Ore i mexü̃ ga Cuáü̃ ümatüxü̃ 15:16 - Tupanaarü Ore

¹⁶ Pema rü tama pexíra cha̱u̱xca̱x pedaugü, natürü chaxíra nixĩ ga pexca̱x chadauxü̃ rü pexü̃ chamuxü̃ nax ngéma pexĩxü̃ca̱x rü nüxü̃ pixuxü̃ca̱x i chorü ore nax chauxü̃tawa penagagüxü̃ca̱x i muxü̃ma i duü̃xü̃gü, rü nümagü rü guxü̃guma choxü̃́ yaxõgüãxü̃ca̱x. Rü ñu̱xũchi Chaunatü ya Tupana tá pexna nanaxã i guxü̃ma i ta̱xacü i chauégagu nüxna naxca̱x pecaxü̃.

Ore i mexü̃ ga Cuáü̃ ümatüxü̃ 15:16 Referans Kwoze

Ore i mexü̃ ga Cuáü̃ ümatüxü̃ 15:19

Rü ngẽxguma chi ñoma i naanecüã̱x i duü̃xü̃gürüxü̃ pixĩgügu, rü ñoma i naanecüã̱x i duü̃xü̃gü rü chi pexü̃ nangechaü̃gü ngẽma natanüxü̃xü̃ nax nangechaü̃güxü̃rüxü̃. Natürü choma nixĩ ga pexca̱x chadauxü̃ natanüwa ga ñoma ga naanecüã̱x ga duü̃xü̃gü. Rü ngẽmaca̱x nixĩ i pexchi naxaiexü̃, erü marü tama naxrüxü̃ pixĩgü.

Efesios 2:10

Rü Tupana nixĩ ga tüxü̃ ngo̱xẽẽcü rü tüxü̃ maxẽxẽẽcü. Rü ñu̱xma rü Cristugagu tüxna nanaxã i ngẽma maxü̃ nax mexü̃ ixügüxü̃ca̱x. Rü ngẽmaãcü i ñu̱xma rü nagu taxĩ i ngẽma nacüma ga nũxcüma Tupana taxca̱x nagu rüxĩnüxü̃.

Ore i mexü̃ ga Luca ümatüxü̃ 6:13

Rü yexguma yangóonegu, rü Ngechuchu norü ngúexü̃güca̱x naca. Rü natanüwa nayadexechi ga 12. Rü orearü ngeruü̃gügu nanaxüéga.

Gálatas 1:15

Natürü yexguma taxũta chabuxgu, rü woetama Tupana choxü̃ naxuneta nax choxü̃ namuxü̃ca̱x nax chanaxüxü̃ca̱x i norü puracü. Rü nüma rü cha̱u̱xca̱x naca nax noxrü chixĩxü̃ca̱x, yerü poraãcü choxü̃ nangechaü̃. Rü yexguma Tupana naxwa̱xegu, rü choxü̃ nüxü̃ nacua̱xẽxẽ ga Nane ya Cristu. Rü yemaacü nanaxü nax ngẽma duü̃xü̃gü i tama Yudíugü ixĩgüxü̃maxã nüxü̃ chixuxü̃ca̱x nax Ngechuchugagu tüxü̃́ nangẽxmaxü̃ i maxü̃ i taguma gúxü̃. Rü yexguma yemaacü Tupana choxü̃ nüxü̃ cua̱xẽẽgu ga Nane, rü taxúenama chayaca.

Nüxíraxü̃xü̃ ga popera ga Cuáü̃ ümatüxü̃ 4:19

Rü yixema rü Tupanaxü̃ tangechaü̃gü, yerü nüma rü nüxíra tüxü̃ nangechaü̃.

