Ore i mexü̃ ga Cuáü̃ ümatüxü̃ 15:22 - Tupanaarü Ore

²² Rü ngẽxguma chi choma tama namaxã chanango̱xẽẽgu nax chixri namaxẽxü̃, rü taxũchima nüxü̃ nacua̱xgü ga pecadu nax naxügüxü̃. Natürü ñu̱xma namaxã nüxü̃ nax chixuxü̃ nax chixri namaxẽxü̃, rü ngẽmaca̱x i ñu̱xma rü taxuacüma nüxü̃ nixugü nax yangearü pecaduã́xü̃.

Ore i mexü̃ ga Cuáü̃ ümatüxü̃ 15:22 Referans Kwoze

Ore i mexü̃ ga Cuáü̃ ümatüxü̃ 9:41

Rü Ngechuchu nanangãxü̃ rü ñanagürü nüxü̃: —Ngẽxguma chi ngexetügüxü̃ pixĩgügu rü taxũchima pegagu nixĩ nax pepecaduã̱xgüxü̃. Natürü ngẽma nax pegü pixuxü̃ nax pidauuchixü̃ rü ngẽmaca̱x pegagutama nixĩ nax pepecaduã̱xgüxü̃ —ñanagürü.

Popera ga Chantiágu ümatüxü̃ 4:17

Yíxema nüxü̃ cuáxe nax mexü̃ taxüxü̃, natürü tama naxǘxe, rü pecadu taxü.

Ngechuchuarü ngúexü̃gü ga yamugüxü̃arü puracüchiga 17:30

Rü nũxcüma ga duü̃xü̃gü rü naechitamare ínatüe, natürü nüma ga Tupana rü namaxã yáxna naxĩnü. Natürü i ñu̱xma ya Tupana rü nanamu i duü̃xü̃gü i guxü̃wama nax naxca̱x nadaugüxü̃. Rü nanamu nax nüxü̃ naxoexü̃ i nacüma i chixexü̃gü.

Romanos 1:20

Rü woo tama nüxü̃ idaugügu ya Tupana, natürü guxü̃ma i ngẽma naxüxü̃wa nixĩ i nangóxü̃. Rü yexguma noxri naane naxü̱xgumama nixĩ ga meama duü̃xü̃güxü̃ nüxü̃ nadauxẽẽxü̃ nax aixcüma Tupana nax yixĩxü̃ rü guxü̃guma nax naporaxü̃. Rü ngẽmaca̱x i ngẽma duü̃xü̃gü i chixexü̃ ügüxü̃, rü taxucürüwama ta̱xacümaxã nügü ínapoxü̃gü i Tupanape̱xewa.

Ore i mexü̃ ga Cuáü̃ ümatüxü̃ 12:48

Yíxema tama choxü̃́ yaxṍxe rü tama chauga ĩnüxe rü marü tüxü̃́ nangẽxma nax ta̱xacüca̱x tapoxcuxü̃. Erü ngẽma ore i nüxü̃ chixuxü̃gagu tátama nixĩ i tapoxcuxü̃ i naanearü gu̱xgu, erü tama tayaxõ i ngẽma ore i nüxü̃ chixuxü̃.

Nüxíraxü̃xü̃ ga popera ga Pedru ümatüxü̃ 2:16

Rü ñu̱xma nax Cristu pexü̃ ínguxü̃xẽẽxü̃, rü name nixĩ i duü̃xü̃gü i aixcüma ínguxü̃xü̃rüü̃ãcü mea pemaxẽ. Natürü ñu̱xma nax ípenguxü̃xü̃ rü tama name nax ngẽmamaxã pegü ípepoxü̃xü̃ nax ta̱xacürü chixexü̃ pexügüxü̃ca̱x. Erü ñu̱xma nax Tupanaarü duü̃xü̃gü pixĩgüxü̃, rü name nixĩ i norü ngúchaü̃ pexügü.

Romanos 2:1

Rü ngẽmaca̱x, Pa Duü̃xü̃x, rü woo texé quixĩxgu rü taxuacüma Tupanape̱xewa cugüétüwa cuchogü ega togüxü̃ quixuxgu. Erü ngẽxguma togüxü̃ quixuxgu nax nachixexü̃ rü cugütama chixexü̃gu cungu̱xẽxẽ, erü cuma nax cumücüxü̃ quixuxü̃ rü cuma rü ta cunaxü i ngẽma chixexü̃ i cumücüxü̃ naxca̱x quixuxü̃.

Echequié 2:5

Rü ñanagürü ta: —Ngẽma duü̃xü̃gü i tama irüxĩnüechaü̃xü̃ rü ngẽxguma woo cuxü̃́ inaxĩnüegu rüe̱xna tama cuxü̃́ inaxĩnüegu, natürü tá nüxna nacua̱xãchie nax natanüwa marü nangẽxmaxü̃ i chorü orearü uruxü̃.

Ore i mexü̃ ga Cuáü̃ ümatüxü̃ 19:11

Rü Ngechuchu nanangãxü̃, rü ñanagürü: —Taxũchima cuxme̱xwa changexma ega tama Tupana naxwa̱xegu. Rü ngẽmaca̱x i ngẽma cuxna choxü̃ muxü̃ rü curü yexera poraãcü napecaduã̱x —ñanagürü.

Ore i mexü̃ ga Cuáü̃ ümatüxü̃ 15:23

Rü guxü̃ma i chauxchi aiexü̃ rü Chaunatüchi rü ta naxaie.

Ore i mexü̃ ga Cuáü̃ ümatüxü̃ 15:24

Rü ngẽxguma chi taxũchima ngẽma duü̃xü̃güpe̱xewa Tupanaarü poramaxã chanaxüxgu i ngẽma cua̱xruü̃gü i taguma texé ya togue üxü̃, rü taxũchima ninaguãchi nax yapecaduã́xü̃. Natürü marü nüxü̃ nadaugü i ngẽma cua̱xruü̃gü i Tupanaarü poramaxã chaxüxü̃, rü ngẽxguma rü ta chauxchi naxaieama rü Chaunatüchi rü ta naxaie.

Ore i mexü̃ ga Cuáü̃ ümatüxü̃ 16:9

Rü nüma ya Naãxẽ ya Üünecü tá duü̃xü̃güxü̃ nüxü̃ nacua̱xẽxẽ nax yíxema tama choxü̃́ yaxõgüxe rü pecadugu tamaxẽ.