Ore i mexü̃ ga Cuáü̃ ümatüxü̃ 15:11 - Tupanaarü Ore

¹¹ Choma rü pemaxã nüxü̃ chixu i ngẽma nax chauxrüxü̃ petaãẽgüxü̃ca̱x. Rü ngẽxguma i pema rü tá aixcüma petaãẽgü.

Ore i mexü̃ ga Cuáü̃ ümatüxü̃ 15:11 Referans Kwoze

Romanos 15:13

Rü ñu̱xma i pemax nax nüxü̃́ peyaxõgüxü̃, rü chanaxwa̱xe nax poraãcü pexü̃ nataãẽxẽxẽ ya yimá Tupana ya pexü̃ tauxchaxẽẽcü nax Cristuxü̃ ípenangu̱xẽẽgüxü̃. Rü chanaxwa̱xe i Naãxẽ ya Üünexü̃arü poramaxã Tupana pexü̃ naporaexẽxẽ nax yexeraãcü Cristuxü̃ ípenangu̱xẽẽgüxü̃ca̱x.

Ore i mexü̃ ga Cuáü̃ ümatüxü̃ 17:13

Rü ñu̱xma rü cuxü̃tawa chaxũ. Natürü ñoma i naanewa changexmayane rü nüxü̃ chixu i ñaa curü ore nax nümagü rü ta nüxü̃́ nangẽxmaxü̃ca̱x i ngẽma taãxẽ i aixcüma ixĩxü̃ i choxü̃́ ngẽxmaxü̃.

Ore i mexü̃ ga Cuáü̃ ümatüxü̃ 16:24

Ñu̱xmarüta i pema rü taxuxü̃ca̱xma chauégagu ípecagü. ¡Naxca̱x ípeca rü tá penayaxu i ngẽma naxca̱x ípecaxü̃! Rü ngẽmaãcü tá aixcüma petaãẽgü.

Nüxíraxü̃xü̃ ga popera ga Cuáü̃ ümatüxü̃ 1:4

Rü ngẽmaca̱x pexca̱x tanaxümatü i ñaa ore nax wüxigu aixcüma itaãẽgüxü̃ca̱x.

Nüxíraxü̃xü̃ ga popera ga Pedru ümatüxü̃ 1:8

Pema rü Ngechuchu ya Cristuxü̃ pengechaü̃gü woo taguma nüxü̃ nax pedaugüxü̃. Rü ñu̱xma rü ta woo tama nüxü̃ pedaugü, natürü nüxü̃́ peyaxõgü, rü poraãcü petaãẽgü. Rü ngẽma perü taãẽmaxã rü pexü̃́ nataxuma i perü dexa nax ñuxãcü nüxü̃ pixugüxü̃ca̱x i ngẽma perü taãxẽ. Erü ngẽma perü õgagu marü penayauxgü i perü maxü̃ i taguma gúxü̃.

Norü taxre ga popera ga Cuáü̃ ümatüxü̃ 1:12

Choxü̃́ nangẽxma i muxü̃ma i ore i pemaxã nüxü̃ chixuxchaü̃xü̃. Natürü tama chanaxwa̱xe nax poperawa pemaxã nüxü̃ chixuxü̃. Erü petanüwa íchayadauxchaü̃ nax chomatama pemaxã nüxü̃ chixuxü̃ca̱x nax ngẽmaãcü wüxigu aixcüma itaãẽgüxü̃ca̱x.

Ore i mexü̃ ga Cuáü̃ ümatüxü̃ 16:33

Rü guxü̃ma i ñaa ore rü pemaxã nüxü̃ chixu nax chaugagu petaãẽgüxü̃ca̱x. Rü ñoma i naanewa rü tá ngúxü̃ pinge. ¡Natürü peporae! Erü choma rü marü nüxü̃ charüyexera i guxü̃ma i ñoma i naane —ñanagürü.

2 Corintios 1:24

Rü toma rü tama pexü̃ taxucu̱xegüecha nax Tupanaaxü̃́ peyaxõgüxü̃, erü pema rü marü meama peyaxõgü. Natürü ngẽma tanaxwa̱xexü̃ nixĩ nax pexü̃ tarüngü̃xẽẽgüxü̃ nax yexeraãcü peporaexü̃ca̱x i perü õwa.

1 Tesalonicenses 5:16

Rü name nixĩ i guxü̃guma petaãẽgü.

Ore i mexü̃ ga Luca ümatüxü̃ 15:32

Natürü ñu̱xma rü name nixĩ nax ipetaãxẽgüxü̃ rü itaãẽgüxü̃ erü cuenexẽ ga gumá cha̱u̱xca̱x rü marü yucü, rü maxü̃cü taxca̱x ínangu. Rü woo tüxna inayarütaxu, rü wenaxarü taxca̱x nango̱x” —ñatarügü.

Ore i mexü̃ ga Luca ümatüxü̃ 15:9

Rü ngẽxguma ngĩxü̃ iyangauxgu, rü inangutaque̱xexẽxẽ i ngĩmücügü i ngexü̃gü rü ngĩtanüxü̃ i ngĩrü ngaicamagu pegüxü̃, rü nüxü̃ ngĩgürügü: “¡Wüxigu chomaxã petaãxẽgü, Pa Chomücügüx! Erü marü ngĩxü̃ ichayangau i ngẽma chorü diẽru ga iyarütaxu̱xcü”, ngĩgürügü.

