Ore i mexü̃ ga Cuáü̃ ümatüxü̃ 15:25 - Tupanaarü Ore

²⁵ Natürü ngẽma nangupetü nax yanguxü̃ca̱x i ngẽma ore i norü mugüpanegu ümatüxü̃ i ñaxü̃: “Chauxchi naxaie woo taxuxü̃ma i chixexü̃ chaxüxgu”, ñaxü̃.

Ore i mexü̃ ga Cuáü̃ ümatüxü̃ 15:25 Referans Kwoze

Wiyaegü 109:3

Rü chauxchi naxaieãcüma nidexagü. Rü natüca̱xmamare chixexü̃ chauchiga nixugü.

Wiyaegü 69:4

Rü ngẽma natüca̱xma chauxchi aiexü̃ rü chauyaexü̃ narümumae. Rü nimuetanü i ngẽma chomaxã rüxuanüã̱xgüxü̃ i choxü̃ ima̱xgüchaü̃xü̃. Rü nüma nüxü̃ nixugüe nax changĩ́xü̃ woo taxuca̱xma changi̱xgu. ¿Rü ta̱xacü chi chataeguxẽxẽxü̃ ega tama changi̱xgu?

Wiyaegü 35:19

Rü tama chanaxwa̱xe i natüca̱xma choxü̃ nacugüe i chorü uanügü. Rü tama chanaxwa̱xe nax choxna nanuxetügüxü̃ i ngẽma duü̃xü̃gü i chauxchi aiexü̃ woo taxuxü̃ma i chixexü̃ chaxüyane.

Ore i mexü̃ ga Luca ümatüxü̃ 24:44

Rü ñu̱xũchi ñanagürü nüxü̃: —Rü yema choxü̃ ngupetüxü̃ rü yema nixĩ ga pemaxã nüxü̃ chixuxü̃ ga yexguma tauta chayu̱xgu rü petanüwa chayexmagu. Yerü yexguma rü pemaxã nüxü̃ chixu rü ñacharügü: “Aixcüma tá ningu i guxü̃ma i Tupanaarü ore i chauchiga ümatüxü̃ i wiyaegüarü poperawa, rü Moiché ümatüxü̃ i mugüwa, rü ore i nũxcümaü̃güxü̃ ga Tupanaarü orearü uruü̃gü ümatüxü̃wa” —ñacharügüchire̱x pexü̃.

2 Corintios 11:7

¿Pexca̱x rü chixexü̃ chaxü ga yexguma ngetanüãcüma pemaxã nüxü̃ chixuxgu ga Tupanaarü ore i tüxü̃ maxẽxẽẽxü̃? Rü choma rü aixcüma chaugü ícharüxíraxü̃ nax pexü̃ chataxẽẽxü̃ca̱x i pemax.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:6

Rü yemawena rü ñanagürü choxü̃: “Ñu̱xma rü marü ningu i guxü̃ma. Choma nixĩ i norü ügü i guxü̃ma, rü chowa nixĩ i yacuáxü̃ erü nataxuma i ta̱xacü i choweama üxü̃. Rü yíxema ita̱xawaxe, rü choma rü tá ngetanüãcüma tüxü̃ chaxaxexẽxẽ nawa i ngẽma dexáarü chuxchuxü̃arü dexá i maxẽẽruxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:17

Rü Tupanaãxẽ ya Üünecü rü guxü̃ma i yaxõgüxü̃, rü Ngechuchuxü̃ ñanagürügü: “¡Nua naxũ!” ñanagürügü. Rü yíxema nüxü̃ ĩnüxe i ñaa ore, rü: “¡Nua naxũ!” ñatagügü. Rü yíxema ita̱xawaxe rü tüxü̃́ nachi̱xégaxe, rü name nixĩ i nua taxũ rü tüxü̃́ nangetanüãcüma nawa taxaxe i ngẽma dexá i maxẽẽruxü̃.

2 Tesalonicenses 3:8

Rü toma rü taguma texéarü õna ngetanüãcüma tangõ̱x. Natürü ngunecü rü chütacü rü torü õnaca̱x tapuracüe nax tama wüxi ga guxchaxü̃ pexü̃́ tixĩgüxü̃ca̱x.

Gálatas 2:21

Rü tama nüxü̃ chaxoxchaü̃ i Tupanaarü ngechaü̃. Rü yexguma chi yema mugügu ixĩxü̃gagu Tupanape̱xewa imexgu, rü natüca̱xmamare chi nixĩ nax nayuxü̃ ga Cristu.

Romanos 3:24

Natürü Tupana rü tamaxã namecüma rü yemaca̱x tüxü̃́ nangetanüãcüma tüxü̃ nimexẽẽgü nax nape̱xewa imexü̃ca̱x. Erü Ngechuchu ya Cristu marü tüxü̃́ nanaxütanü ga tórü pecadugü nax tama ipoxcuexü̃ca̱x.

Romanos 3:19

Rü nüxü̃ tacua̱x rü guxü̃ma i ngẽma Tupanaarü mugü nüxü̃ ixuxü̃ rü guxü̃ma i duü̃xü̃güca̱x nixĩ erü guxü̃ma rü Tupanaarü mugütüxü̃wa nangẽxmagü. Rü ngẽmaca̱x taxucürüwa texé tügüétüwa tachogü i ngẽxguma Tupana tüxü̃ icagügu i tümaarü pecaduchiga.

Ore i mexü̃ ga Cuáü̃ ümatüxü̃ 10:34

Rü nüma ga Ngechuchu rü ñanagürü nüxü̃: —Perü mugüpanewa rü naxümatü i Tupanaarü ore i ñaxü̃: “Choma rü nüxü̃ chixu nax tupanagü pixĩgüxü̃”, ñaxü̃.

Wiyaegü 7:4

Rü ngẽxguma chomücü mexü̃ choxü̃́ üxgu, rü taguma chixexü̃maxã tüxü̃́ chanatáeguxẽxẽ. Rü taguma ngürümare guxchaxü̃ chorü uanüca̱x íchanguxẽxẽ.

Ore i mexü̃ ga Cuáü̃ ümatüxü̃ 19:36

Rü yema nangupetü nax yanguxü̃ca̱x i Tupanaarü ore i ümatüxü̃ i ñaxü̃: “Rü taxunetáma ya naxchina̱xã nipoyegü”, ñaxü̃.

Ore i mexü̃ ga Matéu ümatüxü̃ 10:8

¡Rü penameexẽxẽ i ngẽma ida̱xaweexü̃! ¡Rü wena penamaxẽxẽẽ̱x i ngẽma marü yuexü̃! ¡Rü penameexẽxẽ i ngẽma chaxünemaxã ida̱xaweexü̃! Rü ngẽma ngo̱xoã̱xgüxü̃ ¡rü nawa ípenawoxü̃! Rü tama name i penaxãtanü ega texéxü̃ perümexẽẽgu, erü ngẽma pora i pexü̃́ ngẽxmaxü̃ rü pexü̃́ nangetanümare.

Ore i mexü̃ ga Cuáü̃ ümatüxü̃ 13:18

Rü tama guxãma i pechiga nixĩ i chidexaxü̃. Erü choma rü tüxü̃ chacua̱x rü texégü tixĩ ya yíxema tüxü̃ chidexechixe. Natürü tá ningu i ngẽma Tupanaarü ore i ümatüxü̃ i ñaxü̃: “Yíxema chomaxã chibüxe rü chomaxã tarüxuanü”, ñaxü̃.