Ore i mexü̃ ga Cuáü̃ ümatüxü̃ 15:4 - Tupanaarü Ore

⁴ Rü name nixĩ i guxü̃guma chowa peyaxũ̱xgü, ngẽma nax choma rü pewa chayaxṹxü̃rüxü̃. Erü wüxi i úbachacüxü rü tama nüxica naxo, ega tama nanewa yaxũxgux. Rü ngẽxgumarüxü̃ ta i pema rü taxuacüma ta̱xacü cha̱u̱xca̱x pexü, ega tama chowa peyaxũ̱xgüechagu.

Ore i mexü̃ ga Cuáü̃ ümatüxü̃ 15:4 Referans Kwoze

Nüxíraxü̃xü̃ ga popera ga Cuáü̃ ümatüxü̃ 2:6

Rü yíxema ñagüxe: “Tupanaarü duü̃xü̃ chixĩ”, ñagüxe, rü name nixĩ nax mea tamaxü̃xü̃ yema Ngechuchu ya Cristu mea maxü̃xü̃rüxü̃.

Gálatas 2:20

Rü choma rü wüxigu Cristumaxã curuchawa chipota. Rü ñu̱xma rü marü tama chaugümaxãtama ichacua̱x, natürü Cristu nixĩ ya chomaxã icuácü erü chowa namaxü̃. Rü ñu̱xma rü Tupana Nane ya Cristuaxü̃́ chayaxõõcüma nixĩ i chamaxü̃xü̃. Rü nüma nixĩ ga choxü̃ nangechaü̃xü̃, rü nügü inaxãxü̃ nax cha̱u̱xca̱x nayuxü̃ca̱x.

Ore i mexü̃ ga Cuáü̃ ümatüxü̃ 8:31

Rü yexguma ga Ngechuchu rü ñanagürü nüxü̃ ga yema Yudíugü ga nüxü̃́ yaxõgüxü̃: —Ngẽxguma pema meama peyaxõgüechagu i ngẽma pemaxã nüxü̃ chixuxü̃, rü aixcümaxü̃chi tá chorü ngúexü̃gü pixĩgü.

Norü taxre ga popera ga Cuáü̃ ümatüxü̃ 1:9

Rü yíxema nangupetüxẽẽ́xe ga yema Cristu tüxü̃ ngúexẽẽxü̃, rü tama Tupanaxü̃ tacua̱x. Natürü yíxema tama nüxna íchoxü̃xẽ ga yema Cristu tüxü̃ ngúexẽẽxü̃, rü aixcüma nüxü̃ tacua̱x ya Tanatü ya Tupana rü Nane ya Ngechuchu.

Ore i mexü̃ ga Cuáü̃ ümatüxü̃ 6:56

Texé ya chaxunemaxã ãwemüxe rü chaugüwa axexe rü chowa tayaxũ̱x rü choma i tümawa.

Filipenses 1:11

Rü naxca̱x íchaca nax Ngechuchu ya Cristu pexü̃ rüngü̃xẽẽxü̃ca̱x nax aixcüma namexü̃ca̱x i perü maxü̃ rü aixcüma penaxüxü̃ca̱x i ngẽma Tupanape̱xewa mexü̃ nax ngẽmaãcü Tupanaga pexĩnüexü̃ca̱x rü nüxü̃ picua̱xüü̃güxü̃ca̱x.

Ore i mexü̃ ga Cuáü̃ ümatüxü̃ 14:20

Rü ngẽxguma yuwa ícharüdaxgu rü wena chamaxü̱̃xgu, rü ngẽxguma tá nüxü̃ picua̱xãchitanü nax choma rü Chaunatüwa changexmaxü̃ rü pema i chowa pengẽxmagüxü̃ rü choma i pewa changexmaxü̃.

Ore i mexü̃ ga Luca ümatüxü̃ 8:15

Natürü gumá triguchire ga mexü̃ ga waixü̃mügu yixü̃ne, rü ngẽma nixĩ i duü̃xü̃gü i aixcüma taãẽãcü nayauxgüxü̃ i Tupanaarü ore, rü naga ĩnüexü̃, rü mea naxca̱x maxẽxü̃. Rü ngẽma nixĩ i duü̃xü̃gü i aixcüma Tupanawe rüxĩxü̃ rü naxügüxü̃ i ngẽma nüma nanaxwa̱xexü̃.

2 Corintios 13:5

Rü name nixĩ i pegütama pengugü nax nüxü̃ pecuáxü̃ca̱x rü aixcüma mea peyaxõgü. Rü name nixĩ i pegü pengugüarü maxü̃ã̱x rü aixcüma Tupanape̱xewa pime. ¿Tama ẽ̱xna nüxna pecua̱xãchie nax Ngechuchu ya Cristu rü pewa nangẽxmaxü̃ ega tama perüyixgu i perü õwa i ngẽxguma guxchaxü̃ pexca̱x ínguxgu?

Colosenses 2:6

Rü ñu̱xma nax Ngechuchu ya Cristuxü̃ peyauxgüxü̃ nax perü Cori yixĩxü̃ca̱x, rü name nixĩ i mea pemaxẽ i ngẽma aixcüma Cristuaxü̃́ yaxõgüxü̃rüxü̃.

Ngechuchuarü ngúexü̃gü ga yamugüxü̃arü puracüchiga 14:22

Rü gumá ĩanegüwa rü yema yaxõgüxü̃xü̃ nixucu̱xẽgü, rü nüxü̃́ nanangúchaü̃xẽẽgü nax guxü̃guma mea yaxõgüãxü̃ca̱x. Rü namaxã nüxü̃ nixugüe, rü ñanagürügü: —Ngẽma Tupana ãẽ̱xgacü ixĩxü̃wa nax ixücuxü̃ca̱x, rü tanaxwa̱xe i muxü̃ma i guxchaxü̃gümaxã yáxna taxĩnüexü̃ i ñoma i naanewa —ñanagürügü.