Filipenses 1:25

Rü ñu̱xma nax mea nüxü̃ chacuáxü̃ nax pechoxwa̱xexü̃, rü ngẽmawa nüxü̃ chacua̱x nax taxũtáma paxa chayuxü̃. Rü ngẽmaãcü tá chamaxãma nax pexü̃ charüngü̃xẽxẽxü̃ca̱x nax yexeraãcü Cristuca̱x pemaxẽxü̃ca̱x rü yexeraãcü taãẽãcüma nüxü̃́ peyaxõgüxü̃ca̱x.

Efesios 5:18

Rü tama name i pengãxẽ, erü ngẽma rü chixexü̃wa tüxü̃ nagagü i ngẽxguma ngẽmaãcü imaxẽgu. Natürü name nixĩ i Tupanaãẽ i Üünexü̃na pegü pexãgü nax pewa nangẽxmaxü̃ca̱x rü pemaxã inacuáxü̃ca̱x.

Ore i mexü̃ ga Cuáü̃ ümatüxü̃ 3:29

Rü wüxi i ngĩgüwa rü yimá yatü ya ingĩcü rü naxma̱xarü yora nixĩ. Rü yimá yatümücü i naxü̃tawa ngẽxmaxü̃ rü nüxü̃́ inarüxĩnü i norü ore. Rü nataãxẽ i ngẽxguma nüxü̃ naxĩnügu nax yadexaxü̃. Rü ngẽxgumarüxü̃ ta i choma rü aixcüma Cristumaxã chataãẽxü̃chi i ñu̱xmax.

Ore i mexü̃ ga Luca ümatüxü̃ 15:5

Rü ngẽxguma nüxü̃ itayangauxgu rü taãẽãcüma tügüãtügu tayaga.

Ore i mexü̃ ga Luca ümatüxü̃ 15:23

¡Rü peyayaxu̱x i ngẽma wocaxacü i rüngü̃maexü̃, rü peyamá, rü ngĩxã namaxã tachibüe rü tapetae!

Yeremía 32:41

Rü choma rü tá chataãẽãcüma nüxü̃ charüngü̃xẽxẽxü̃. Rü aixcümaxü̃chi guxü̃ma i chorü ngúchaü̃maxã tá ñaa naanewa chanangexmagüxẽxẽ” —ñanagürü.

Ichaía 53:11

Natürü nawena nax ngúxü̃ yangexü̃, rü tá nataãxẽ erü nüxü̃ nacua̱x nax norü yugagu muxü̃ma i duü̃xü̃gü tá nanayauxgü i maxü̃ i taguma gúxü̃. Rü nüma ya Cori ya Tupanaarü duü̃ ya mecü rü tá Tupanape̱xewa nayamexẽxẽ i muxü̃ma i duü̃xü̃gü rü tá nayange i norü pecadugü.

Chofonía 3:17

Erü nüma ya Cori ya perü Tupana ixĩcü, rü petanüwa nangẽxma, rü nüma rü poracü nixĩ, rü pexü̃ tá namaxẽxẽxẽ. Rü nüma ya Cori ya Tupana rü tá pemaxã nataãxẽ. Rü ngẽma pexü̃ nax nangechaxü̃xü̃gagu rü ngexwaca̱xü̃xü̃ i maxü̃ tá pexna naxã. Rü ngẽma nax pemaxã nataãẽxü̃ rü nüma ya Tupana rü norü taãẽmaxã tá nawiyae ñoma petachigaarü ngunexü̃gurüxü̃ —ñanagürügü tá. Rü nüma ya Cori ya Tupana rü ñanagürü: —Choma rü tá pexü̃ íchanguxü̃xẽxẽ nawa i ngẽma chixexü̃ i pexü̃ ãxũnexü̃. Rü nawa tá pexü̃ íchanguxü̃xẽxẽ i ngẽma ãne i peétüwa ngẽxmaxü̃.

Yeremía 33:9

Rü Yerucharéü̃ rü tá choxü̃ nataãxẽxẽxẽ rü tá choxü̃ natachigaxẽxẽ rü tá choxü̃ nicua̱xüxü̃ nape̱xewa i guxü̃ma i ngẽma togü i nachixü̃anegü i ñoma i naanewa ngẽxmagüxü̃. Rü ngẽxguma ngẽma nachixü̃anegü nüxü̃ cuáchigagügu i guxü̃ma i ngẽma ngü̃xẽẽgü i Yerucharéü̃arü duü̃xü̃güca̱x íchanguxẽẽxü̃ rü ngẽma mexü̃gü i nüxna chaxãxü̃, rü ngẽma nachixü̃anegü rü norü muü̃maxã tá nidu̱xruxe’ ” —ñanagürü.

Ichaía 62:4

Rü duü̃xü̃gü rü marü taxũtáma ñanagürügü: —Yerucharéü̃ rü ĩane ya íta̱xmarene nixĩ —ñanagürügü. Rü tá: —Tupanaarü Ĩane —ñanagürügü. Rü ngẽma curü naane rü taxũtáma —Naane i chixexü̃ —ñanagürügü. Rü ngẽxguma rü tá: —Naane i Tupanaarü Ixĩxü̃ —ñanagürügü. Erü Cori ya Tupana rü tá cumaxã nataãxẽ, rü curü naanearü yora tá nixĩ.