Ore i mexü̃ ga Cuáü̃ ümatüxü̃ 15:2 - Tupanaarü Ore

² Rü ngẽma úbachacüxü i tama choxü̃́ oxü̃, rü norü yora rü nayadae. Natürü ngẽma nachacüxü i oxü̃, rü mea nanamexẽẽtanü nax yexeraãcü poraãcü naxoxü̃ca̱x.

Ore i mexü̃ ga Cuáü̃ ümatüxü̃ 15:2 Referans Kwoze

Ore i mexü̃ ga Matéu ümatüxü̃ 3:10

Rü Tupanaarü yuema rü marü íimemare nax naxchúma̱xãgu nadaxü̃xü̃ca̱x i ngẽma nanetügü i tama mexü̃. Rü guxü̃ma i nanetügü i chixearü oóxü̃ rü tá nadaxü̃, rü ñu̱xũchi tá üxüwa niwocu.

Ore i mexü̃ ga Matéu ümatüxü̃ 15:13

Natürü nüma ga Ngechuchu rü nanangãxü̃ rü ñanagürü nüxü̃: —Guxü̃ma i ngẽma nanetü i tama Chaunatü ya dauxü̃gucü itoxü̃ rü tá nanabe̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Ore i mexü̃ ga Cuáü̃ ümatüxü̃ 15:8

Rü ngẽxguma muxü̃ i duü̃xü̃gü cha̱u̱xca̱x pegagügu, rü ngẽmawa tá nango̱x i Chaunatüarü pora. Rü ngẽmaãcü i pema rü aixcüma chorü ngúexü̃gü tá pixĩgü.

Ore i mexü̃ ga Matéu ümatüxü̃ 13:12

Rü yíxema aixcüma naga ĩnüxe i chorü ore, rü tá yexera i cua̱x tüxü̃́ nangẽxma. Rü ngẽmaãcü tá nata i tümaarü cua̱x. Natürü yíxema tama naga ĩnüxe i ñaa ore rü tá tüxna nanayaxu i ngẽma íxraxü̃ i cua̱x i tüxü̃́ ngẽxmachiréxü̃.

Ore i mexü̃ ga Matéu ümatüxü̃ 3:12

Rü nüma rü marü ínamemare nax ñoma i naanewa yadexechiãxü̃ca̱x i norü duü̃xü̃gü ñoma wüxi i yatü trigu naatüna idexechixü̃rüxü̃. Rü ngẽmaãcü tá nayadexechi i ngẽma noxrü ixĩgüxü̃ nax naxü̃tawa nangẽxmagüxü̃ca̱x, natürü ngẽma tama noxrü ixĩgüxü̃ rü tá ínanagu nawa ya yimá üxü ya taguma ixoxü̃ne”, ñanagürü ga Cuáü̃.

Ore i mexü̃ ga Matéu ümatüxü̃ 21:19

Rü namacüwawa nüxü̃ nadau ga wüxi ga nanetü ga igunecü. Rü naxca̱x nixũ, natürü taxuxü̃ma ga norü oxü̃ inayangau, rü naatüxicaxü̃ inayangau. Rü yemaca̱x ñanagürü nüxü̃ ga yema nanetü: —Tagutáma wena cuxo̱x —ñanagürü. Rü yexgumatama narüñexẽ ga yema nanetü.

Yox 17:9

Natürü yíxema duẽxẽgü i aixcüma mexü̃ ixĩgüxe rü we̱xgu taxĩama. Rü yíxema ngearü chixexü̃ãxẽ rü tiporaetanü.

Popera ga Yudíugü ga yaxõgüxü̃ca̱x ümatüxü̃ 12:15

¡Rü pegüna pedaugü nax taxúema nüxü̃ oxü̃ca̱x i ngẽma ngü̃xẽxẽ ya Tupana norü ngechaü̃maxã pexna ãxü̃! Erü tama tanaxwa̱xe nax texé petanüwa guxchaxü̃ íngu̱xẽẽxü̃ nax ngẽmaãcü ñoma wüxi i nanetü i chixexü̃rüxü̃ toguxexü̃ tachixexẽẽxü̃ nax Cristuna tixũgachixü̃ca̱x.

Ore i mexü̃ ga Cuáü̃ ümatüxü̃ 15:16

Pema rü tama pexíra cha̱u̱xca̱x pedaugü, natürü chaxíra nixĩ ga pexca̱x chadauxü̃ rü pexü̃ chamuxü̃ nax ngéma pexĩxü̃ca̱x rü nüxü̃ pixuxü̃ca̱x i chorü ore nax chauxü̃tawa penagagüxü̃ca̱x i muxü̃ma i duü̃xü̃gü, rü nümagü rü guxü̃guma choxü̃́ yaxõgüãxü̃ca̱x. Rü ñu̱xũchi Chaunatü ya Tupana tá pexna nanaxã i guxü̃ma i ta̱xacü i chauégagu nüxna naxca̱x pecaxü̃.