Ngechuchuarü ngúexü̃gü ga yamugüxü̃arü puracüchiga 22:14

Rü yexguma ñanagürü ta: “Yimá Tupana ya nũxcümaü̃güxü̃ ga tórü o̱xigüarü Tupana cuxü̃ naxuneta nax nüxü̃ cucuáxü̃ca̱x i norü ngúchaü̃, rü nüxü̃ cudauxü̃ca̱x ya yimá Cristu ya aixcümacü, rü naã̱xwatama nüxü̃ cuxĩnüxü̃ca̱x i naga.

Norü taxre ga popera ga Timutéuca̱x naxümatüxü̃ ga Pauru 2:2

Yema ore ga chauxü̃tawa nüxü̃ cuxĩnüxü̃ ga yexguma muxü̃ma ga duü̃xü̃güpe̱xewa nüxü̃ chixuxgu, rü chanaxwa̱xe i ñu̱xma cuxí ngẽma oremaxã cunangúexẽxẽ i togü i yatügü i mea naãẽxü̃ cua̱xgüxü̃ nax nüxĩ́ togüxü̃ nangúexẽẽxü̃ca̱x namaxã i ngẽma ore.

Ore i mexü̃ ga Cuáü̃ ümatüxü̃ 13:18

Rü tama guxãma i pechiga nixĩ i chidexaxü̃. Erü choma rü tüxü̃ chacua̱x rü texégü tixĩ ya yíxema tüxü̃ chidexechixe. Natürü tá ningu i ngẽma Tupanaarü ore i ümatüxü̃ i ñaxü̃: “Yíxema chomaxã chibüxe rü chomaxã tarüxuanü”, ñaxü̃.

Ore i mexü̃ ga Cuáü̃ ümatüxü̃ 6:70

Rü Ngechuchu nüxü̃ nangãxü̃, rü ñanagürü: —¿Taux ẽ̱xna choma yixĩxü̃ ga pexü̃ chidexechixü̃ ga pemax ga 12? Natürü petanüwa nangẽxma i wüxi i Chatanáarü duü̃xü̃ ixĩxü̃ —ñanagürü.

Nüxíraxü̃xü̃ ga popera ga Pedru ümatüxü̃ 3:15

Rü name nixĩ i perü Corixü̃ peyaxĩxẽxẽ ya Cristu rü aixcüma naga pexĩnüe. Rü name nixĩ i guxü̃guma ípememare nax mea penangãxü̃xü̃ca̱x i guxü̃ma i ngẽma duü̃xü̃gü i pexna ca̱xaxü̃ nax ta̱xacüca̱x Cristuaxü̃́ peyaxõgüxü̃.

Wiyaegü 71:18

Pa Chorü Tupanax, ñu̱xma nax marü chayaxü̃ rü chapuxeruxü̃, rü ¡taxṹ i choxna quixũgachixü̃! Erü chanaxwa̱xe i curü porachigaxü̃ chixu namaxã i ngẽma ñu̱xma maxẽxü̃ i duü̃xü̃gü nax nümagü rü ta ngẽma duü̃xü̃gü i tá ingóetanüxü̃maxã nüxü̃ yaxugüxü̃ca̱x.

Nüxíraxü̃xü̃ ga popera ga Cuáü̃ ümatüxü̃ 4:10

Rü ngẽma ngechaü̃ i aixcüma ixĩxü̃ rü tama Tupanaxü̃ tangechaü̃wa nango̱x. Natürü Tupana rü ñoma ga naanewa nanamu ga Nane nax taxca̱x nayuxü̃ca̱x rü naxütanüãxü̃ca̱x ga tórü pecadugü. Rü yemawa inanawe̱x i ngẽma ngechaü̃ i aixcüma ixĩxü̃.

Ucu̱xẽgüchiga 11:30

Yíxema duü̃xẽ ya mexü̃gu maxü̃́xẽ, rü maxü̃maxã tüxü̃́ naxãtanü, natürü yíxema nuwa̱xéxe rü tüxna nanayaxu i ngẽma maxü̃.