Ore i mexü̃ ga Cuáü̃ ümatüxü̃ 17:23

Rü chanaxwa̱xe nax ngẽma choxna cumugüxü̃wa changexmaxü̃ rü cuma i chowa nax cungexmaxü̃ nax ngẽmaãcü aixcüma wüxitama ixĩgüxü̃ca̱x i yixema. Rü ngẽmaãcü i ñoma i naanecüã̱x i duü̃xü̃gü rü tá nüxü̃ nicua̱xãchitanü nax cuma núma choxü̃ cumuxü̃. Rü tá nüxü̃ nicua̱xãchitanü nax cuma nüxü̃ cungechaü̃xü̃ i ngẽma choxna cumugüxü̃ ngẽma choxü̃ cungechaü̃xü̃rüxü̃.

Ochéa 14:8

Rü Efraíü̃tanüxü̃ rü tá ñanagürügü: “Marü taxuwama choxü̃́ name i ngẽma tupananetachicüna̱xãgü”, ñanagürügü tá. Rü choma rü tá nüxü̃ charüngü̃xẽxẽ rü nüxna chadau i chorü duü̃xü̃gü. Rü guxü̃gutáma namaxã chamecüma ñoma wüxi i pinu i guxü̃guma ya̱u̱xtanüxü̃rüxü̃. Rü chorü duü̃xü̃gü rü chaugu tá nüxü̃ nayangau i maxü̃ i mexü̃ —ñanagürü.

Efesios 3:17

Rü ngẽxgumarüxü̃ ta nüxna naxca̱x chaca nax perü õgagu pewa namaxü̃xü̃ca̱x ya Cristu. Rü nüxna chaca nax ngẽma Tupanaarü ngechaü̃ i pewa ngẽxmaxü̃ca̱x rü pema rü wüxigu guxü̃ma i yaxõgüxü̃maxã nüxü̃ pecuáxü̃ nax ñuxãcü nataxüchixü̃ i norü ngechaü̃ i namaxã tüxü̃ nangechaü̃xü̃ ya Cristu.

Ngechuchuarü ngúexü̃gü ga yamugüxü̃arü puracüchiga 11:23

Rü yexguma yéma nanguxgu ga Bernabé, rü nüxü̃ nadau nax ñuxãcü Tupana nüxü̃ rüngü̃xẽẽxü̃ ga yema yaxõgüxü̃ ga Antioquíacüã̱x, rü poraãcü namaxã nataãxẽ. Rü nayaxucu̱xẽgü ga guxü̃ma nax meama Cori ya Ngechuchuwe naxĩãmaxü̃ca̱x, rü taguma nüxü̃ naxoexü̃ca̱x.

Colosenses 1:23

Natürü ngéma nax pengugüxü̃ca̱x, rü penaxwa̱xe nax guxü̃guma aixcüma peyaxõgüxü̃ rü taguma nüxü̃ perüxoexü̃ i ngẽma ore i mexü̃ ga marü nüxü̃ pexĩnüexü̃ nachiga i ngẽma maxü̃ i ípenangu̱xẽẽxü̃. Rü ngẽmatama ore nixĩ i ñu̱xma gúxü̃ i naanewa nüxü̃ yaxugüexü̃, rü choma i Pauru nixĩ i nawa chapuracüxü̃ nax nüxü̃ chixuxü̃ca̱x i ngẽma ore.

1 Tesalonicenses 3:5

Rü yemaca̱x ga yexguma marü tama yáxna namaxã chaxĩnügu nax tama pechigaxü̃ chacuáxü̃, rü yemaca̱x düxwa Timutéuxü̃ yéma petanüwa chamu nax pexna yacaxü̃ca̱x rü aixcüma yixĩx nax peyaxõgüamaxü̃ i Tupanaarü ore. Yerü chaxoegaãxẽ rü bexmana Chataná rü chixexü̃gu pexü̃ nayixẽxẽ, rü yemaca̱x natüca̱xmamare chi nixĩ ga torü puracü ga petanüwa taxüxü̃.

Charumóü̃arü wiyae 8:5

¿Rü texé iyixĩ i ngẽma ínachianexü̃wa ne ũcü ya yimá ngĩte ya ngĩxü̃́ ngúchaü̃cüétü ngu̱xchametücü? Wüxi ga manzanatüxü̃wa nixĩ ga curü pewa cuxü̃ íchabaixgüxü̃. Rü yéma yema manzanatüxü̃wa nixĩ ga curü mama ga cumaxã tangu̱xnecaxü̃. Rü yexma nixĩ ga curü mama ga cuxü̃ taxíxraxẽẽxü̃.

Popera ga Yudíugü ga yaxõgüxü̃ca̱x ümatüxü̃ 10:39

Natürü i yixema rü tama naxrüxü̃ tixĩgü i ngẽma duü̃xü̃gü i Tupanana ixĩgachixü̃ rü poxcuwa ĩxü̃, erü yixema rü tüxü̃́ nangẽxma i maxü̃ i taguma gúxü̃ erü tayaxõgü.

Ore i mexü̃ ga Matéu ümatüxü̃ 12:33

Rü ngẽxguma wüxi i nanetü rü namexgu, rü norü o rü ta name. Natürü ngẽxguma wüxi i nanetü rü nachixegu, rü norü o rü ta nachixe. Rü wüxi i nanetü rü norü owa nixĩ i nüxü̃ icuáxü̃ rü aixcüma name rüe̱xna tama.