Ore i mexü̃ ga Luca ümatüxü̃ 8:13

Rü gumá triguchire ga nutatanügu yixü̃ne, rü ngẽma nixĩ i duü̃xü̃gü i nüxü̃ ĩnüexü̃ i Tupanaarü ore rü taãẽãcü nayauxgüxü̃. Natürü tama aixcüma nagu narüxĩnüe i ngẽma ore rü paxaãchi nayaxõgü, rü yixcüra guxchaxü̃ nüxü̃ üpetügu, rü nüxü̃ narüxoe.

Maraquía 3:3

Rü nüma ya Cori rü tá ínarüto nax ínapigüãxü̃ca̱x i norü chixexü̃ i ngẽma chacherdótegü i Lebítanüxü̃, ñoma diẽrumü rü úiru norü üxaxü̃ca̱x üxüwa iguxü̃rüxü̃. Rü ngẽmawena rü tá marü name i ngẽma chacherdótegü nax Cori ya Tupana naxwa̱xexü̃ãcü ngéma nape̱xewa nangegüãxü̃ i norü ãmaregü.

Nüxíraxü̃xü̃ ga popera ga Cuáü̃ ümatüxü̃ 2:19

Rü ngẽma Cristuarü uanügü rü tatanüwatama nangẽxmagüchire̱x, natürü tama aixcüma tatanüxü̃ nixĩgü, erü ngẽxguma chi tatanüxü̃ yixĩgügu rü tatanügu chitama narücho. Natürü marü tatanüwa ínachoxü̃ nax meama nangóxü̃ca̱x nax tama aixcüma tatanüxü̃ yixĩgüxü̃.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

1 Corintios 13:1

Rü woo togü i nagawa chidexagu, rü woo Tupanaarü orearü ngeruü̃gü i daxũcüã̱xgawa chidexagu, natürü ñoma wüxi i paxetaruxü̃ i ãgamarexü̃rüxü̃ chixĩ ega tama choxü̃́ nangẽxmagu i ngechaü̃.

Romanos 8:28

Rü nüxü̃ tacua̱x rü tümaarü mexü̃ca̱x nixĩ ya Tupana ínangu̱xẽẽxü̃ i guxü̃ma i ngẽma tüxü̃ üpetüxü̃ ya yíxema nüxü̃ ngechaü̃güxe ga nüma nagu naxĩnüxü̃ca̱x tüxü̃ nadexe.

Ore i mexü̃ ga Cuáü̃ ümatüxü̃ 17:12

Rü yexguma ñoma ga naanewa natanüwa chayexmagu, rü curü pora ga choxna cuxãxü̃maxã nüxna chadau rü íchanapoxü̃. Rü taxuxü̃ma inarütaxu. Rü yema woetama marü irütaxuxü̃xicatama inarütaxu nax yanguxü̃ca̱x i curü ore i ümatüxü̃.

Ucu̱xẽgüchiga 4:18

Ngẽma mexü̃ i duü̃xü̃gücüma rü ñoma ngexwaca yangunegurüxü̃ nixĩ nax nangóxü̃, rü ngẽmaãcü yexera ningóchigü ñu̱xmata yangóonexü̃chi.

Ore i mexü̃ ga Matéu ümatüxü̃ 13:33

Rü Ngechuchu rü to ga ore ga cua̱xruxü̃ duü̃xü̃gümaxã nixu, rü ñanagürü: —Guxü̃wama nangu nax ãẽ̱xgacü yixĩxü̃ ya Tupana. Rü ñoma íxraxü̃ i paũarü pu̱xẽẽruxü̃ i wüxi i nge taxü̃ i paũchara namaxã ipu̱xẽẽxü̃rüxü̃ nixĩ nax guxü̃wama nanguxü̃ —ñanagürü ga Ngechuchu.

Ochéa 6:3

¡Rü ngĩxã pora taxüe nax aixcüma Cori ya Tupanaxü̃ icuáxü̃ca̱x rü naga ixĩnüexü̃ca̱x! Rü nüma ya Cori ya Tupana rü aixcüma tá taxca̱x ínangu ñoma üa̱xcü guxü̃guma ínguxü̃rüxü̃ rü ñoma pucü guxü̃guma waixü̃mü iwaimüanexẽẽcürüxü̃”, ñanagürügü tá —ñanagürü ya Tupana.

Ichaía 29:19

Rü ngẽma iraxü̃ nüxü̃́ ngẽxmagüxü̃ rü Cori ya Tupanamaxã tá nataãẽgü. Rü woo i ngẽma ngearü diẽruã̱xgüxü̃ rü tá Iraétanüxü̃arü Tupana ya üünecümaxã nataãẽgü.