Ngechuchuarü ngúexü̃gü ga yamugüxü̃arü puracüchiga 1:24

Rü ñaãcü nayumüxẽgü: —Pa Corix, cuma nüxü̃ cucua̱x i guxü̃ma i duü̃xü̃güarü maxü̃. ¡Rü ñu̱xma rü toxü̃ nawe̱x i ngexü̃rüüxü̃ i ñaa taxrewa nixĩ i cunaxwa̱xexü̃ nax cunamuxü̃ca̱x nax naxüaxü̃ca̱x i ñaa puracü ga Yúda ítáxü̃ ga yexguma norü poxcuwa naxũxgu! —ñanagürügü.

Ichaía 27:6

Rü tá ínangu i ngunexü̃ i Acóbutanüxü̃ rü ñoma nanetügü i muxchúma̱xãxü̃rüxü̃ tá nixĩ nax Iraétanüxü̃ wena ínadagüxü̃ rü yamuxü̃. Rü ngẽmaãcü i norü o rü ñoma i naane tá namaxã nanapa.

Romanos 15:4

Rü guxü̃ma ga yema nũxcüma ümatüxü̃ ga Tupanaarü orewa, rü naxümatü nax tüxü̃ nangu̱xẽẽxü̃ca̱x nax taguma nüxü̃ rüxoexü̃ ega woo ta̱xacürü guxchaxü̃ taxca̱x ínguxgu. Rü yema Tupanaarü ore rü naxümatü nax tüxü̃ nataãẽxẽẽxü̃ca̱x rü tüxü̃ nüxü̃ nacua̱xẽẽxü̃ca̱x nax aixcüma Tupanaarü ixĩgüxü̃.

Ngechuchuarü ngúexü̃gü ga yamugüxü̃arü puracüchiga 9:15

Natürü nüma ga Cori rü ñanagürü nüxü̃: —¡Ngéma naxũ! Erü choma chanayaxu i ngẽma yatü nax choxü̃ yaxuchigaxü̃ca̱x namaxã i togü i nachixü̃anecüã̱xgü i duü̃xü̃gü rü norü ãẽ̱xgacügü, rü ngẽma Iraétanüxü̃.

Ore i mexü̃ ga Matéu ümatüxü̃ 21:22

Rü guxü̃ma i ngẽma naxca̱x ípeca̱xaxü̃ i perü yumüxẽwa, rü tá penayauxgü ega aixcüma peyaxõgüãcüma naxca̱x ípeca̱xgu —ñanagürü.

Wiyaegü 145:4

Rü papagü rü naxacügüwa tá nanangúexẽẽgü nax cuxü̃ yacua̱xüü̃güxü̃ naxca̱x i ngẽma cuxüxü̃. Rü tá nüxü̃ nixugügü i ngẽma mexü̃gü i curü poramaxã cuxüxü̃.

Norü taxre ga popera ga Timutéuca̱x naxümatüxü̃ ga Pauru 1:11

Rü Tupana choxü̃ naxuneta nax nüxü̃ chixuxü̃ca̱x i norü ore. Rü choxü̃ namu nax ngẽma oremaxã chanangúexẽẽxü̃ca̱x i duü̃xü̃gü.

1 Corintios 10:11

Rü guxü̃ma ga yema nũxcümaü̃güxü̃ ga tórü o̱xigüxü̃ ngupetüxü̃, rü tórü cua̱xruxü̃ nixĩ. Rü naxümatü nax ngẽmawa nüxü̃ icuáxü̃ca̱x nax ñuxãcü Tupana naxwa̱xexü̃ nax imaxẽxü̃ i yixema i ñomaü̃cüü.

Romanos 9:21

Rü ngẽma üwechiruxü̃ rü waixü̃müwa nanaxü i ta̱xacü i nüma naxüxchaü̃xü̃. Rü ngẽxguma nanaxwa̱xegu, rü ngẽma waixü̃müwa nanaxü i wüxi i nawechi nax norü meruxü̃ yixĩxü̃ca̱x. Rü ngẽxguma nanaxwa̱xegu, rü ngẽmatama waixü̃müwa nanaxü i wüxi i nawechi nax norü guxchirepáü̃ yixĩxü̃ca̱x.

