ. Rü poraãcü ngúxü̃ tá ningegü ñoma wüxi i ngecü i íxraxacüchaü̃cürüxü̃. Rü muü̃chametüãcü tá nügü narüdaunü rü norü ãnemaxã tá nayadauãchichametügü.

1 Tesalonicenses 5:3

Rü ngẽxguma duü̃xü̃gü nagu írüxĩnüegu nax guxü̃ma mexü̃ rü taxuxü̃ma nüxü̃ üpetüxü̃, rü ngẽma ngunexü̃gu rü ngürüãchi tá ínangu i taxü̃ i guxchaxü̃gü. Rü ñoma wüxi i ngecü i ãxacücü rü ngürüãchi ngĩxacümaxã ngu̱xnecacürüxü̃ tá nixĩ nax taxúema naxcha̱xwa iñaxü̃ i ngẽma.

Miquéa 4:10

Pa Ĩane ya Chióü̃x, ¡ínaxã̱ũ̱xcüta rü aita naxü ñoma wüxi ya ngexe ya íxraxacüchaü̃xerüxü̃! Erü ngẽma curü duü̃xü̃gü rü cuwa tá ínachoxü̃ rü ngürüanegumare yapexü̃tanüãcü tá Babiróniawa nangugü. Natürü wüxi i ngunexü̃ rü nüma ya Cori ya Tupana rü tá ngéma norü uanügüme̱xẽwa ínananguxü̃xẽxẽ i curü duü̃xü̃gü.

Naanearü ügüchiga 3:16

Rü yexguma ga Tupana rü yema ngexü̃ ñanagürü: —Tá chanayexeraguxẽxẽ nax cuxü̃́ nangúxü̃ i ngẽxguma cuxãxãcügux. Rü cuxü̃́ nangúãcü tá cuxíxraxacü. Natürü taxũtáma nüxü̃ curüxo nax cute cuxü̃́ ngúchaü̃xü̃. Rü nüma rü tá cumaxã inacua̱x —ñanagürü.

Ichaía 21:3

Rü ngẽxguma nüxü̃ chada̱u̱xgu i ngẽma Cori ya Tupana Babiróniacüã̱xmaxã üxü̃ rü chauxune narüwẽ rü choxü̃́ nangu̱x rü chaugü charüxã̱ũ̱xü̃ ñoma wüxi i ngexü̃ i íxraxacüchaü̃xü̃rüxü̃. Rü yíxema duü̃xẽgü ya ngúxü̃ ingegüxe nax aita taxügüxü̃, rü tümaga rü taxuxü̃ma choxü̃ naxĩnüxẽxẽ. Rü ngẽxguma nüxü̃ chada̱u̱xgu rü chorü muü̃maxã chabaixãchi.

Ichaía 66:7

Rü Yerucharéü̃ rü ngürüãchi naxíraxacü naxü̃pa nax tangu̱xnecaxü̃. Rü nabu i wüxi i nane.

Miquéa 4:9

Natürü i ñu̱xma, Pa Yerucharéü̃x, ¿rü ta̱xacüca̱x ñoma wüxi ya ngexe ya íxraxacüchaü̃xerüxü̃ aita cuxü? ¿Ẽ̱xna aixta cuxü erü cuwa rü marü nataxuma i curü ãẽ̱xgacü? ¿Ẽ̱xna marü nayu i ngẽma curü ucu̱xẽruxü̃?

Yox 11:16

Rü ngẽxguma nüxü̃ quixuxgu i curü chixexü̃ rü tá nüxü̃ curüngü̃ma i ngẽma ngúxü̃ i quingexü̃. Rü ñoma dexá i ya̱xpetüxü̃rüxü̃ tá nangupetü i ngẽma curü guxchaxü̃gü i ñu̱xma cuxü̃́ ngẽxmagüxü̃.