Ichaía 27:9

Natürü nüma ya Cori ya Tupana rü tá nüxü̃́ nüxü̃ inayarüngüma i ngẽma Iraétanüxü̃arü chixexü̃gü rü tá ínanapi i norü pecadugü i ngẽxguma nagu napogüegu i norü tupananetagüarü ãmarearü guruü̃güarü nutagü, ñoma nuta ya cal íxraxü̃gu pocürüxü, rü ngẽxguma ínawogüãgu i ngẽma naigü i Acheráchicüna̱xãgü i namaxã natupanaã̱xgüxü̃ rü nagu napogüegu i ngẽma guruü̃gü i nawa norü tupananetagüca̱x pumarate̱xe ínagugüxü̃.

Wiyaegü 92:14

Rü woo ngẽxguma nayaegu rü tá nixãxacüetanüama rü guxü̃gutáma naporae.

Danié 11:35

Rü ngẽxgumarüxü̃ ta i ñuxre i ngẽma nüxü̃ icuáxü̃ nax duü̃xü̃güxü̃ nangúexẽẽxü̃, rü norü uanügü rü tá nawe ningexü̃tanü. Rü ngẽmaãcü Tupana tá nüxü̃ naxü nax nape̱xewa yamexü̃ca̱x. Rü ngẽmaãcü nixĩ rü ñu̱xmata nawa nangu i ngẽma ngunexü̃ ya Tupana nagu unetaxü̃.

Ore i mexü̃ ga Matéu ümatüxü̃ 7:19

Rü guxü̃ma i nanetü i tama mexü̃ i norü o rü tayadaxüchi rü üxüwa tayata̱xcuchi.

Ore i mexü̃ ga Matéu ümatüxü̃ 25:29

Erü yíxema tüxü̃́ nangẽxmacü rü yexera tá tüxna ngĩxü̃ taxã, rü ngẽmaãcü tá tüxü̃́ imuxũchi. Natürü yíxema tüxü̃́ natau̱xcü rü woo ngẽma noxre i tüxü̃́ ngẽxmacü rü tá tüxna ngĩxü̃ tayaxu.

Ore i mexü̃ ga Márcu ümatüxü̃ 4:20

Natürü nangẽxma i togü i duü̃xü̃gü i yimá triguchire i mexü̃ i waixü̃mügu yixü̃nerüxü̃ ixĩgüxü̃. Ngẽmagü nixĩ i nüxü̃ ĩnüexü̃ i ore i mexü̃ rü nayauxgüxü̃ rü Tupana naxwa̱xexü̃ãcüma mea maxẽxü̃. Rü tümaxe rü gumá trigu ga 30 pü̱xü nawa ínguxuchinerüxü̃ tixĩgü. Rü tümaxe rü gumá 60 pü̱xü nawa ínguxuchinerüxü̃ tixĩgü. Rü tümaxe rü gumá 100 pü̱xü nawa ínguxuchinerüxü̃ tixĩgü —ñanagürü.

Ore i mexü̃ ga Cuáü̃ ümatüxü̃ 15:1

Rü ñanagürü ga Ngechuchu: —Choma nixĩ i ngẽma úbane i aixcüma ixĩxü̃. Rü Chaunatü nixĩ ya nüxna daucü i ngẽma úba.

Ore i mexü̃ ga Cuáü̃ ümatüxü̃ 15:3

Pema rü marü pime, yerü naga pexĩnüe ga yema ore ga pemaxã nüxü̃ chixuxü̃.

Ore i mexü̃ ga Cuáü̃ ümatüxü̃ 15:6

Rü texé ya tama chowa yaxṹẽchaxe rü tá ítata̱xüchi. Rü wüxi i úbachacüxü i daexü̃ rü ipaxü̃ rü üxüwa iguxü̃rüxü̃ tá tixĩ.

Romanos 11:17

Tupana nüxü̃ naxo ga yema Yudíugü ga tama yaxõgüchaü̃xü̃. Rü ñoma wüxi i oribuchacüxü i idaexü̃rüxü̃ nixĩ ga yema Yudíugüxü̃ naxoxü̃. Natürü nachicüü Tupana pexü̃ nade woo tama Yudíugü nax pixĩgüxü̃. Rü wüxi i naixnecücüã̱x i oribuchacüxü rü oribu ítoxü̃wa yarüñaxcuchixü̃rüxü̃ pixĩgü. Rü ñu̱xma i pema rü ta pexü̃́ nangẽxma i pechica natanüwa i ngẽma duü̃xü̃gü i Tupanaarü ixĩgüxü̃. Erü Tupana rü pexü̃ narüngü̃xẽxẽ nax penayaxuxü̃ca̱x i maxü̃ i taguma gúxü̃.

Romanos 11:22

Dücax, aixcüma namecüma ya Tupana. Natürü tama tüxü̃ naxüpetümare ya yíxema tama naga ĩnüxe. Rü nanapoxcue ga yema chixexü̃gu yixü̃, natürü pemaxã namecüma i pema ega naga pexĩnüegu rü aixcüma nüxü̃́ peyaxõgügu. Natürü ngẽxguma tama peyaxõgüechagu rü tama nüma naxwa̱xexü̃ãcüma pemaxẽgu, rü nüma rü pexü̃ rü tá ta naxo.