Ore i mexü̃ ga Cuáü̃ ümatüxü̃ 15:6 - Tupanaarü Ore

⁶ Rü texé ya tama chowa yaxṹẽchaxe rü tá ítata̱xüchi. Rü wüxi i úbachacüxü i daexü̃ rü ipaxü̃ rü üxüwa iguxü̃rüxü̃ tá tixĩ.

Ore i mexü̃ ga Cuáü̃ ümatüxü̃ 15:6 Referans Kwoze

Ore i mexü̃ ga Matéu ümatüxü̃ 7:19

Rü guxü̃ma i nanetü i tama mexü̃ i norü o rü tayadaxüchi rü üxüwa tayata̱xcuchi.

Ore i mexü̃ ga Cuáü̃ ümatüxü̃ 15:2

Rü ngẽma úbachacüxü i tama choxü̃́ oxü̃, rü norü yora rü nayadae. Natürü ngẽma nachacüxü i oxü̃, rü mea nanamexẽẽtanü nax yexeraãcü poraãcü naxoxü̃ca̱x.

Ore i mexü̃ ga Matéu ümatüxü̃ 13:41

Rü nüma ya Tupana Nane ya duü̃xü̃xü̃ ixĩcü, rü tá nanamu i norü orearü ngeruü̃gü i daxũcüã̱x nax norü duü̃xü̃tanüwa ínawoxü̃ãxü̃ca̱x i ngẽma duü̃xü̃gü i toguã̱xü̃ chixexü̃gu yixẽẽxü̃ rü ngẽma chixexü̃ ügüxü̃.

Ore i mexü̃ ga Matéu ümatüxü̃ 3:10

Rü Tupanaarü yuema rü marü íimemare nax naxchúma̱xãgu nadaxü̃xü̃ca̱x i ngẽma nanetügü i tama mexü̃. Rü guxü̃ma i nanetügü i chixearü oóxü̃ rü tá nadaxü̃, rü ñu̱xũchi tá üxüwa niwocu.

Norü taxre ga popera ga Pedru ümatüxü̃ 2:20

Rü guxãma ya yíxema marü tórü Cori ya Ngechuchu ya Cristu ya tórü Maxẽxẽẽruü̃xü̃ yauxgüxe, rü marü nawa ítanguxü̃ i ñoma i naanearü chixexü̃gü. Natürü ngẽxguma chi wenaxarü naxca̱x tawoegugu i ngẽma chixexü̃ i nawa ítanguxü̃chiréxü̃, rü aixcüma noxriarü yexera tichixe.

Popera ga Yudíugü ga yaxõgüxü̃ca̱x ümatüxü̃ 10:27

Rü ngẽmaca̱x yíxema Cristuna ixũgachixe rü ngẽma tüxü̃ ínangu̱xẽẽxü̃ nixĩ i ngẽma ãũcümaxü̃ i poxcu ya yima üxü ya iya̱u̱xrane ya nagu Tupana tá napoxcuexü̃ i norü uanügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:15

Rü guma naxtaxa ga üxümaxã iya̱u̱xrachiünewa nawoü̃ ga yema tama nawa ngo̱xégagüxü̃ i Tupanaarü popera i nagu yawǘgüxü̃ i ngẽma nüxü̃́ ngẽxmagüxü̃ i maxü̃ i taguma gúxü̃.

Nüxíraxü̃xü̃ ga popera ga Cuáü̃ ümatüxü̃ 2:19

Rü ngẽma Cristuarü uanügü rü tatanüwatama nangẽxmagüchire̱x, natürü tama aixcüma tatanüxü̃ nixĩgü, erü ngẽxguma chi tatanüxü̃ yixĩgügu rü tatanügu chitama narücho. Natürü marü tatanüwa ínachoxü̃ nax meama nangóxü̃ca̱x nax tama aixcüma tatanüxü̃ yixĩgüxü̃.

Echequié 17:9

¡Rü chauégagu Iraétanüxü̃maxã nüxü̃ ixu i ñaa ore i ñaxü̃! “Cori ya Tupana rü ñanagürü: ‘Ngẽma úbane rü taxũtáma naya. Rü ngẽma nüxíraxü̃xü̃ i ĩyü tá nanatuxü̃chuma̱xã, rü ñu̱xũchi tá nanayixẽxẽ i norü o. Rü tá narüñẽxẽxgü i ngẽma natanügü i ngexwaca rüxügüxü̃, rü tá nayu. Rü taxũtáma nanaxwa̱xe i muxü̃ i duü̃xü̃gü rüe̱xna wüxi i duü̃xü̃ i poraxü̃ nax nabéãxü̃.

Ichaía 14:19

Natürü i cuma rü cuxmaxü̃arü yáxü̃wa tá cuxü̃ nayata̱xgümare ñoma wüxi i guxchire iyixanexü̃rüxü̃ rü ñoma wüxi i yuxü̃ i nawa nangagümarexü̃rüxü̃. Rü duü̃xü̃gü i nada̱i̱xü̃ rü ínadaü̃naagüxü̃tanüwa tá cungexma nax wüxigu namaxã ngẽma ãxmaxü̃ i nutamaxã ããcuxü̃gu cuxü̃ yata̱xcuchigüxü̃ca̱x.

Wiyaegü 80:15

Rü ñoma úba itoxü̃rüxü̃ rü cuma rü ñaa naanegu toxü̃ cumugü. Rü cumatama toxna cudau ñoma úba i ngexwaca rüxüxü̃ rü igüpǘnexü̃rüxü̃.

Yox 15:30

Rü taxũtáma norü yucha̱xwa niña. Rü ñoma wüxi i nai i ngexwaca rüxüchacüüxü̃ rü üxüwa iguxü̃rüxü̃ tá nixĩ nax nayuxü̃. Rü ñoma putürachacugü i buanecü rüyixẽẽxü̃rüxü̃ tá nixĩ.

Ore i mexü̃ ga Matéu ümatüxü̃ 27:5

Rü yexguma ga Yúda rü yexma Tupanapata ga taxü̃nechiãgu ngĩxü̃ nawotanü ga yema diẽru. Rü ñu̱xũchi ínixũ rü nügü nayawẽxnaxã.

Ichaía 27:10

Rü yima ĩane ya ípoxegune rü nagu napogüe ñoma wüxi ya ĩpata ya ngéma ta̱xmarenerüxü̃. Rü ñoma naane i taxúema ixãpataxü̃warüxü̃ nixĩ. Rü wüxi i nachica i wocagü nawa chibüexü̃ rü naixchacüügü nawa nangõ̱xgüxü̃ rü ñu̱xũchi nagu nacagüxü̃ nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8

Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

2 Chamué 23:7

Rü ngẽma tuxu rü tama nüxü̃ nax ingógüxü̃ca̱x rü áchumena̱xãmaxã rüe̱xna wocaemaxã tayacuixü̃tanü üxüétüwa nax ngẽxma meama yaxaexü̃ca̱x —ñanagürü ga Dabí.