Popera ga Chantiágu ümatüxü̃ 3:18

Rü yíxema duü̃xü̃güxü̃ rüngü̃xẽẽgüxe nax tama nügüchi naxaiexü̃ca̱x, rü Tupana tá tüxü̃ narüngüxẽxẽ nax tataãẽxü̃ca̱x.

Popera ga Yudíugü ga yaxõgüxü̃ca̱x ümatüxü̃ 11:4

Rü gumá nũxcümaü̃cü ga Abé rü Tupanaaxü̃́ nayaxõ rü yemaca̱x nüxna nanaxã ga wüxi ga ãmare ga Caíü̃arü ãmarearü yexera Tupanape̱xewa mexü̃. Rü yemaca̱x ga Tupana rü Abémaxã nataãxẽ rü nüxü̃ nixu nax mecü yixĩxü̃. Rü nüma ya Abé rü woo nax nayuxü̃, natürü wüxi i tórü cua̱xruxü̃ nixĩ, erü nagagu nixĩ i nüxü̃ icuáxü̃ nax Tupana naxwa̱xexü̃ nax yaxõgüxü̃.

Popera ga Títoca̱x naxümatüxü̃ ga Pauru 1:5

Rü yexguma Crétaarü capaxũwa cuxna íchixũxgu, rü cumaxã nüxü̃ chixu nax yema yaxõgüxü̃tanüwa cunaxüxü̃ ga yema puracü ga tama chingu̱xẽẽxü̃ ga yexguma cuxna yéma chataegugu. Rü yemaca̱x cumaxã nüxü̃ chixu nax wüxichigü ya ĩanewa rü nüxü̃ cuxunetaxü̃ i yaxõgüxü̃arü ãẽ̱xgacügü nax ngẽma yaxõgüxü̃maxã inacua̱xgüxü̃ca̱x, yema cuxü̃ chamuxü̃rüxü̃.

Colosenses 1:6

Rü ngẽmatama ore i mexü̃ ga pexü̃tawa nguxü̃, rü guxü̃wama nangu i ñu̱xmax. Rü ngẽma ore rü guxü̃wama duü̃xü̃güarü maxü̃xü̃ naxüchicüü, yema perü maxü̃xü̃ nax naxüchicüüxü̃rüxü̃ ga yexguma nüxü̃ pexĩnüegu nax Tupana pexü̃ ngechaü̃güxü̃ rü nüxü̃ pecua̱xgügu nax aixcüma yixĩxü̃ ga yema norü ore.

Romanos 1:5

Rü Ngechuchu ga Cristugagu Tupana chomaxã namecüma rü choxü̃ naxuneta nax norü puracü chaxüxü̃ca̱x. Rü yemaca̱x Ngechuchuégagu choxü̃ namu nax guxü̃ i nachixü̃anewa nüxü̃ chixuxü̃ca̱x i norü ore nax yaxõgüãxü̃ca̱x i duü̃xü̃gü rü Tupanaga naxĩnüexü̃ca̱x.

Ngechuchuarü ngúexü̃gü ga yamugüxü̃arü puracüchiga 10:41

Natürü tama guxü̃ ga duü̃xü̃güca̱x nango̱x. Rü toxca̱xicatama nango̱x ga toma ga ü̃pamama Tupana toxü̃ dexe nax nüxü̃ tixuxü̃ca̱x i Ngechuchuchiga. Rü yexguma marü yuwa ínadaxguwena rü namaxã tachibüe rü namaxã taxaxegü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:7

Rü Tupana choxü̃ naxuneta nax norü orearü ngeruxü̃ chixĩxü̃ca̱x. Rü choxü̃ namu nax chanangúexẽẽxü̃ca̱x i ngẽma duü̃xü̃gü i tama Yudíugü ixĩgüxü̃ nax nümagü rü ta yaxõgüãxü̃ca̱x rü nüxü̃ nacua̱xgüxü̃ca̱x i ngẽma ore i aixcüma ixĩxü̃. Rü ngẽma pemaxã nüxü̃ chixuxü̃, rü aixcüma nixĩ, rü tama chidora.

Colosenses 1:23

Natürü ngéma nax pengugüxü̃ca̱x, rü penaxwa̱xe nax guxü̃guma aixcüma peyaxõgüxü̃ rü taguma nüxü̃ perüxoexü̃ i ngẽma ore i mexü̃ ga marü nüxü̃ pexĩnüexü̃ nachiga i ngẽma maxü̃ i ípenangu̱xẽẽxü̃. Rü ngẽmatama ore nixĩ i ñu̱xma gúxü̃ i naanewa nüxü̃ yaxugüexü̃, rü choma i Pauru nixĩ i nawa chapuracüxü̃ nax nüxü̃ chixuxü̃ca̱x i ngẽma ore.

Miquéa 5:7

Rü ngẽxguma i ngẽma Iraétanüxü̃ i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü Tupana rü tá namaxã inacua̱x ñoma cherenamaxã rü pucü i maxẽétügu puxü̃maxã inacuáxü̃rüxü̃. Rü taxũtáma nanaxwa̱xegü nax duü̃xü̃güarü ngü̃xẽẽca̱x nadaugüxü̃ erü Tupana tá nixĩ i nüxü̃ rüngü̃xẽẽcü.

Naanearü ügüchiga 18:18

Erü nüma tá nixĩ i norü o̱xi i wüxi i nachixü̃ane i taxü̃ rü poraxü̃. Rü marü namaxã chanaxuegu nax nagagu tá nüxü̃ charüngü̃xẽẽxü̃ i guxü̃táma i nachixü̃anegü i ñoma i naanewa ngẽxmagüxü̃.

Romanos 1:13

Pa Chauenexẽgüx, chanaxwa̱xe i nüxü̃ pecua̱x nax muẽ̱xpü̱xcüna pexü̃ íchayadauxchaü̃xü̃, natürü ñu̱xmarüta rü choxü̃́ naguxcha. Natürü ngéma petanüwa chaxũxchaü̃, erü chanaxwa̱xe nax petanüwa nüxü̃ chixuxü̃ i Tupanaarü ore nax ngẽmaãcü yaxõgüãxü̃ca̱x i duü̃xü̃gü i taxũta yaxõgüxü̃, yexgumarüxü̃ nax yaxõgüãxü̃ ga togü ga duü̃xü̃gü ga tama Yudíugü ixĩgüxü̃.

Ngechuchuarü ngúexü̃gü ga yamugüxü̃arü puracüchiga 1:8

Natürü ngẽxguma pexna nanguxgu i Tupanaãxẽ ya Üünecü, rü tá pexü̃ naporaexẽxẽ. Rü tá ípechoxü̃ nax nüxü̃ peyarüxugüexü̃ca̱x i chauchiga i Yerucharéü̃wa, rü guxü̃ma i Yudéaanewa, rü Chamáriaanewa, rü ñu̱xmatáta guxü̃ i naanewa nangu —ñanagürü.

Ore i mexü̃ ga Matéu ümatüxü̃ 7:7

¡Tupanana naxca̱x peca! Rü nüma tá pexna nanaxã. ¡Rü naxü̃tagu naxca̱x pedau! Rü tá nüxü̃ ipeyangau. ¡Rü norü ĩã̱xwa nüxna pecagü! Rü tá pexca̱x nayawãxna.

Ore i mexü̃ ga Cuáü̃ ümatüxü̃ 15:5

Choma nixĩ i úbane, rü pema i nachacüügü. Rü yíxema chowa yaxṹẽchaxe rü choma i tümawa, rü aixcüma tá namu i norü o. Natürü ngẽxguma tama chowa peyaxũ̱xgüechagu, rü taxucürüwama ta̱xacü pexüe.